رواية " عيناكِ ولاية لغربتي"
الحلقة الثانية
للكاتبة: ملاك محمد
_____________________________________
•
•
•
:ألو "
زهراء: أهلين "
مسحت أطراف عيونها بـ كف يدها و حاولت تعدل من نبرة صوتها يلي غالبة عليها العبرة ..
حور : زهراء ممكن ناخد من وقتك شوية لو فاضية "
عدلت زهراء تقعميزتها وسيبت يلي في يدها
زهراء: ممكن ليش لا فاضية! "
حور : انتي كنتي ممرضتي الخاصة و قبل كل هدا صديقتي و صاحبتي! "
زهراء : أكيد ... حور احكي شن في! "
حور : مني عُمرر ؟ "
•
•
•
مفيش شي تقدر توصف بيه معالم وجهه يلي معبية حزن ... حزن دفين .. عميق .. من قال أنه الفراق ينتسى مع الوقت .. من قال انه ممكن الشخص لو مات مع الوقت يخف الحزن .. مفيش شي يُضاهي فقد الأحباب
......
تنهد نجيب تنهيدة كانت حارة لي مسامع يلي مقعمزة جنبه .. شافتله ومسحت علي رجله وكأنها بـ للقطة هده تمد فيه بطاقة لازمة .. رفع عيونه فيها و هوا يمرر في خرز السبحة يلي كانت في يده وتكلم بنبرته يلي كانت حازمة ديما وجدية زي ما عرفوه من يومه .. شخص قيادي و ما يهاب شي وكلمته هيا المسموعة ..
القانون .. قانون .. مهما تطورت الاجيال مستحيل حد يخترق قوانين العيلة المعروفة ... عائلة " الجابر"
تكلمت بصوتها المحبب: خيرك يا حاج هليومين الا متكدر "
تكلم يلي وقف وناوي انه يمشي: ما في شي يا مريم القصة وما فيها انه مرت ولدك عُثمان بتروح هيا وبنتها "
فجر القنبلة وتحرك من مكانه ورغم انه يلي مقعمزه عيونها فاضو بدموع حبيسة دموع قهر وحسرة علي هده العيلة يلي تشتت ...
•
•
•
•
"ماريااااا "
خشت تجري يلي كانت تسقي في الورد وتعدل في حجابها ...
: نعمم .. خيرك تعيط " كانت تشوفله بنضرات مستأءة
عُمر: وتيلي شنطة فيها حوايج يكفوني لمدة اسبوع عندي رحلة اليوم علي ساعة خمسة" وكمل مشيه بدون ما يهتم ركب الدرجات بخفة وخش لي داره واتجه لي الحمام طول .....
فتح الميه الساخنة كانت الابخرة تتصاعد من علي جسمه مسند مرفقيه علي الحيط واصابعه متخلله في شعره ... كان تعبان ... تلاته ايام متواصلة خدمة بدون ما يوقف ..... كلها دقايق وطلع من الحمام لابس شورطه و المنشف علي كتفه يمسح في شعره ... رغم برودة الجو و المكان الا انه جسمعه اعتاد .. قعمز علي طرف سرير و المنشف علي كتفه شد راسه بيديه زوز وتفكيره راح ....
أنت تقرأ
عيناكِ ولاية لغربتي
Mystère / Thriller"رواية جريئة" 🔥 نقلت عيونها لي يلي راسه مغطي بـ دم. ..... وفمها نطق لا إراديا و بهمس ..."بابا" ... و معش شافت شي... يلي كان من نصيبها انه يغمى عليها وتلاقته برحابة صدر وتمنت ترقد معش تنوض ويطلع كل شي حلم ... 🔥🔥🔥 "عيناك ولاية لي غُربتي" بقلمي:...
