💉ديانيرا💉

💉102💉

💉وات القلوب 💉
قصه.... ديانيرا
بقلم... لطيفة اليوسفي
☜ 102
»»»»» تياغو هز صبعو وحطو على شفايفها
هز يده ونطق بصوت هامس...... ششششش
سكتات وهي كاتشوف في عينيه بقى كايشوف فيها ما حس براسو حتى بدا كيقرب منها شويه بشويه
كيشوف فعنيها لي غارق فيهم وهي غير كتشوف فيه حاسة برجليها خواو بيها دور يدو على خصرها. وجرها عندو حتى لصقات معاه عوج وجهو كيقرب لفمها حتى حط شفايفو على شفايها لي كيرجفو
بقا كيبوس فيهم دخل قنفوفتها تحتانية في فمو كيمص فيها وهي دورات يديها على عنقو جراه عندها كتر   سمعو شي صوت موراهم بعد عليها بزربة وهي عاد حسات على راسها دورات راسها لقاتو روكان واقف فباب الكوزينة
دينيز تحمرو خدودها وتياغو كيشوف فيه وكيحك فمأخرة راسو 
دينيز هزات الصنية وخرجات
تياغو شاف فيه مخنزر..... ملقتي امتى تجي نت خارج لي فعودي
روكان..... ونت اش كونتي كدير معاها ياك
تياغو خارج.... متخليو لي اعيش حياتو تفو على كنس كي داير
روكان حك في راسو زاد خارج تابعه وكايضحك عليه انسى كاع علاش الكوزينه
دخلوا للصالون تجمع على الطابله كل واحد هز فنجان دياله القهوه اما تياغو تكي على الفوتوي وشاف فدينيز
تياغو..... عفاك ممكن تعطيني فنجان ديال القهوه
ناض دينيز هزات فنجان ديال القهوه ومدته له
دينيز..... انا نجيب لك مخده باش ترفع شويه راسك
تياغو.... واخا
مشات للبيت الاخر هزات منه مخده وجابته له قدات لي مخده تحت راسه وهو عاد تقاد في الجلسه وبدا كيشرب من القهوه دياله جلسات حتى هي هزات الكاس ديال القهوه بدات كاتشرب منه وكاتشوف فيهم
روكان..... شنو وقعت اتياغو حتى تضربتي بالرصاصه
تياغو شاف دينيز ورجع شاف فيه..... ماشي شي حاجه
روكان..... لا كيفاش ماشي شي حاجه هذا الشيء راه باينه شي حاجه ماشي حتى لهيه
دارين هزات تليفونها وقالت.... شنو بغيتوا للعشاء انا نطلب من برا
روكان شاف فيها.... واش انت ما تنوضيش تقادي العشاء بيديك
دارين..... خدامه ديال امك انا
روكان.... غانجي نلصق امك مع الحيط على ذاك اللسان اللي عندك
دارين.... ايوا يديا هذو وما نوضش ندير العشاء اللي بغا يتعشى انوض اديرو   كنت غادي نطلب لكم من برا ساعة حتى هو ما تستاهلوش
  روكان... لهلا كاع
دينيز.... بلا ما تسدعوا راسكم انا غادي نطلب العشاء من برا شنو بغيتوا كل واحد يقول اش بغى
تياغو.... انا طلبي لي من ذوقك
كومار..... انا خذي لي اش غادي تاخذي لراسك
روكان..... انا خذي لي بيتزا
دارين.... انا خذي لي برجر
ناضت دينيز الكوزينه هزات  تليفونها ودوزت ابيل لواحد المطعم تماك حداهم كاتعرفوا صونات له يجيبوا لهم العشاء
رجعت جلسات مده نصف ساعه سمعت الدقان ناضت حلات الباب هزت الساشيات ديال العشاء وخلصتهم ورجعت دخلت عندهم للصالون حطات ذاك الشيء فوق الطابله ومشات الكوزينه هزات الطباسل وزادت دخلت عندهم بدات كاتقاد ذاك الشيء في الطبسيل كل واحد مدات له طبسيله وهي كانت طلبات الطرف ديال اللحم مع الفريت ولاصوص انواع اطلبه نفس الاكله لكومار و تياغو
تعشىو وكل واحد سلا وناضت هي ودارين جمعه من تماك
دينيز.... كومار تياغو نعسو هنا في الصالون انا غنعس فبيتي اما روكان ودارين نعسو في البيت الاخر
كومار شاف فدينيز واناض هز مخده اتلاح فوق الفوتوي الاخر اللي مقابل مع تياغو
تياغو بالطبوحيط..... دينيز عفاك شي منطة معاك
دينيز..... واخا انا نجيبها لك
مشات لبيتها حلت البلاكار جبدات منو جوج مانطات وداتهم ليهم للصالون رمات مانطة للكومار وحطات الاخرى لتياغو حدا رجليه
تياغو شاف فيها وصغر عينيها..... غطيني ما قادش دراني كرشي
دينيز هزاتها كتغطيه بالزعفه.... الطبوحيط كيف داير
خرجت طفت عليهم الضوء وزادت بيتها
»»»» اما عند روكان دارين
دخلت للبيت كاتدور في عينيها لقات فيه ناموسيه وبلاكار وكرسي واحد دارين نقزات فوق الناموسيه..... انا غاننعس هنا وانت سير قلب فين غاتنعس
روكان تلاح حداها..... سيري قلبي فين تنعسي انا غانعس فوق الناموسيه وانت دبري مخك
دارين..... ظلم هذا انا اللي سبقتك
ناض جلس حيد عليع حوايجو وبقى غير بشورت وتلاح فوق الناموسيه جر مانطه وشافيها..... نعسي الى بغيتي تنعسي ما بغيتيش تنعسي سيري جلسي على ذاك الكرسي
دارين ناضت مشات جلسات فوق ذاك الكرسي كاتشوف فيه..... لهلا كاع لا تنوض من تماك
دخلات لبيتها حيدت عليها حوايجها لبست بيجامه قصيره وتلاحت فوق الناموسيه ونعسات

