Hostel ke kamre ka darwaza khol ke darmiyane kad ki saaf rangat ki larki boli.
"Maliha jaldi karo!"
Woh boli to uski urdu ka accent kuch mukhtalif sa tha.
"Aa rahi hoon yaar sabar karo"
Dusri larki jiska jo ke dupatte ko sahi se le ke bag kandhe pe bahir nikli thi.
"Chalo ab I'm ready!"
Woh dono hostel ke kamre se nikal kar bahir ki taraf chalne lagi.
"Tumhari baat hui apni ammi se?"
"Haan hui to thi woh keh rahi hain peshawar wapis aa jaun aur bhai ki shadi ke baad wapis aa jaun"
Maliha ne kaha.
"Lekin classes?"
"Yaar attendance ka kuch karna ho ga baaki to dekh lun gi"
"Lekin yaar main tumhare bagair ek mahina kya karun gi"
"Safa to tum bhi chalo na?"
Maliha ne use dekh ke kaha.
"Nahi jaa sakti na yehi to masla hai main hoon bhi exchange student mere pe se dihaan kahan hatna hai sab professors ka"
Woh mu phula ke boli to uski laal hoti naak ko dekh ke Maliha has di.
"Tum dekhne me exchange student lagti kahan ho bas tum ho itni khubsoorat ke kisi ki nazar nahi hat ti baaki to sab Pakistanion wala hi hai"
Maliha use cherne wale andaz me boli to Safa ne uske kandhe pe haath mara.
Woh dono cab me bethin thi aur wahan se chali gayin magar unki baate khatam na huin.
_______
Eyila subha se bakery me masroof thi. Dupeher ke waqt humesha ke do teen customers aaye the jo ke beth ke bakery ke bahir bane area me coffee peete hue cake khaa rahe the aur saath me apni book parte ya laptop pe koi aur kaam kar rahe the.
"Eyila!"
Woh awaaz sun ke kitchen se bahir aayi aur samne khari Mia ko dekh ke heran hui aur aa ke uske paas beth gayi.
"Mia achanak yahan?"
Mia jo ke usi ki umar ki lag rahi thi woh apna pant coat pehne aise lag raha tha jese kaam se hi seedha wahan aa rahi thi.
"Kesi ho? Bachey kese hain?"
"Main aur bachey theek hain tum sunao?"
Mia kuch hich kichati hui use nazar aayi to Eyila kuch aage ho ke boli.
"Kuch hua he Mia?"
"Eyila...office me Hamish aur Hamia ka case aaj nikal aaya hai..I am not supposed to tell you this but main jaanti hoon tumhare liye bachey kitne zaroori hain..tumne apne saare khuwaab kurban kar ke in bacho ko adopt kiya tha magar tum jaanti ho tumhari adoption ka case bohat unique tha aur ab tumhara business agar sahi nahi hua to bohat ziyada chances hain ke bacho ko hume lena pare ga..they deserve a house where they can have everything."
Mia khamosh ho gayi magar Eyila wahin hakka bakka bethi reh gayi. Aisa nahi tha ke use idea nahi tha magar phir bhi jese ek ajeeb sa khouf uske andar dhora tha. Woh zinda kese rehti bacho ke bagair? Woh kya mu dikhati unhe...
"Mia...please yeh nahi ho sakta..adopted hon ya na hon paala maine hai inhe Mia..koi maane na maane mere bachey hain yeh"
"I know Eyila main is liye yahan aayi hun halake mujhe yahan nahi aana chahiye tha...you know tumhare case se mujhe hata diya gaya tha. Magar main jaanti hoon tumne kitni kam umar se kya kya dekha hai aur main isi liye yahan hoon...you need to do something before it's too late"
YOU ARE READING
Marham e ishq
RomanceZalaan Alamgir & Eyila Sarfaraz Eyila was alone she always had been alone but one day her fate decided to bump her into someone who could hold her hand and make her believe she was not alone anymore but that was not everything that was waiting for...
