رواية "عيناك ولاية لغربتي "
للـكاتبة : ملاك محمد
💕الحـلقة الـسادسة عـشر💕
______________________________
في لحظات دقيقة في حياتنا تكون فيها الكلمة الدافية سبب في إنها تخلي الحياة بكأملها تعاود تحب تعيشها من جديد .. هكي كان رأي بنسبة ليا ....
من الظرات الحنونه يلي كانو في عيون دلال لي بنتها نظرات أم هُرمت روحها وتثاقلت علي أكتافها الدنيا تشوفلها بنظرات لو كانو يحكو لحكو علي كمية الحب يلي لو وزعاته علي كل البشرية ما تمش ...
دهنت طرف التوست المحمص بـ مُربى التوت ومداته لي أمها و إبتسمت بحب...
:" أنا قلتلك بنوكلك من يديا هي كولي وقوليلي شن رايك"
ضحكت دلال وخدت منها التوست قضمت منه و غمضت عيونها بتلذذ ...
ضحكت حور بإتساع وكل يلي موجودين علي المائدة يشوفو لي ضحكتها و لي الغمازات الخفيفة يلي نغرزو في خدودها يحكو جمال هده الفاتنة ..
تيماء بشرود: " ياربي أنا بنت وذبت لو كان ولد كيف .."
تكلمت يلي جنبها طلعت قلب الزيتونه من فمها..
:" شهور تانيات وأشهدي علي حرب جاسوس يلي بتصير علي خاطرها "
ضحكت تيماء وشدت ضحكتها بسيف: " حرب البسوس مش الجاسوس "
تكلمت جدتهم بـ حنان أكتر: " حتى أنا نبي نذوق يلي كلاته دلال عجبها هكي لين خلى ضحكتك الواسعة تبان علي وجهك وإحنا بس تعطي فينا في إبتسامات خفيفة! "
تكلمت ندى بنت آدم بغيرة: " خيركم كلكم مهتمين لي حور وأنا لا! "
ضحكو كلهم علي صوتها طفولي بين ما حور رفعت طرف تاني خبز توست و دهنت عليه مربى و وقفت لفت لين وصلتلها وخدت قرباته م فمها وكلت منه وساوت جدتها نفس الحركة يلي ساوتها أمها ضحكت حور هده المرة ضحكة رنانة وإبتسمو الكل علي سعادتها ..
تكلمت مرت عمها الهادي يلي ديما ترن بـ أساورها ذهبية
:" مشاء لله يا بنتي متحسنة بهلبا علي لما جيتينا! "
إبتسمت حور:" الحمد لله هدا كله بفضل ربي العالمين وفضلكم لولاكم ما كنت حنتحسن هكي .." ورجعت لي كرسيها وكملت بصوتها ناعم لي أمها ..:" أمي نبي نشوف جدي.. أنا تحسنت بهلبا وبديت مقتنعة إنه ناس يلي حوليني مش حـ يضرني منهم حد! "
علت وجه جدتها فرحة لا توصف وهيا تعلن علي إنه بدت تطلع من قوقعتها يلي حابسة روحها فيها وهده مؤشرات ممتازة جدا ...
إستمرت الهدرزة وضحكات الحلوة علي الفطور يلي كان جزء منه فطور صحي تقليدي وجزء منه غربي ...
•
•
•
•
أنت تقرأ
عيناكِ ولاية لغربتي
Misterio / Suspenso"رواية جريئة" 🔥 نقلت عيونها لي يلي راسه مغطي بـ دم. ..... وفمها نطق لا إراديا و بهمس ..."بابا" ... و معش شافت شي... يلي كان من نصيبها انه يغمى عليها وتلاقته برحابة صدر وتمنت ترقد معش تنوض ويطلع كل شي حلم ... 🔥🔥🔥 "عيناك ولاية لي غُربتي" بقلمي:...
