(Unicode)
နန်းတော်ထဲသွားပြီး ဘုရင်နဲ့ မိဖုရားကို နှုတ်ဆက်ရမှာဆိုတော့ ရိပေါ်မှာ ရင်တွေခုန်နေသည်။
ထိုင်မရထမရဖြစ်နေတဲ့သူ့ကို အဝတ်အစားကစလို့ ရှောင်းကျန့်ကပဲ စီစဥ်ပေးသည်။
တော်ဝင်မိသားစုရဲ့ ပင်တိုင် စတိုင်လစ်ကိုခေါ်ပြီး ရိပေါ်ကို ဆင်ယင်ပေးထားတာဖြစ်သည်။
ရှောင်းကျန့်ရွေးပေးထားတဲ့ ဝတ်စုံကိုဝတ်ပြီးနောက် စိတ်တိုင်းမကျစွာ မှန်ထဲကိုကြည့်လိုက်သည်။
" ဒီလိုပုံစံနဲ့ အဆင်ပြေပါ့မလား "
" ပြေတယ်။စိတ်ကို အရမ်းကြီး တင်းမထားနဲ့။ မင်းကြည့်ဖူးတဲ့ နန်းတွင်းဇာတ်ကားတွေနဲ့ အပြင်ကနဲ့ မတူဘူးဆိုတာတော့ မှတ်ထားပေး ။ လူငယ်က လူငယ်ဆန်ဆန်နေလို့ရတယ် "
" အင်း "
ဒီလိုနဲ့ နန်းတော်နယ်မြေကို ခြေချလာခဲ့ပြီ။ နန်းတွင်းထဲက အဆောက်အဦးတွေရဲ့ ခမ်းနားထည်ဝါမှုကိုကြည့်ရင်း ရိပေါ်မှာ အံ့သြမဆုံးဖြစ်နေရ၏။
သူ့ဘေးမှာ အိမ်ရှေ့စံတစ်ယောက်လုံးရှိပါလျက် သိမ်ငယ်မှုတစ်ချို့ကို ခံစားနေရသည်။
" စကားပြောရင် စိတ်ထဲရှိတာသာပြောနော်။ အမှားပါမှာ စိတ်ပူစရာမလိုဘူး။ ခုက လူ လူချင်းတွေ့မှာ။ ဘုရားနဲ့သွားတွေ့မှာမဟုတ်ဘူး ။ မင်းဘေးမှာက်ိုယ်ရှိတယ်။ အကုန်အဆင်ပြေမှာပါ "
ရှောင်းကျန့်က ရိပေါ်ကို အရိပ်တကြည့်ကြည့်နဲ့ ဂရုစိုက်ပေးသည်။ ရိပေါ်နဲ့ အကျွမ်းတဝင်မရှိတဲ့ နေရာမှာ ရိပေါ်က်ို စိတ်မညစ်စေချင်ပါ။
ဟိုနေ့ညက ရှောင်းကျန့်က အိမ်ရှေ့စံမင်းသားဆို လက်မထပ်ချင်ဘူးလို့ အတင်းငြင်းတာကြောင့် အာဏာကိုသုံးပြီး ဖျောင်းဖျထားရသည်။
" အင်း "
ရိပေါ်က နှုတ်ခမ်းကိုစိထားတော့ ပါးနှစ်ဖက်က အလိုအလျောက် ဖောင်းထွက်နေသည်။ ရှောင်းကျန့်ကိုခေါင်းငြိမ့်ပြတော့ ပါးတစ်ဖက်ကလည်း ပူနွေးသွား၏။
" ပါးတွေကို အဲ့လိုဖောင်းမထားနဲ့ ။ နမ်းရတာတောင် မဝဘူး "
ရိပေါ်က ကိုယ့်ပါးကိုယ်ပွတ်ပြီး ရှောင်းကျန့်ရဲ့လက်မောင်းကို လက်သီးနဲ့ထိုးလိုက်သည်။
ESTÁS LEYENDO
Making A Lover
FanficENIGMA x OMEGA A/N : This story is from my imagination. This is just a fan fiction that has nothing to do with reality.Please don't take this serious. This is a mpreg story. If you don't like this kind of story, don't read this. Thanks! This story...
