رواية " عيناكِ ولاية لغربتي"
الحلقة الاولى " المقدمة"
للكاتبة: مـلاك محـمد
_____________________________________
•
•
•
( لمحة من الماضي)
" طمنيني يا دكتورة كيف صحة الام و البيبي "
الدكتورة: " اطمن بخير وصحة هما الاتنين و وضعهم كويس احتمال غدوا يتم الخروج حولناها للغرفة في طابق تاني وتقدر تشوفها "
عُثمان: " الحمد لله مشكروة يا دكتورة "
هزتله راسها وركب هوا لدور تاني بلهفة بيشوف مرته و الي توا قاعد جاهل جنس البيبي لأنه ميهماش المهم و أخيراً ربي رزقهم بي عيل بعد 13سنة .... خش للدار وهوا فرحان كانت مرته شادة البيبي فحضنها وتمسح علي راسه قرب منها وعيونه دمعو وأخيراً ربي رزقه لحظة يلي متمنيها حضن مرته وباسها مع راسها
عُثمان :" الحمد لله علي سلامتك يا غالية "
دلال بإبتسامه: " لله يسلمك " وكملت " شوف بنتنا محلاها زي خشمك وفمك بزبط .... نراجي تفتح عيونها باش نشوفهم " وشافتله ... " عُثمان خود شدها "
خدها وهوا يديه يرجفو مش عارف كيف يدير حطها بين يديه ويبتسم:" قداشها صغيرة وخفيفة .. قداش ما كنت متمني لحظة هده ...الْحٍمَدٍ للـّہ ليك ياربي الحمد لله "
وخداها بدا يأذن في ودنها و دلال عيونها موقفوش دموع وتحمد في ربي فسرها .. بعد كمل عُثمان قعمز علي سرير مقابل دلال وشاد بنته فحضنه
دلال: " شن نسموها "
عُثمان وعيونه علي البيبي:" لو عندك اسم خاطرك فيه نسموه "
دلال بإبتسامة: " لاله معنديش انت عندك! "
عُثمان: " عندي .."
دلال مسحت علي كتفه بحنية: " وشن هوا !"
عُثمان: " حنسميها .. حور .. لأنها حور عيني هيا "
نزلت دمعت دلال وطول مسحتها: " خلاص حور "
شاف لدلال وباس كتفها وابتسملها:" خلاص عاد فكينا مـِْن دموع ... خودي مني حور خلي نمشي نخبر امي وبويا لأنه ما كلمت حد "
عطها البنية وباسها مع راسها وطلع وهوا الفرحة مش سايعاته
دلال: " الْحٍمَدٍ للـّہ ياربي رزقتني بعد كان شيء هادا أشبه بي المستحيل و خليتني نعيش ه لحظة و جبرت بخاطرنا يارب "
•
•
( بعد اربعة سنين من ولادت حور )
أنت تقرأ
عيناكِ ولاية لغربتي
Misteri / Thriller"رواية جريئة" 🔥 نقلت عيونها لي يلي راسه مغطي بـ دم. ..... وفمها نطق لا إراديا و بهمس ..."بابا" ... و معش شافت شي... يلي كان من نصيبها انه يغمى عليها وتلاقته برحابة صدر وتمنت ترقد معش تنوض ويطلع كل شي حلم ... 🔥🔥🔥 "عيناك ولاية لي غُربتي" بقلمي:...
