رواية "عيناكِ ولاية لِغربتي"
للكـاتـبة: مـلاك محـمد
💕الحلـقة الحـاديـة عـشر💕
__________________________
•
•
:" شن مطلعك في الجو المصقع هدا! "
قطع عليها الصوت هدا أفكارها... ولفت راسها لي الجسم الطويل و العريض ...
كان لابس جاكيت اسود مع سروال رياضي أسود ولاف علي رقبته شال من الصوف يلي صنعتهوله جدته بـ يديها و عيونه الخضراء الداكنه تلمع في ظلام اليل..
تكلمت حور بخفوت وتوتر: "جفاني نوم وحبيت نقعمز إهنا"
قرب منها وقعمز في الكرسي يلي جنبها وتلكم بصوته الرجولي: " عارفة إنه الوقت متأخر ومرات حد من العمال يطلع أو شي "
شافتله بتوتر وسكتت ..
وسكت هوا برضو وهامت عيونه في الاراضي يلي قدامه .. و شاف إنه عندها حق تقعمز إهنا لأنه المنظر يفتح نفس صح ويوم أختار جده هده الطاولة الصخرية يلي مصقولة بـ طبقة من رخام الأبيض هيا و الكراسي العريضة إنه يكون مكانهم إهنا مش من بلاش ...
جت بتنوض توقف بس وقفها صوته لما تكلم: " حور .. بـ لله عليك أقعدي لمدة ربع ساعة علي الأقل "
وكمل بصوت مستاء :" نكره منين نشوف في عيونك نظرات الخوف ليا "
همست حور بحزن :" مش بإيدي ... خايفة يا عُمر!"
لما نطقت إسمه كان منظره وكأنه مُدمن مخدرات وحصل علي جرعة بعد أيام طوويلة ..
همس بـ حب: "متخافيش يا حور عيني دامني جنبك "
وكمل وهوا يأشر علي مكان صدره:" كنتي ترقدي إهنا ... تغفي علي صدري وفي حضني "
وتنهد بتعب و بصوته الهادي وكأنها فرس جامحة ومحتاجة ترويض أكتر : " حور أرجعي زي ما كنتي ... تهربي من الكل وتجيني مش تهربي مني .."
حور بخوف: "به قعمز بعيد " و أشرت بأصبعها علي الكرسي ..
تحركت زاوية فمه بإبتسامة جانبية وقعمز في المكان يلي تبيه ورجعت هيا قعمزت ...
تكلم عُمر وعيونه عليها:" حور عيني! "
شافتله بتوتر وفي ضلمة ليل حالك السواد يلي ينافس في لون عيونها و القمر يلي عاكس الضي عليهم ..
وهذا يلي أعترف بيه لي روحه ...
تكلمت بصوتها العذب :" نعم! "
رجع بضهره علي الكرسي وتنهد: " تتفكري في أيامنا زمان!؟"
هزت راسها بـ نفي و عيونها في تواصل مع عيونه ومتبيش ترحمه بـ نظرت الحزن يلي مدفونه فيها ..
لو بس تعرف كمية المشاعر الجياشة يلي في مكنونه ...
شافلها وطيف إبتسامة لاحت علي مبسمه :" لحظة بس .."
قعدت تابع فيه بعيونها وهوا يدخل في إيده داخل جيب جاكيته.. وتراجي شن بيوريها ..
ثواني معدودة وطلع فيهم قطعة قماش رمادية لون مصنوعة من الحرير عقدت حواجبها بـ حيرة ..
أنت تقرأ
عيناكِ ولاية لغربتي
Misterio / Suspenso"رواية جريئة" 🔥 نقلت عيونها لي يلي راسه مغطي بـ دم. ..... وفمها نطق لا إراديا و بهمس ..."بابا" ... و معش شافت شي... يلي كان من نصيبها انه يغمى عليها وتلاقته برحابة صدر وتمنت ترقد معش تنوض ويطلع كل شي حلم ... 🔥🔥🔥 "عيناك ولاية لي غُربتي" بقلمي:...
