عيناكِ ولاية لغربتي

💕الحـلقة الـرابـعة عـشر💕

رواية "عيناكِ ولاية لِغربتي"

للـكاتبة: مـلاك محـمد

💕الحـلقة الـرابـعة عـشر💕
_____________________________

•

•

تكلمت بهمس وهيا عيونها علي الباب وخايفة يخطم حد من قدام الباب يسمعها ..

وإتكت علي سرير ولفت خصلة من خصلات شعرها القصير يلي كان لعند كتافها ..

:" ولله حتى أنا نحبك هي "

تكلم يلي في طرف تاني بإستياء: " اي تحبيني هلبا و أنتي خليتيني اليوم كله نراجي فيك "

إبتسمت بحب :" مش هكي يا مروان ولله ظروف تحكمت فيا "

مروان وهوا ينفث في الدخان من فمه و وقف مقابل روشن وهوا يشوف في الحركة يلي في شارع من شقته
يلي في دور تالت وحرك عيونه بملل ..

:" أنا مليت حاسك مش واثقة فيا هلبا في نهاية وعدتك إنه أول ما يروحو أهلي من سفر بيجوك طول يخطبوك "

تنهدت جُمانه وهيا مش عارفة شن دير وتكلمت بـ صوتها الناعم: " باهي الأحد نتلاقو تمام! "

رد عليها بسرعة: " تمام علي كلمتك ولا مش تقوليلي ما صارش وظروفي ومش عارف شن..!"

ضحكت جُمانه علي طقت الباب يلي خلتها تقص ضحكتها وتكلمت بإختصار ..
:" نكلمك بعدين مروان .. سلام "

وقفت وسكرت الهاتف وهيا تشوف لي الساعة ومستغربة من يلي حيجيها الوقت هدا ويطق وهوا نص ليل ...

ساوت بجامتها الوردية الحريرية يلي كانت مرفوعة فوق و حطت وشاحها بإهمال وفتحت الباب وطاحو عيونها علي الأكتاف العريضة يلي كانو بارزات من تحت قميصه الأبيض القطني وسرواله الرياضي الرصاصي..
رفعت عيونها بـ بطئ وإنحصرو عيونها مع عيونه السوداء الواسعة وهوا ععيونه متحركوش من علي وجهها وفي كل مرة يقول بينه وبين نفسه ..

" لو تقعد عمرك كله يا قاصي مش حتشبع من شوفت وجهها الفاتن ...! "

بلعت ريقها وهيا خايفة إنه يكون سمعها لكن يلي خافت منه صار وهيا تشوف في حواجبه المعقودة وسؤال يلي باغتها فيه ..

:" مع من تضحكي هـ الوقت! "

بلعت ريقها وهيا تشوف لجميع الإتجاهات عدا عيونه ..

:" ما حد كنت نتفرج علي مسلسل! "

إلا الكذب كان يكتشف فيه من نظرات عيونها وطريقة كلامها .. لا وكيف حـ يفوت عليه شي زي هدا وهوا حافظها حفظ ...
دفها لداخل وفتح الباب علي وسعه وعيونه يدورو علي هاتفها .. شافلها نظرة أخيرة وهوا يعطي فيها في أخر فرصة إنه تعترف .. و مش من عوايده يعطي الفرص ..
رفع الهاتف وهوا يشوفلها بـ نظرات أخيرة بين يلي كانت واقفة رجليها بدت تحس فيهم هُلاميات من الخوف وهيا عارفة طريقة تفكيرهم البدائية ..