عيناكِ ولاية لغربتي

💕الحـلقة الـعشـرون💕

رواية "عيناك ولاية لغربتي "

للـكاتبة: مـلاك محـمد

💕الحـلقة الـعشـرون💕

________________________________

في حاجات أسمها الأرزاق المنسية …
زي وجود أهلك حواليك .. لقاء الأحباب ..صحتك .. وجود أمك .. تنوض وأنت بكامل عافيتك .. أكل هنيء و
أنه في يوم ما كنتش متخيل أنه يتغير وضعك من الأسواء الي أحسن ..و أنه يجي ليوم يلي تتنهد فيه بـ راحة ..

هكي قالت بينها وبين نفسها وهيا تشوف لي تراب يلي كانت ترسم عليه بـ طرف حذائها في خطوط عشوائيو ورفعت عيونها وشافت لي مساحة الشاسعة يلي حوليها..

من قال إنه حترجع بعد سته سنوات و نصف لي أهلها وعيالها ..
وأنه حـ تتقبل الوضع وتتعايش معاه وأنه أمراضها يلي كانت حتكون المزمنة بدت تزول و كوابيسها المخيفة معش تلاحق فيها زي زمان ..

حركت رجليها بعشوائية وهيا تمسح في الخطوط يلي شكلتهم علي تراب .. و وقفت كانت حـ تنوض تلحق يلي خش لداخل وعطل ..

تحركت بخطوات بسيطة و تحس في رأسها يوجع فيها لأنها تحاول تتفكر أي ذكرة ليها في المكان هذا ..

لكن جمدت لما شافت الحصان الأبيض يلي كانو رجليه يشوبها لون رمادي وهوا جاي جيهتها بـ سرعة و شعره الأبيض ناصع يطير من حركته سريعة...
غطت وجهها وهيا تتخايل فيه بيهجم عليها و تكمشت علي روحها بخوف ..
لكن سرعته يلي بدت تخف وبدت شبه خطوات بسيطة و وقف قريب منها ..
بين يلي طلع يجري و وقف يتنفس بقوة لما شافها متكمش علي روحها ..
هرول و وقف جنبها و إبتسم بـ حب ..

:" هييه نحي يديك يا خوافة! "

وقرب اكتر يفك ف إيدها وهوا يضحك ويتنفس بـ قوة  بين ما هيا قعدت تشوف بـ ترقب لي الحصان يلي يشوفلها و أستوعبت أنه نفس الحصان يلي شافاته المرة الأولى
و أنتبهت لي يلي تكلم جنبها بـ صوته الرخيم و بـ نبرة دافئة ..

:" تفكرتيها الفرس هده! "

شافتله و إبتسامة خفيفة هدتها لي عيونه يلي كانت متلهفة علي شوفت وجهها ولو حتى بدون ما تنتبه لا بال أنه تواتيه فرصة أنه يشوفلها ...

:" اي فرس المرة يلي فاتت وقالتلي ماريا أنها فرسك المفضل! "

إرتفعت زاوية فمه بإبتسامة متهكمة وعيونه تلتهم في تقاسيم وجهها الفاتنة ..
مرة مرة تولع فيه نار الغيرة يلي تخليه يتخايل أنه تَصول و تجول في القصر قدام أولاد عمامه هوا غار عليها حتى من خوه لا بال شخص تاني ... لو يلقى توا يطير بيها لي جناحه فوق ويسكر عليها وميخليش حتى طير طاير يحوم جهتها..

تكلم بدون وعي وهوا يرفع في حاجبه وعيونه وكأنه شافت فيهم وميض غريب..

:" لازم تلبسي نُقاب و عباية عيونك فتنه يا بنت! "