💉ديانيرا💉

💉8💉

💉فتيات الجحيم💉
قصة.... ديانيرا
بقلم♚لطيفة اليوسفي
☜8

»»» كانت واقفة فالبالكون وكتشوف فشتا لي خيط من سما  وشادة فيديها كاس فيه لويزة كترطب بيها حلقها لي حاسة بيه مجروح من البرد وكتسمع فهدرتهم لي دارت بين ميغول وخوه  بتسمات بخبث ونطقات
ديانيرا..... الشرطة فريسة ديانيرا
بتسمات ودخلات لداخل حطات الكاس فوق الطابلة وحطات حتى المسمع فوق لمجر سمعت شي خطاوي جاين جيهت بيتها عرفاتو هو لي داخل شاف فيها وهو امشي كيجري تلاح عليها كيلعب معاها باغيها تلعب معاه وهي بقات كتهر فيه وبوبي غير كيتلوة بين يديها عاجبو الحال حتى سخفاتو عاد. تكا
ديانيرا كتحرك فيه.... صافي هادة جهدك ياك طرر مرجل زعما
بقات كتشوف فيه وهي تتكا بلاصتها تغطات وهو ناعس فوق لغطا قرب ليها تخشا فيها عاد. شافتو نعس وهي. طفات الضوء ونعسات

»»» جا نهار جديد
ياله حاط رجليه فارض الصين ضارب فيه البرد عنيه منفوخين بنعاس هاز واحد الصاك صغير على كتافو غادي. جار فرجليه غير بزز جبد تليفون من جيبو شاف فساعة لقاها 9:30 ديال صباح تنهد  وخرج من المطار من بعد ما دار الاجرأت كاملين  شد طاكسي وعطا ليه العنوان  حتى وقفو قدام واحد الموبل هبط خلصو وتم غادي طالع  حتى وصل لدار لي كرا غير لبارح من الانترنيت ابقة فيها هاد اليوماين دخل كيدور راسو فالدار رما عليه داك الصاك من كتافو وحيد الصباط دخل لدوش قضا حاجتو وغسل يديه وخرج تلاح فوق النامسية حاس براسو مناعس عام 

»»» كانو مجمعين على الطابلة  ديال لفطور كولشي حنا راسو كياكل الى اوليفيا قلب الام ومايدير
اوليفيا.... ميغول قول اولدي مصوناش ليك تياغو واش وصل
ميغول طلع فيها عينو... كضحكي عليا من امتى كيصوني ليا اقولي راه وصل لشي بلاصة
اوليفيا.... عيت نصوني ليه والو تليفونو طافي
اريكا.... وماما وتلقايه غير مشغول
اوليفيا.... لا لا خاصو اجاوب
كرمن.... وخالتي وراك كتعيطي عليه دبا مالي اشوف شحال من مرا كتصوني ابقة تاني اعرعر عليك
اوليفيا.... المهم احاوبني نطمأن عليه واش وصل بعدة
كرمن تنهدات...... ديري لي بغتي انا غير قولت
ميغول ناض..... هاني غادي. للخدمة
كرمن ناضت موراه.... انا نوصلك للباب
خرجات معاه للباب وهو ركب اللوطو ديالو كسيرة وهي عاد. دخلات لداخل
بقا غادي.  فطريق وهو اشوف شي حاجة كالسة فطريق قرب ليها كانت بنت هبط وشاف فيها لقاها مجمعة رجليها عندها وحاطة راسها بيناتهم هبط وقرب ليها كيشوف فيها
ميغول.... هيه اختي
البنت باقية على نفس الوضعية
ميغول زعزعها.... هيه كتسمعني
البنت طلعات فيه راسها وهو اشوف فيها جاه هاد لوجه بحالة شافو
ميغول تفكر بالي نفس البنت لي شاف فالريسطو
ميغول.... هادي نتي اش كديري هنا
ديانيرا ناضت وقفات كتصنع البرأة وكتبكي وكتوري ليه جيهت الغابة.... عافك عافك اخوية عوني كاين راجلي مور ديك الشجرة معرفت اش قرصو فرجلو وسخف ليا ومقديتش نهزو عااافك اخوية
ميغول كيشوف فيها..... فين هو
ديانيرا..... اه اه كاين غير مور ديك الشجرة
ميغول.... اه وخا زيدي وريني فين هو
زادت  سبقاه وهو تابععا حتى وصلات دور ديك. الشجرة ودارت ليه اشارة.... راهو لهيه فجيها لخرة
دار عطاها بضهر اشوفو فيم هز  وهي دارت يديها فصدرها  جبد واحد لبرة ضرباتها ليه بجهد فعنقو حتى شد. على لبلاصة ودار عندها
ميغول..... شكون نتي
طيح على طولتو جا راسو غير على واحد الحجرة وطاح. سخف
ديانيرا بتسمات وتحناع عندو هزات ليه راسو شافت شوية ديال الدم مورة ودنو وهي تضرب ليه فوجهو... مزيان البطل

»»» اش غادير ليه. فنضركم