رواية "عيناك ولاية لغربتي"
للكاتبـة: مـلاك مـحمـد
💕الـحلقة الـخامسة💕
______________________
•
•
همست بصوت خافت : "عُمر"
خاف ... اي خاف أنه يضعف قدامها عطاها بـ ظهره وتكلم بصوته الجهوري... :" عمتي دلال عطيني أوراقكم نكمللكم الإجراءات وتقدرو تمشو لي سيارة "
وسكت وكمل: " عمي المهدي معاكم اهو يرفع الشناطي"
وكمللهم الإجراءات وعطاهم جوازاتهم وعيونه متنحوش من علي يلي راسها لوطة وعيونها كانو مغمضات وخايفة وتفتح فيهم مرة مرة .....
دلال بإبتسامة خفيفة: " صحيت يا ولدي ... هيا بنتي متخافيش انا معاك "
شافتلها حور بنظرات مهزوزة وخايفة ومشت معاها بين كمية الزحمة يلي كانت في صالة المطار ....
قعد عُمر يتبع فيها بعيونه لعند طلعت ... استند بـ ظهره علي العرصة يلي جنبه وتنهد....
•
•
•
•
تكلمت بصوت عالي لي يلي كانت في نهاية الممر ..
:" جُماااانه "
جتها جُمانه تجري وفي يدها طرف بشكوط تاكل فيه ..
جُمانه: "خيرك تعيطي هاا ... تقول عرس اليوم شنفي"
كريمة مرت عمها ناصر: " اشرفتي علي غرفة حور بنت عمك وشطبتي أمورها ...ما قعد عليهم شي ويوصلو ره "
جمانه بـ ملل: " ولله يا عمتي إلا حطيت فيها كل شي و الحمام برضو رتبته وما خليت ما حطيت فيه "
كريمة بصوت ودود:" نجيها ياربي وزيدي أكدي علي غرفة مرت عمك و شوفـ...."
وشافت لي يلي ماشية وشادة طاجين ...
كريمة: "تيماء وين ماشية بيه هدا "
شافتلها تيماء وشافت لي طاجين الحوت يلي في ايدها: " بنحطه في المأذبة النسائية يلي دايرينها وين بنمشي بيه يعني "
كريمة وخبطت ايدها علي فخدها :" تي لااا هدا طاجين الحوت طلبوه رجااااالة يا بلوة "
تيماء :"ووووك " ومشت بيه لي جيهة الممر متع مأدبة الرجالة ...
كانت جُمانه حاطة يدها علي فمها وتضحك مش قادرة تشد ضحكتها ....
كريمة شافتلها بعصبية: "ايي وانتي زيدي أضحكي اقلبي وجهك وين ما وصيتك "
جُمانه بضحكة: "حاضر يا أحلى مشرفة في دنيا "
كريمة بعصبية: "جُماااانه "
مشت جُمانه تجري وتضحكك ...
•
•
أنت تقرأ
عيناكِ ولاية لغربتي
Mystery / Thriller"رواية جريئة" 🔥 نقلت عيونها لي يلي راسه مغطي بـ دم. ..... وفمها نطق لا إراديا و بهمس ..."بابا" ... و معش شافت شي... يلي كان من نصيبها انه يغمى عليها وتلاقته برحابة صدر وتمنت ترقد معش تنوض ويطلع كل شي حلم ... 🔥🔥🔥 "عيناك ولاية لي غُربتي" بقلمي:...
