عـيناك وِلايـة لِـغربـتي ...
للكاتبة: " مـلاك محـمد "
💕الحـلقة الـرابعة 💕
____________________________
•
•
:" لو سمحت نبي الضابط قاصي الجابر "
تكلم الشرطي يلي كان مقعمز ورفع الهاتف لي ودنه وتكلم مع يلي كان في طرف تاني وسكر الخط ....
شرطي: " تقدر تمشيله تلقاه في القسم 3:B تالت غرفة علي ايدك اليمين"
ابتسم الشاب وهز راسه كـ تحية لي هدا الشرطي البشوش و كمل طريقه ....
وصل لي الغرفة المطلوبة وطق علي الباب وخش
كان قاصي لاهي في اوراق مع واحد ..
:" يا فندي قاصي ! "
تلفت قاصي وبنضرته الجدية الحادة شافله وقرب منه
قاصي: " تي وينك يا أدهم معقولة تغيب شهر كامل "
أدهم: " مش المهم ويني ولا علاش غبت شهر كامل المهم وصلنا لي شخص المطلوب "
حط الاوراق يلي في ايده .. و بكلمة وحدة كانو كل يلي معاه في الغرفة برا ...جبد الكرسي وقعمز عليه قعمز أدهم علي الكرسي يلي مقابله قدام المكتب ...
قاصي: " لي شن وصلت بزبط "
أدهم حط الملف قدامه .. :" بما أنه دوري في عملية سرية ضمن المخابرات حاولت نجمع أكبر عدد من المعلومات و إختفائي المدة يلي فاتت كان علي خاطر هده القضية "
ومرر الملف بإصابعه علي الطاوله جيهة قاصي ...
شاف قاصي لي الملف قدامه ولي أدهم ...
رخى أدهم ظهره علي مسند الكرسي وطلع طرف دخان و ولعه ... جبد كمية كبيرة وطلعها وركز عيونه علي قاصي ...
أدهم: " بعد الستة ضحايا يلي كانت متعرضة للإبتزاز و الإغتصاب و كل هده الجرائم يتبعو لي شخص واحدد بسس "
قاصي بعيون مشتعله بـ حقد علي كمية الجرائم يلي مسجلة في القضية هده: "أهم شيء الموضوع بسرية تامة ..!"
أدهم نفت الدخان من خشمه وخدا سبسي وطفاه
:" أكيد ..ويلي تعبنا عليه كل هـ سنين قربنا نوصلوله "
قاصي: "تمام... ناخد منه نسخه ونعطيهولك الملف هدا "
أدهم: " خليه عندك عندي نسخه منه "
خدا قاصي الملف وحطه في شنطة الكتفين متاعه ولم بعض من الأوراق وقرب من أدهم ...
حط إيده علي كتفه وضغط عليه ..
قاصي: "نورت القسم من جديد .. سامحني بس عندي شوي أمور نبي نتمهم "
أدهم بإبتسامة صادقة: " خود راحتك يا راجل "
طبطب قاصي علي ذراعه وطلع ...
و بـ خطوات سريعة ركب سيارته ... حدف الشنطة في الكرسي الخلفي ونزل علي جنبه اليمين وقرب من الدرج متع سيارة فتحه وجبد منه الهاتف ... بحث في الأرقام وضغط علي الرقم المطلوب ...
أنت تقرأ
عيناكِ ولاية لغربتي
Mistério / Suspense"رواية جريئة" 🔥 نقلت عيونها لي يلي راسه مغطي بـ دم. ..... وفمها نطق لا إراديا و بهمس ..."بابا" ... و معش شافت شي... يلي كان من نصيبها انه يغمى عليها وتلاقته برحابة صدر وتمنت ترقد معش تنوض ويطلع كل شي حلم ... 🔥🔥🔥 "عيناك ولاية لي غُربتي" بقلمي:...
