💉ديانيرا💉

💉74💉

💉تعذيب الجسد💉
قصة.... ديانيرا
بقلم.... لطيفة اليوسفي
☜74

»»» هبطات الطائرة فأرض روسيا  

هبطات من الطائرة جارة بليزتها  وهبطات ضرب فيها الريح كيرجع ليها شعرها لور هبطات كتدور فعنيها مشات سلات اجرأتها حتى سلات عاد خرجات من المطار شدات طاكسي وعطات ليه العنوان ديال الدار لي شرات من الانترنيت حتى وصلات هبطات خلصاتو وزادت طالعة فواحد العمارة  دخلات فالاسانصور حتى وصلات لطباقة لي كاينة فيها دارها جبدات الساروت من جيبها لي عطاو ليها لتحت حلات الباب ودخلات كدور فراسها فدار سدات الباب ودخلات كدور فدارها جديدة شافت كولشي هو هداك كيف شافت  فالانترنيت  قدات حوايجها فلبلكار ودخلات لدوش دوشات عليها عاد خرجات لبسات عليها بجامة ونشفات شعرها عاد تخشات ففراشها ونعسات ترتاح 

»»»»  خرجات من البيت مبقاتش دارت عندو حتى طلعات الفوق كلسات على الفوطوي شادة على راسها وهي كتفكر فهدرتو مقالت ختى شي كلمة غير كتفكر حتى شافتو جا كلس قبالتها
روكان...... فاش نوصلو لامريكة غادي نضربو العقد امراتي
دارين شافت فيه.... نت تسطيتي لا حتى قولنا حاجة ونت داير حاجة
روكان هز كتافو.... ماشي سوقي  انا هادة هو قراري هكا بغيت نقتلك شوية بشوية وكي عارفك نتي زعما راه مكتخرجيش على هدرتك

دارين..... ولكن مدرناش هاك حنا
روكان جبد تليفونو.... ماشي شغلي انا قولت لي عندي

بقا هو كيخنتش فتليفونو  حتى رفع فيها راسو
روكان... اري نمرة ديال ختك
دارين..... لا
روكان جبد تليفونها من جيبو.... اه نسيت بالي راه عندي
هز بيسي وهي غير كتشوف فيه عرفاتو باغي اختارق بيسي ديالها
دارين..... اش كدير نت
روكان... نجبد نمرت ختك الى مبغتيش تعطيها ليا عارف هي اخر وحدة هدرتي معاها

دارين..... صاحبك رجع لدارهم
روكان..... بصح راه نصوني ليهم
دارين هزات كتافها..... صوني ليهم
هز تليفونو ودوز نمرة ديال تليفون ارضي ديال قصر عائلة بيتشر
بقا كيصوني شحال عاد. جوبو
روكان..... الو
جوان.... الو
روكان.... اهلا زين
جوان..... عمو روكان
روكان.... اه عمك روكان لباس عليك
جوان.... لباس ونت لباس عليك
روكان..... بغيت نسولك
جوان..... شنو
روكان..... واش عمك جا
جوان ضحكات.... اه اه عمي جا كاين معانا جا عندنا
روكان.... سيري عطي ليه تليفون احبيبتي
جوان.... وخا
هزات تليفون وطلعات عندو الفوق دقات عليه فالباب ودخلات
جوان...... عمي
تياغو كان واقف قدام لمراية كيلبس عليه
جوان مدات ليه تليفون.... عمي عمي هاد. عمي روكان كيسول عليك
تياغو هز من عندها تليفون وخربق ليها شعرها.... شكرا ياله سيري تلعبي دبا

جوان خرجات وهو جوبو
تياغو.... الو
روكان..... وفين اصلاحبي وحنا سحاب لينا غير متي

»»»» شافتو كيهدر مع صاحبو وهي تنوض هبطات لتحت وهزات تليفونها لي كان حاطو فوق الطابلة وهبطات لتحت تصوني لختها تسول عليها واش وصلات