💉ديانيرا💉

💉117💉

💉قسوات القلوب💉
قصة.... ديانيرا
بقلم... لطيفة اليوسفي
☜117

»»» خرجات من سبيطار ركبات لوطو ديال دينيز (على العلم جات فيها فاش عيط ليها تياغو)
ركبات وكسيرات غادية تجاه الدار بعد مدة ديال طريق وصلات هبطات من اللوطو داخلة لدار حيدات عليها داك المنطو لي كانت لابسة علقاتو حدا الباب ودخلات لداخل
سمعات صوت تليفونها كيصوني تنهدات ودخلات  لقات راسها كاع مهزاتو معاه فاش مشات لسبيطار شافت المتصل كان كومار
دارين.... الو كومار صافا
كومار.... بخير ونتي
دارين..... بخير
كومار..... دينيز كي راها مزيانة
دارين سكتات شحال عاد جوبات.... بخير راها مزيانة ونت فينك
كومار.... راني فامريكة
دارين... اه يسحابلي مزال راك هنا
كومار تنهد..... معندي مندير تماك مزال ادارين نتي عارفة لي واقع وانا كونت بغيت نكون غير فجنب دينيز باش متحسش براسها بوحدها ولكن وقع لي وقع
دارين كلسات فوق الفوطوي متكية عيات... اكون خير المهم مديرش فبالك دبا تجي شي وحدة تنسيك كولشي
مع هاد الهدرة وهو اوقف اللوطو بجهد كان ايضرب شي واحد
كومار.... موصيبة هادي
دارين... اش واقع
كومار.... من بعد من بعد معرفت شكون هادي كونت انضربها بالطموبيل
دارين... وخا شوف شنو كاين
قطع معاها وهبط من اللوطو دار عندها لقاها كالسة فلرض شادة على رجلها قرب ليها
كومار.... نتي بخير واش وقعات ليك شي حاجة
رفعات راسها فيه... اي رجلي
شد فيها كيعونها تنوض.... نوضي وقفي
ناضت وقفات شادة فيه.... اي رجلي ضراني
كومار... واش قصتك بالطموبيل
البنت.... لا لا مقصتنيش نت رجلي تلوات وطحت
حل الطموبيل وكلسها فيها
كومار.... كلسي نشوف مالها
حل مجر ديال الطموبيل جبد منها علبة الاسعفات وجا عنها تحنا كيشوف فرجليها لقاها تحردات وخرج منها شوية ديال الدم
كومار.... مكاين والو غير تلوات وتحردات شوية
البنت...ولكن كضرني بزاف
كومار.... ونتي فين كونتي غادية فهاد الوقت كتسلتي بحال الشفارة وكتقطعي طريق بديك الطريقة اكيد ايجي شي واحد ايطيرك
البنت كتمسح دموعها...... كونت غادية لقبر راجلي كومار رفع فيها راسو مصدوم كفاش راجلها هو يسحاب ليه مزال ممزوجة.... نتي مزوجة
البنت..... هئ اه مزوجة وعندي جوج توام وراجلي مات هادي شي عام تقريبا
كومار...... شنو سميتك
البنت.... سميتي كرمن
كومار كيشوف فيها فايت ليه سامع هاد سمية..... شكون راجلك شنو سميتو
كرمن.... سميتو ميغول بيتشر
كومار خرج فيها عنيه..... ميغول راجلك لي مات
كرمن جمعات رجلها بغات تنوض.... صافي شكرا اخوية انا غادية نمشي
كومار شدها من كتفها ورجعها عندو..... كلسي ستناي رجلك مزال ضارك
كرمن... لا لا غير خليني انا بخير
طلق منها وهي مشات بقا متبع ليها العين حتى غبرات من قدامو وهو ركب اللوطو ديالو وكسيرة غادي لشغالو

»»»»🌤 يوم جديد🌤

»»» ضرباتها الفيقة ناضت كلسات كدور عنيها فالبيت شافت فوق الفوطوي لقاتهم ناعسين بتسمات وبقات كتشوف فيهم شحال هو ناعس على ضهرو وحنين ناعسة حداه وحاطة راسها على صدرو كاع مكتبان حداه من غير وجها لي حمر من سخونية لي ناعسين فيها شافت فبهاء لقاتو ناعس ومعنقها عندو باينة فيه شحال كيبغيها تنهدات وناض لدوش غسلات وجها وتمات خارجة سمعات الباب تحل دارت جيهت الباب كانت كرمن
اوليفيا.... بشوية راهم ناعسين
كرمن شافت فيهم وسهات تفكرت راجلها تنهدات بجهد حتى طاحت من عنيها دمعة حارة
اوليفيا هزات يديها حطاتها على وجها..... مديريش فراسك هاكة ابنتي هادشي لي كتب عليك  معندك مديري
كرمن تنهدات ومسحات دموعها.... كون ما قتلوش ليا راجلي حتى انا كونت انكون عايشة معاه فسعادة بحالهم دبا عايشين مرتاحين
اوليفيا..... كون مقتلوش ليا ولدي كانت اتكون حياتنا فشكل اخر ماشي هاكة
كرمن وعات على راسها شافت فيها.... علاش نضتي من بلاصتك اخالتي سيري رتاحي
اوليفيا....لا لا انا بخير ياله نخرجو لجردة شوية خليهم على راحتهم اصلا انخرج اليوم
كرمن.... انمشي ندير ليك ورقة الخروج ونقاد المسائيل ديال سبيطار
اوليفيا... غير خليك ياله معايا نتي نمشو نشمو هوا نقي حتى افيق بهاء ويتكلف
كرمن..... وخا صافي
هزات واحد الصاك مداتو ليها.... وخا لبسي هاد لحوايج وياله نخرجو
هزاتهم اوليفيا دخلات الدوش لبسات عليها عاد خرجات وخرجو هي وكرمن لجردة ديال سبيطار