قبل أي كلام البارت فيه شوية حاجات فوق ال18 سنة.... عشان كدة لو حد تحت السن ده يطلع كدة يا كتاكيت 😂😂😂
قراءة ممتعة ❤❤🔥🔥
خرج من عند صديقه وهو يحمل احدي زجاجات مشروب البرتقال التي كانت تمليء البيت..... تنهد بحزن وهو في طريقه الي منزله فوجد صوت قد نسيه لفترة يتحدث بجانبه «ازيك يا صاحبي»....
لم يصدق نفسه في البداية انه عاد... التفت ينظر حوله فوجد مروان يبتسم له هتف يوسف باشتياق حقيقي وهو يحاول احتضانه ولكنه مر بداخله وكأنه هواء فضحك مروان يخبره «كان نفسي بجد يا چو حد يكون ملهوف انه يشوفني زيك كدة... واني احضنك بجد»
لمعت الدموع في عين مروان ليهتف يوسف يحاول تخفيف هذا الحزن «ولا يهمك يا صاحبي... أنت عامل اي؟؟؟؟»... ضحك مروان يكمل «هكون بعمل اي غير الصرمحة هنا وهناك... أنت عارف القرين بيعمل اي غير كدة؟؟»..... قهقه يوسف يكمل وهو يتمشي «انا لحد كام شهر بس فاتوا من دلوقتي مكنتش أعرف حاجة عن العالم بتاعك ده... بس دلوقتي عرفتني الكفت اللي في الدنيا»....
ضحك مروان قليلاً... ثم صمت دقائق وصرح له «أنت كويس يا چو؟؟؟؟»..... ضحك يوسف وهو يقول
«هو فيه حد يكون متجوز واحدة زي القمر زي حبيبتي ومراتي ملك وميكنش كويس... ده انا عال العال واخر فل وتمام»...... ابتسم مروان ليسأل بجدية
«أنا كان قصدي علي اللي حصل مع عيد..... في أي حاجة عاملها ليك أو لحد من قرايبك؟؟؟».... نفي يوسف ليسأله بدوره وقد تشوش عقله قليلاً
«لا يا مروان.... اشمعنا بتسأل؟؟ هو الحوار خلص علي ان كل واحد في حاله وملوش دعوة بالتاني علي حسب المعاهدة»......
فرك مروان جبينه يسرد له «مش عارف يا چو..... أنت شفت المعاهدة دي بعنيك... يعني قريت كل المكتوب فيها؟؟؟».... نفي يوسف ليسأل
«لا هو كدة أكيد في حاجة حصلت.... وحاجة جامدة كمان.... احكي يبني وقولي اي اللي حصل؟؟؟؟»
«من كام يوم كدة في عشيرة نطفلان.... العشيرة دي انا تابع ليها... لان الجن مقسم لعشائر كتير.... زي عندكوا لما كان الناس زمان مقسمين علي قبائل قبل القرن العشرين..... المهم ان ابن رئيس القبيلة دي اتحرق والدنيا مش ساكتة أبداً وعاملة تدور علي اللي حرقه انا بقا متأكد إن الحوار يخص المحفل الماسو*ني اللي بأختصار يا صاحبي الشيطان فارديم».....
وصل يوسف أسفل البيت الذي كانت ملك نائمة به.... وتوقف يفكر قليلاً وهمس حتي لا يعتقد المارة انه مجنون «بس برضوا في حاجة مش مظبوطة يا مروان..... اي علاقة أو أي اللي هيستفاد بيه فارديم انه يقتل ابن زعيم القبيلة اللي أنت لسة قايل انها قبيلة تقيلة يعني ومش سهلة؟؟؟؟»......
أنت تقرأ
جحيم في ثانوية هيرسون
Horrorلا ينصح لمن هم اقل من سن 18بسبب بعض مشاهد الرعب [ملكش دخل في اللي انا بعمله] قالها يوسف لمروان لتتصنم ملك في مكانها وهي تقول ليوسف (أنا مليش دخل في اي يا يوسف؟) اجابها يوسف وهو يصفع جبينه بيده (مش بقولك انتي يا ملك) نظرت بدهشة لتقول (هو في غي...
