رواية "عيناك ولاية لِغربتي"
للكـاتبة: مـلاك محـمد
💕الحـلقة الثانـية عـشر💕
_________________________
•
•
تشائمت من أجواء هدا اليوم ..
كانت السماء صافية وشمس معبية المكان بـ حرارتها ..
وفجأة....
صارت الغيوم تتجمع مع بعضها وكأنها بدير حِلف ..و بتروي حكاية من حكايات أخر هدا الفصل من الفصول .. و بتكتب أخر سطور من هدا الشتاء ...
وبديتها ..فصل ربيع مزهر ..
تكلمت يلي مقعمزة قريبة من روشن علي الكرسي المريح يلي مصنوع من خشب عريق ..
خشب منحوث بـ أنامل خلت بصمتها لأجيال .. وكأنهم يحكولهم علي عمر وعراقة هدا القصر بـ يلي فيه بـ تدقيق..
و الأرضية الخشبية يلي تلمع وكانت مفرودات عليها السجادات العجمية بيج لون ومزركشة بـ لون البني زاد من رونق الصالونات الحنية و ستائر البيج .. و المدخنة يلي زايدة الأجواء روعة ومنظر الحطب المشتعل زاده دفئ أكتر ..
ومنخشوش في تفاصيل أكتر علي لوحات و المناظر يلي مزينه الحيوط البيضاء وكانو جزء منها عالمي وجزء ثراتي ولو إنه ينعرض حيخشو في تاريخ......
كانت تحيك في شال ربيعي خفيف ويديها يتحركو بـ خفة يحكو علي الخدمة المتقونه يلي كانت هيا وبنات جيلها يجيدو كل هده الحرف وتكلمت يلي كانت قريب تسكر عقدها السبعين ..
:" كريمة بنتي .. قعمزي وإستهدي بـ رحمان هدا ربي وشن كاتب هكي يبي جو شن تشائم هدا مش باهي "
تكلمت كنتها كريمة وهيا تقعمز في صالون يلي مقابلها
:" مش تشائم يا عمتي بس إضيق خلوقي منه الجو هدا!"
بين ما الأيادي يلي مزينة بـ اساور مبرومة من ذهب كانت تصب في شاهي في طاساته و الأبخرة يلي متصاعدة منه ليها رأي تاني...
:" لازم نفرحو يا كريمة هوا في أحلي من أنه تصب علينا المطر!؟ "
كشرت كريمة فمها بين ما الحاجة مريم إبتسمت ..
:"خليها يا دلال .. هده كريمة ديما تحب تكبر الموضوع"
قربت دلال و في إيدها طاسة الشاهي ومدت لي جدت بنتها و جابت لي كريمة وفاطمة و عفاف سلفاتها تلاته وقعمزو يتشاركو في الأحاديث و ضحكات ...
مريم بإستغراب: " اليوم الخميس ونص البنيات معندهمش جامعة ومدارس اليوم وين مختفيات !"
عفاف بإبتسامة: " تو نمشي نشوفهم وين "
•
•
•
كانو مقعمزات علي المجلس الأرضي وسط المضلة الخشبية يلي مصممة بـ ديكور جميل و يحف أطرفاها الجانبية أشجار زينة زادت من جمال المكان ..
حركت يديها علي بعض وقربتهم من الحرارة يلي طالعة من الحوض يلي معبي بـ فحم و براد الشاهي الأصفر كان فوق منها ..
أنت تقرأ
عيناكِ ولاية لغربتي
Gizem / Gerilim"رواية جريئة" 🔥 نقلت عيونها لي يلي راسه مغطي بـ دم. ..... وفمها نطق لا إراديا و بهمس ..."بابا" ... و معش شافت شي... يلي كان من نصيبها انه يغمى عليها وتلاقته برحابة صدر وتمنت ترقد معش تنوض ويطلع كل شي حلم ... 🔥🔥🔥 "عيناك ولاية لي غُربتي" بقلمي:...
