💉ديانيرا💉

💉9💉

💉فتيات الجحيم💉
قصة.... ديانيرا
بقلم♚لطيفة اليوسفي
☜9

»»» جراتو من كتافو غادية بيه داخلة بيه للغابة حتى وصلاتو حدا طنوبيلها فين كانت موقفاها كلساتو حدا واحد الشجرة ومشات جيهت طنوبيلها حلات الكوفر  هزات ليكات دارتهم فيديها وهزات واحد لحبل ومشات جيهتو رمات لحبل على واحد الشجرة الفوق وهزات جيها لخرة ديال لحبل ربطات بيهم رجليه وبدات طلع. فيه حتى ولا معلق وراسو لتحت ورجليه الفوق  وهي تربط لحبل فيجيها خرة باش ميتطلقش وطيح فلرض
رجعات للطولو هزات. واحد القرعة ديال الماء وقربات ليه كتكبها على وجهو وراسو  وكتشوف فيه

مبغاش افيق حطات يديها على عنقو كتشوف النبض ديالو لقاتو مزال حي عرفاتو غير سخف بعدات شوية وغسلات وجها حيدات من. عليها المكياج لي كانت دايرة وجمعات شعرها الفوق كود شوفال باش ميعدبهاش وهي تشوف فيه لقاتو كيفيق كيحل عنيه وسدهم مشات وقفات حداه كتشوف فيه

»»» حل عنيه وهو اشوفها. واقفة حداه معرفهاش بقا كيدور فراسو فين هو لقا راسو مربوط
ميغول.... شكون نتي
اش كديري
ديانيرا مشات جيهت اللوطو جبدات منها سكوتش واحد جنوية كبيرة وقربات ليه دارت ليه سكوت على فمو
ديانيرا.... هادي باش متبقاش. ضارني فعقلي بهدرتك الخاوية قربات ليه جنوي حطاتو على جبهتو بين عنيه وكتضغط عليه بشوية حتى كيتقطر الدم فلرض
ديانيرا.... معرفتنيش  انا نعرفك عليا امممم انا هي ديك البنت لي يتمتوها وهي صغيرة انا هي البنت لي غتاصبتو خوتاتها ومها قدام عنيها انا هي البنت لي عنات وقصات بهاد. الدنيا بسبابكم نتوما وانا هي لبنت لي ضربوها لحيوطة بسبابكم نتوما وانا هي لبنت لي شحال من واحد باغي اغتصبها شكون السبب حتى هاد المرة نتوما سمعتي نتوووووما اش نتووما نتوما الشرطة سمعتي
ميغول ولا كيرجف..... شكون نتي
ديانيرا بتسمات وقربات ليه. وعنيها مالين شر..... انا هي لي غادي. تاخد روحكم كاملين سمعتي  اه انا ديااااااانيييرة ديانيرة
ميغول خرج عنيه..... ب ب بنت
ديانيرا ضحكات.... اه بنت اش حسابليك
غوتات بجهد وهي تخشي ليه داك الجنوي بعنيه حتى طوش الدم على وجها   غوتات تاني وخشات ليه الجنوي فعين لخرة..... بهاااد العنين شفتو لحم مي فاش غتاصبتوووها اه بهاااادو
شافت فيه وهو كيغوت بداخل ديالو من كترت لحريق حتى سخف هنا بدات كتفنن فقتلو دبحاتو وجبدات ليه الحنجرة ديالو على برا كي كدير لاي ضحية قتلاتها وهي كتهدر
ديانيرا.... ماما كانت كتغوت باش ترحموها ولكن مرحمتوهاش اه مرحمتوهاش كانت كتغوت حتى انا نخليكم بلاش متقدوش تغوتو
بعدات عليه وهي تهز واحد الموس صغير وقربات لكرشو قطعات عليه حوايج لي كان لابس وبقات كتخطط ليه فكرشو وهي كترسم نفس الوشم لي على صدرها وكترسمو فكرشو حتى سلات بعدات عليه كتشوف فيه هزات واحد المعقيم عقمات ليه داك الوشم وهزات واحد الصبغة كحلة وبقات كدوزها بلاصة الوشم وكتحط وتوشم فيه باش ابان كتر واضح
حتى سلات بعدات كتشوف فيه من بعيد
ديانيرا كتشوف فيه وبتسمات.... دبا مزيان

بعدات هزات القرعة غسلات من عليها الدم حيداتو على لحمها ووجها ومشات جمعات حشائش ديال الغابة حطاتهم وشعلات العافية وبقات كترمي عليه اي حاجة ستعملاتها  حتى من حوايجها حيداتهم بقات غير بدوبياس كولشي حرقاتو مشات جيهت ميغول طلقات لحبل حتى جا مزدوح فلرض هزات لحبل حتى هو حرقاتو  بقات متشوف فديك العافية حتى تطفات هزات القرعة كباتها عليها باش تبرد العافية  ومشات هزات واحد البيدو عمرات فيه داك رماد وبعدات من تماك حتى وصلات لواحد جبل كبييير  وبدات كترمي عليه داك رماد حتى سلاتو كامل عاد بعدات غسلات داك البيدو مزيان ورجعاتو للوطو وهزات طراب دارتهم في بلاصة لي حرقات فيها داكشي باش متخلي حتى شي دليل موراها وبعدات كتشوف فيه هزات واحد تليفون صورات بيه ميغول وخباتو فجيبها  مشات جيهت اللوطو لبسات حوايجها وركبات وكسيرات عافطة على روايض  خارجة من الغابة حتى على روايض  بقات غادية وهي مبتاسمة  جبدات تليفون شعلاتو وهي تصيفط ديك تصويرة لشورطة واسم لبلاصة غير خرج  من عندها المساج طفات تليفون وهرسات الكارط ودارتها في فمها مضغاطها مزيان عاد رماتها من الشرج ديال اللوطو وغادية فرحانة بحالة ماشي هي لي قاتلة روح عاد. دبا