💉ديانيرا💉

💉109💉

💉قسوات القلوب💉
قصة... ديانيرا
بقلم... لطيفة اليوسفي
☜109

»»»» وصل ليل

»»» كانت واقفة فبيتها لابسة لبسة طويلة فلبيض لبساها ومقادة جامعة شعرها مشيطة خفيفة كتقاد مكياج خفيف وحنين واقفة حداها كتشوف فيها كتقاد راسها حطات يديها على كتفها وقالت
حنين.... خاصك تكوني فرحانة راه اليوم خطبتك زعما
دينيز بتسمات ليها حتى سمعو دقان فالباب
حنين... انا نحل
حلات الباب وهي تدخل دارين
دارين شافت فيها.... هاء شكون نتي
حنين بتسمات ليها.... حنين مرات بهاء
دارين سلمات عليها... مشرفين احبيبة
رمات صاكها فوق النامسية ومشات وقفات مورة ختها.... هاي هاي هاي الناس تفركسو
دينيز بتسمات ليها غير بزز
دارين...... حبيبة واش نتي مموفقاش على هاد زواج يمكن ليك تنساحبي
دينيز ناضت وقفات كتشوف فراسها...... لا ميمكنش ليا ننساحب
حنين كتشوف فيهم مفهمات والو...... ولكن علاش ااتنساحبي
دينيز.... احم متسمعيش ليها بزاف راه غير كتخرف المهم واش مجاش روكان
حنين.... شكون روكان
دينيز.... راجلها
حنين.... اه
دارين... لا راه لتحت قالي عندو شي مكالمة

لبيسة

»»» لتحت
واقف كيهدر فالتليفون معاه
روكان... فينك
تياغو.... غادي نجيب التحاليل ياله صونات ليا ديك طبيبة
روكان..... انا واقف قدام العمارة ديال دينيز راه اليوم ايديرو العقد
تياغو غادي مكسيري فطريق..... خاصني ضروري نعرف شنو فهاد التحاليل قبل العرس حول دير شي حاجة
روكان... اش ندير انا
تياغو... دير اي حاجة حاول تعطلهم
روكان... اوك وخا صافي غير سربي
قطع معاه وخشا تليفون فجيبو وكشوف فالشراجم ديال دارها وكيفكر اش ادير باش احاول اعطلهم
خارجة من البيت ديالها شادة فيها حنين ودارين وهي بيناتهم غادين جيهت الصالون دخلو عليهم كان الصالون كولو مزوق وطابلة حتى هي مزوقة ومدورين عليها 4 ديال لكراسى مقابلين كل جوج على جنب وكورسي واحد كالس عليه لعدول لي مقاد لكتاب فوق الطابلة
لي مزينة بالورد كومار غير شافها دخلات بقا غير كيشوف فيها جات زوينة بزاف مع عنيها كحلاتهم جات واعرة تقدم عندها مد ليها يدو
بقات كتشوف شحال فيدو عاد. مدات يديها ليه شد فيها وتقدمو لطابلة جر ليها الكورسي كلسات وكلس حتى هو حداها
لعدول.... فين هوما شهود
كومار..... هاهيا ختها وراجلها معرفتش فين هو
دارين..... انا نشوف فين هو
خرجات تقلب عليه ملقاتوش تماك لتحت رجعات عندهم
دارين.... مكاينش معرفت فين مشا
كومار..... مافيها باس نديرو بهاء
بهاء شاف فدينيز
دينيز... اه ماشي مشكيل كلس
كلس بهاء حدا دارين مدو لكارت ناصيونال ديالهم لعدول  بدا كيقيد سمياتهم ومد ليهم لكتاب
لعدول.... احم مدام دينيز كيلتون واش قابلة تزوجي بسي كومار ريغان
دينيز شافت فيه ورجعات شافت فلعدول. تفكرات كاع اوقات لي دوزات معاه وديما كان هو لي كتلقة مورة ضهرها وديما معاها هزات راسها باه ونطقات.... اه موافقة
صفقو عليها
لعدول.... مسيو كومار ريغان واش موافق انك تتزوج بمدام دينيز كيلتون
كومار.... اه موافق
مد لعدول الكتاب ليه.... وقع هنا
هز ستيلو وقع وعطا ستيلو لدينيز..... وقعي ابنتي هنا
هزات ستيلو كتشوف فداك لكتاب وتصويرتها لي قبالت تصويرتو كتشوف فيهم شحال هزات ستيلو وحطات يديها توقع حتى تقطع الضو
حطات ستيلو وناضت وقفات وكولشي وقف
كومار... اش واقع هنا
دخل روكان.... مال ضو تقطعات اش واقع
هز كومار تليفونو شعل لبيل وشاف فدينيز..... وقعي ادينيز
دينيز مشافتش جيهت ناضت مشات عندهم... اش واقع
روكان... معرفتش
حنين..... بهاء شنو وقع
بهاء.... معرفتش هاحنا انشوفو 
خرج روكان مع الحلة ديال الباب وهو ادخل تياغو
تياغو.... اش واقع هنا
دينيز.... اش كدير نت هنا
دارين..... روكان اش واقع
رجعات الضوم وكولشي شاف جيهتو
دينيز...... اش  كدير نت لاش جيتي لداري
تياغو هاز شي وراق فيدو رماهم على وجها..... جاي بغيت ولدي
دينيز تصدمات وكولشي تسعق حنين واقفة وكتشوف فخوها لي اصلا كاع مشافها وكتشوف فروكان لي غير كيشوف فيها مصدوم
بهاء شد فيد حنين وكيشوف فيهم
دينيز شافت فيه وتحنات هزات دوك لوراق كتشوف فيهم وكتقرة داكشي لي مكتوب فيه وعنيها كيتغرغرو بدموع حتى بداو اتغمضو مامشات فين طيح حتى شدها تياغو بين يديه
كومار جا عندها كيجري.... دينيز اش واقع دينيز
تياغو دفعو عليه هزها بين يديه وخرج بيها كيجري هابط فدروج اما لاخرين تابعينو بقا غير بهاء  وحنين فالدار معرفو ميديرو
حنين كلسات فوق الفوطوي وبهاء سد الباب وجا عندها
حنين.... واش دينيز كيعرفها خوية وهي حاملة منو
بهاء.... دبا نفهمو اش واقع راه سمعتهم فصباح كيهدرو فالكوزينة دينيز وكومار كتقول ليه بالي مبغاتوش اعرف بالي هو لي باه مي مقالتش شكون
حنين كتبكي...... الله اربي الله دير ليفيها الخير
بهاء عنقها... صافي صافي احبيبة اكون خير
حنين ناضت...... ياله نتبعهم نمشيو معاهم
بهاء..... لا احنين خلينا هنا نستناوهم هنا
رجعات كلسات معنقاه وكتبكي