عيناكِ ولاية لغربتي

💕الحـلقة الـثامنة عـشر💕

رواية " عيناك ولاية لغربتي "

للكـاتبة: مـلاك محـمد

💕الحـلقة الـثامنة عـشر💕
__________________________

•

•

" قصدك هكي شكلي منين كنت صغيرة! "

تكلمت بـ دهشة و إبتسامتها تزين فمها ..وكملت وهيا تشوف لي عيون أمها ..

:" هذه صورة وين خديناها!؟"

إبتسمت أمها وهيا تحط في الألبوم يلي كان بين يديها و عيونها هامو في بحر الدكريات الجارف ..

:" هذا اليوم .. كان مميز .. وقتها بوك غاب علينا تلاته شهور وهوا في الصحراء و شركة ما خلاتاش يروح وفات عيد ميلادك و بوك مش موجود ..
وزعلتي و بكيتي ودرتي إضراب .. وهييهااي دمعتك وقتها جدك كانت يديرلها ألف حساب كيف وأنتي حفيدته وتبكي ..
كلم معارف عنده وحاولو يعطو بوك إجازة ولما روح .. رفضتي إنك تبعدي عليه لمدة إسبوع و إنتي ترقدي جنبه ورفعك دهورك و صورتي أنتي وياه وروحتي "

رفعت غُرتها خلف ودنها وشدت صورة وضمتها لي صدرها ..

:"عادي ناخدها ولا ممنوع! "

مسحت دلال طرف عينها ولملمت الصور ..

:" خوديها ...و هيا نوضي إرقدي الوقت تأخر "

وقفت وقربت طبعت بوسة علي خد أمها و طلعت من الجناح يلي كان يخص أمها و بوها .. يلي عاشت فيه معاهم وتقاسمت نصف الذكريات كذالك ..
طلعت وخلت وراها إمرأة عايشة علي وهم وأطياف الماضي و بصيص من نور الأمل علي إنه في يوم يتحسن وضعها للأحسن ...
وما أصعبه من شعور لما تحس روحك أنت حياتك واقفة و يلي حوليك كلهم حياتهم تتقدم ..
•

•

•

طلعت بخطواتها الخفيفة و عيونها علي صورة يلي في إيديها و احاسيسها متداخلة .. وراسها مصدع تبي تحاول تتفكر ولو جزء بسيط من قصة صورة يلي بين يديها ..
قطع عليها حبل الأفكار لما الباب يلي قريب توصلله إنفتح ..
تلبكت في خطواتها وبان الجسم الضخم يلي طلع ....
و بـ سرعة ما لفتت نظره بـ جسمها صغير و بجامتها يلي كانت تحضن جسمها بـ قماشها الثقيل الدافئ .. و بـ لونها الكرميلي يلي زادها لطافة ..

تنحنح وسكر الباب ولف شافلها من فوق لي تحت بـ نظرات تقيمية ..
وتكلم وهوا مزال علي نظراته المستكشفة.. ببحة صوته الرجولية ..

:" شن منوظك لي الوقت هدا! "

إرتبكت أكتر و إحمرار تفجر في خدودها وهيا تدس في خصلات شعرها داخل غطاء بجامتها يلي كان مغطي شعرها ..

:" اا .. كنت عند .. أمي !"

تكلمت بصوت مرتبك وعيونها علي اصابع يديها ..

قرب خطوة وحدة و بصوته الحازم وبنبرة ما تقبلش أي إستهتار قال..

:" و كيف تطلعي هكي في مكان عارفة إنه في ولاد أعمامك و بلا حجاب!!"