بين الحرب والحب

الفصل العشرون

جلست بيان على الاريكة وهي مازالت ترمق تلك الفتاة بنظرات نارية فجلست الفتاة على مقعد ما وانشغلت بهاتفها حتى تتحاشي النظر إلى بيان، جلس هارون بجانبها ثم امسك بيدها فنظرت إليه وقالت بحدة :

-مين دي!
-صاحبة صاحبي
-هو ايه اللي صاحبة صاحبي، وصاحبة صاحبك بتعمل ايه في بيتك
-ما هو مش بيتي لوحدي
-امال بيت مين
-صاحبي!

اتسعت عيناها بغضب وقد ظنت انه يتلاعب بها فضحك هارون على هيئتها ثم قال

-انا عايش هنا بقالي سنين زي ما انتي عارفه، سامي صاحبي سافر معايا وقتها واخدنا الشقة دي نعيش فيها مع بعض وبعد فترة انا مسكت شغل بابا ف اشتريت شقة لوحدي وعشت فيها بقى ولما رجعت مصر اخر مرة بعتها عشان مكنتش ناوي ارجع هنا تاني ولما جه حوار السفر المفاجئ ده اضطريت اني أرجع هنا ومكنتش اعرف ان روز موجودة اصلا وانها عايشه هنا

نظرت بيان إلى روز ثم أعادت نظرها إلى هارون وقالت :

-وصاحبك ده فين بقى إن شاء الله

وقبل ان يجيبها فُتح باب المنزل واقبل شاب في نفس عمره، نهضت روز وعانقته ثم اقتربا سويًا من بيان وهارون اللذان نهضا، رحب سامي ببيان بالرغم من عدم معرفته بها فقال هارون معرفًا :

-بيان مراتي

ابتسم سامي ثم قال :

-انا نسيت انك اتجوزت اصلا، الف مبروك
-الله يبارك فيك

نظر سامي إلى روز ثم قال :

-she's Bayan, Haron's wife
"انها بيان زوجة هارون"

اتسعت عيناها بتعجب ولم يُخفى ذلك البريق الذي لمع في عيناها عن بيان لكنها تبسمت ونظرت إلى هارون ثم قالت :

-When did you get married?
"متى تزوجت؟"
-A short while ago
"منذ فترة قصيرة"
-Congratulations!
"تهانينا"

ابتسم هارون إليها فتركتهم ثم ذهبت إلى غرفتها تبعها سامي فنظرت بيان إلى هارون ثم قالت :

-وهي مالها متأثرة كدا ليه
-سيبك منها

ضيقت بيان عيناها ثم قالت وهي تنظر إليه بشك بعدما اشهرت سبابتها في وجهه :

-انا جوايا الف سؤال دلوقتي مش هيرحمك منهم غير اني عايزه انام

ضحك هارون ثم امسك بيدها وابعدها عن وجهه ثم عانقها قائلاً :

-وحشتيني الفترة القصيرة اللي قعدتها من غيرك دي

ابتسمت هي ثم بادلته العناق وقالت :

-وانت كمان وحشتني

ثم ضربته بخفه على ظهره أثناء معانقتها له وتابعت :

-بس اصبر عليا ده انا هحقق معاك بس لما انام شوية

ضحك هو ثم قال :