الفصل الخامس
~ مع سبق الإصرار~
¤¤¤¤¤¤¤¤¤¤
الوضع أصبح أكثر تعقيدًا بعد اعتراف والدة سلطان، كاد" عابد " أن يجن، فرغ فاه ليتحدث بغضبٍ جم لكن دخول " مالك" قاطعه في الوقت المناسب . جلس جواره وربت على فخذه ثم نظر إلى "سلطان" وقال بإبتسامة خفيفة
- أنت قلقان ليه ياعابد دا سلطان شاب أي بنت في الدنيا تتمناه
تابع بنبرة صادقة
- سلطان راجل يعتمد عليه وأنا شخصيًا مش هتنازل عنه كزوج أخت وصاحب قبل أي حاجة
رد" عابد" بنرة مغتاظة من أخيه
- ولما هو فاضل له جناحين ويطير في السما معملش ليه بضوابط الخطبة
سألته والدة سلطان قائلة بفضول
- ضوابط إيه ياحبيبي معلش ؟
أجابها بجدية قائلا
- العاقد لا يضم، ولكن مسموح له يشوف الشعر وجزء من الرقبة وجزء من الذراعين والجزء الأسفل من القدمين و
قاطعته والدة سطلان بهدوء لتمتص غضبه وراحت تقول بهدوء
- يا عابد ياحبيبي هو لما ضم أختك مكنش في نيته أي حاجة وخشة هو جاله تليفون بيقل الحق مراتك في المستشفى قطعت شراينها وبين الحيا والموت و لما شافها قدام عينه مكنش مصدق إنها عايشة فحب يطمن قلبه واظن دا مش عيب ولا حرام لكن العيب والحرام فعلا هو إنه يتمادى بحجة إنه عاقد ومافيش مانع من اللي بيعمله
ختمت حديثها قائلة بجدية
- واظن سلطان ابني لو حابب يعمل كدا كان لكن هو بيحافظ على أختك عشان هو مش حرامي، وبعدين احنا جاين نحدد معاد الفرح، يعني النية خير .
لحظات من الصمت التام مرت عليهم جميعًا، تبادل النظر بينه وبين " سلطان" ثم قال بهدوء
- يناسبك إمتى عشان نحدد الفرح ؟
رد " سلطان " بسعادة حقيقة
- أنا جاهز في أي وقت المهم إنتوا
هز " عابد" رأسه وقال بجدية
- معانا أسبوعين ونكون جاهزين
- مافيش أي مشكلة وأنا جاهز
رد " مالك " بسعادة
- مبروك يا ابو السلاطين وأخيرًا
ابتسم " سلطان" إبتسامة مزيفة وقال
- لقد هرمت من أجل هذه اللحظة
ضحك الاثنان قبل أن تقول والدته بشوقٍ
-فين فيروز واحشني خليها تيجي
حرك " عابد" وقال بغمزة من طرف عينه
- روح هات فيروز
- حاضر
خرجت " مالك" من الغرفة ليحضر أخته بعد أن يُلقي تعليماته عليها التي تعلمها جيدًا، بينما كانت " فيروز" تقف أمام المرآة تنظر إلى مظهرها برضا تام انتهت أخيرًا من تصفيف شعرها ثم نظرت إلى أمها وقالت
ماما شكلي كدا حلو ؟
ابتسمت لها وقالت بحنو وحب
- قمر يا حبيبتي
تابعت بجدية وهي تصنع لحفيدتها شعرها جدئل
- يلا دخلي العصير سلطان قاعد لوحده مع اخواتك زمانه هيطق منهم
-حاضر
أنت تقرأ
زخات العشق و الهوى للكاتبة هدى زايد
Storie d'amoreإن كنت تبحث عن العشق فـ مرحبا بك في عالم العشق ❤
