عيناكِ ولاية لغربتي

💕الحـلقة الـخامسة عـشر💕

رواية "عيناك ولاية لغربتي"

للكـاتـبة: مـلاك محـمد

💕الحـلقة الـخامسة عـشر💕
_____________________________

•

•

كمية الراحة يلي تحس بيها ليوم مش طبيعية .. لدرجة إنه أمس رقدت بدون مهدئات أعصاب .. مش مصدقة إنه قدرت تقرب منه كل هده المسافة كل ما تتفكر روحها وجهها يتلون بـ ألوان طيف سبعة ..

شدت الدبوس وتبت بيه وشاحها اللبيج يلي كان يتماشى مع قفطانها نبيذي لون المتناسق مع جسمها بـ أكمامه الواسعة شوية و شريط المطاطي يل كان محدد خصرها.....
إبتسمت لي إنعكاسها ولفت راسها لي يلي فتحت الباب
وخشت بقوة وإندفاع وعيونها يلي متورمة من البكاء

:" اه يا بنتي ما كنتش نعرف إنه روحتي "

وقربت منها بخطوات سريعة وحضنتها بحب وهيا عيونها يذرفو في دموع ..

:" أمي حبيبتي علاش هكي دايرة فروحك"

بعدت يلي كانت حاضنتها بقوة وهيا تشوفلها وتطمن عليها إنه ما فيها شي ...
حاوطت و جهها بـ يديها وتكلمت و العبرة خانقتها ..

:" خفت يصيرلك شي ونخسرك يا بنيتي راك أمانة فرقبتي ..قوليلي شن صار "

إبتسمت وقربت مسحتلها دمعات عيونها بأصابعها رقيقة
وهيا كل ما تتفكره تحس في فراشات داخل بطنها و تجي بين عيونها نظرات عيونه ..

:" أقسملك ما صار شي خلاني في سيارة و مشى قعمز بعيد لليل وما ضرنيش عُمر إنسان كويس!"

وجت بتتكلم لكن قصت عليهم يلي جت خاشة تجري ..

:" ااا اه ..اسفة بس سمعت إنه حور روحت وجيت بنطمن عليها " و إبتسمت بإحراج وكملت: "قطعت عليكم "

هزت حور رأسها بـ لا وإبتسمت إبتسامة رقيقة من رقتها يغار الورد منها..

:" ولا يهمك تيماء "

تكلمت تيماء بصوتها الهادي:"باهي هي نراجو فيكم علي الفطور "

شافت حور لي أمها ورفعتلها يديها قدام وجهها وحركتهم بـ خفة ..:" هيا ماماا أحلى فطور نوكلك من يديا .."

إبتسمت دلال بحب وشدت في إيدها وطلعو مع بعض ...

•

•

•

•

:" تي يا راجل يوم جمعة وعطلة بنرقد شوية خيرك منوضني..سروة كرموس و أنا ما ندريش ساعة سبعة ونص كانه متعرفش..!"

تكلم بعصبية وهوا يشوف لي يلي واقف و مكتف يديه يراجي فيه يلبس ساعته ..

:" تعرف تخيط فمك .. جدي قال الكل يكون موجود علي سفرة .."

مسح علي شعره و لحيته وزفر بقوة .. و شوية و إنهالو عليه الأتصالات من بعض العمال و إنشغل معاهم بين يلي طلع بخطوات غاضبة من دار ومشى علي طول الممر وهوا مزال ناقصه نوم..