»»»» في الصالون
كومار كيشوف فيه بحقد..... اسمع لي مزيانه اتياغو كانهضر معك راجل مع راجل غدا الصباح نوض جمع حوايجك وسير فحالاتك وما تبانش مازال اكثر في حياه دينيز
تياغو شافيه وهز حاجب...... نحسبوا تهديد ولا امر
كومار..... حسبوا كيف بغيتي المهم انا غدا ما نلقاكش هنا في هذا الدار كادور
تياغو.... حتى تكون الدار دارك عاد تخرجني منها اما دابا ما عندك حتى شي حق
كومار..... انا قلت اللي عندي وانت دير لي في راسك الا ما خرجتيش غانخرجك بطريقتي
تياغو..... دينيز قالت لي بقى حتى تبرا وماشي انت اللي تخرجني من الاحسن انسى حبك لها حيث هي مستحيل تكون ديالك دينيز نهار خلقت في هذه الدنيا خلقت لتياغو
كومار ..... حبي لدينيز غادي ننساه نهار غانموت من هذه الدنيا ومغاديش نبقة فهاد. الحياة
تياغو اعطاه بالظهر وقال..... حبي لها ليس له حدود وان وقفت في وجهي سامحيك من الوجود
كومار عطاه  حتى هو بضهر وناعس

🌤صباح يوم جديد ويوم مشرق🌤
عينيها كاتكسل دورات عينيها لقاتو ناعس حداها بقات كتشوف فيه شحال هزات يديها وحطاتو على وجه وبتاسمات
حل عينيه وشفيها وابتسم..... صباح الخير
اريكا.... صباح النور
بهاء.... كيف صبحتي بخير مزيانه
اريكا.... صبحت بخير الحمد لله
بهاء.... ايوا يلاه نوضي راها 8:30 ومازال قدامنا نهار طويله
اريكا.... فين غادي نمشيو اليوم
بهاء..... راني هضرت مع واحد من  لكارد ديالكم وراه دار ذاك الاجراءات اللي قلت له كاملين وخاصنا نقاده غير لورق اللي عندك دابا هنا اما الاوراق اللي عند ماماك راه كل شيء مقاد وبسمية لي ختاريتي نتي
اريكا..... بصح صافي كل شيء تقاد
بهاء..... اه كل شيء تقاد الحمد لله قريب غادي نديروا العقد وغادي تولي مراتي على سنة الله ورسوله ما كاين اللي يوقف فطريقنا
اريكا فرحات... الحمد لله
ناضت لبست عليها بينوار وزادت الكوزينه اما هو ناض دخل الدوش دوش عليه بالخف اخرج لبس عليه سروال دجين مع قميجه وتقيشرات وزاد عندها الكوزينه ادخل الكوزينه لقاها واقفه كاتوجد الفطور وكاتحط على الطابله حتى سمعتو وشفت فيه
اريكا..... جلس تفطر
بهاء كايشوف في الفطور مقاد فوق الطابله  وشاف فيها.... الله يعطيك الصحه هذا الشيء كايبان زوين اوكيشهي
جلسوا تجمعوا على الطابله وبداو يفطروا فطروا فاش سالوا ناض عاونها وجمعوا من تماك ومشات حتى هي لبست عليها عبايه طويله وشال دارته على راسها وخرجو اقادو امورهم