💉قسوات القلوب💉
قصة.... ديانيرا
بقلم... لطيفة اليوسفي
☜125
»»»» هبطات الطائرة فارض روسيا
هبط منها كدور فعنقو وطرطق فيه
هبط مشا دار الاجرآت لي خاصو اديرهم عاد هز واحد الصاك صغير وزاد
شاف الحال بدا كيضلام
سمع تليفونو كيصوني جوب
بهاء.... الو مونة
مونة... فين صافا
بهاء... بخير اش تما
مونة.... لا غير صونيت نسول فيك وصافي
بهاء.... اه اوا نتي بخير
مونة.... بخير ونت
بهاء شاف حنين كتصوني ليه.... المهم انخليك دبا المدام كتصوني
مونة.... اه اوك بسلامة
قطع عليها وجوب حنين
بهاء..... اهلا زين صافا
حنين.... بخير ونت
بهاء.... بخير ياله وصلت
حنين.... كيف وصلتي مزيان
بهاء..... بخير
حنين..... توحشتك
بهاء ضحك.... ياله خرجت من عندك صباح
حنين.... وخا هكاك
بهاء سمع تقطع الحس شاف فتليفون لقا المكالمة دايزة وبقا كيعيط بسميتها.... حنين فينك شنو واقع حنين الو كتسمعيني
بقا كيعيط حتى سمع شي خطاوي جاين جيهت التليفون تقطع الخط.
سمع الصوت تقطع لقاها قطعات رجع كيصوني ليها
»»» كانت طالعة غادة لبيت اقبال تقادو ليها وهي تشوفها دلزت من حدا البيت كتجري دخلات لحمام وهي تدخل عندها طلات عليها لقاتها كتتقية
حنين دارت ليها شارة جيهت تليفون مشات قطعات عليه
ملاك قربات ليها.... شنو كليتي يابنتي
حنين غسلات فمها ووجها شاداها السخفة...... مكليت والو يمكن غير البرد
شدات فيها ملاك خرجاتها كلساتها على النامسية
ملاك.... دبا بخير
حنين.... بخير
ملاك.... انا نجيب ليك واحد كاس ديال الليمون احيد ليك السخفة
حنين هزات راسها باه حاسة بحلقها نشف
ناضت هبكات لتحت كبات ليها واحد الكاس دلعصير وجابتو ليها
حنين.... عافك اخالتي حاوبي بهاء راه كيصوني مقداش
ملاك..... لا لا غير خليه دبا امشي منك هاد الدوخة وهدري معاه الى قولت ليه مرضتي تاني ايتخلع
حنين.... صافي وخا
شربات داك الكاس دلعصير كتحس براسها ولات شوية وخا راسها كيدور عليها
ملاك.... دبا مزيان
حنين.... اه بخير
ملاك..... اوا هاني هنا غير فبيت اقبال الى بغتي شي حاجة صافي
حنين.... لا لا انوض انخرج شوية لجردة حاسة براسي مخنوقة نشم شوية ديال لهوة نقي وندخل
ملاك.... وخا ابنتي سيري
خرجات ملاك وناضت حنين هزات واحد الكاب طويل حتى لتحت لبساتو وهزات فولارها دارتو على راها وهزات تليفونها وخرجات لجردة مشات ملسات فواحد لكليسة تماك
دوزات نمرت
بهاء جاوب..... حنين اش واقع مالكي علاش قطعتي اش واقع
حنين..... مواقع والو غير جاتني تقية تاني
بهاء..... حنين
حنين.... نعام
بهاء..... سيري عن الخدامة قولي ليها تمشي تجيب ليك واحد تيست ديال الحمل
حنين.... هاء واش ندير بيه
بهاء..... جربيه يمكن
حنين..... زعما نكون حاملة
بهاء بتاسم.... حالك ديال واحدة حاملة بتوام ههههه ماشي غير حاملة
حنين..... اوا لواه راه ياله تزوجنا
بهاء ضحك..... ولكن لعبنا كتر من لقياس وخا ياله تزوجنا
حنين فهماتو شنو بغا اقول بديك لعبنا بزاف..... هههه اوا لواه راه ياله شهراين دبا
بهاء.... المهم نتي ديري لي قولت ليك حتى لغدا فاش نجي نلقة عندك شي خبيرة زوينة
حنين.... لا لا بلامة دير فراسك اناني نكون حاملة راه مستحيل
بهاء.... وعلاش مستحيل مالك نتي مبغتيش شي ولد صغيور مني انا وياك
حنين..... ماشي هكاك زعما حنا راه ياله تزوجنا
بهاء... المهم من حالتك باينة القاضية راني طبيب زعما
حنين ضحكات.... بعدة نت لي تولدني هههه
بهاء.... معند غرات لحتى واحد اشوف مراتي من غيري وخا معمري ولدت شي وحدة
حنين.... داكشي لي بقا ليك غير تولد لعيلات
بهاء... ولكن نولدك نتي غير كوني هانيا
حنين ضحكات..... ان شاء الله
بهاء.... المهم نتي قوليها لخدامة تمشي تجيبها ليك
حنين... وخا وامتى نديرو
بهاء..... تمشي تجيبو ليك دبا ودريه غدا فصباح
حنين.... وخا ونت امتى راجع
بهاء...... مع ديك 8 دصباح انكون فالدار
حنين.... اوا صافي وخا
بهاء..... ياله دبا نخليك تهلاي فراسك هاني وصلت قدام دار بسمة
حنين.... ياله سدبسلامة زين ديالي كنبغيك
بهاء.... حتى انا كنبغيك لعمر ديالي
قطع معاها. وهي تنهدات. وناضت دخل ليها الشك ولكن هي متقول مع راسها مستحيل ماشي بهاد السرعة تحمل
دخلات لداخل وهي تتلاقة مع الخدامة خارجة
حنين..... واش صافي غادية
الخدامة.... اه الالة ضاروري انا نمشي دبا
حنين.... المهم شوفي حبيبة عافك جيبي ليا معاك غدا تيست ديال الحمل ستناي نجيب ليك لفلوس دقيقة
الخدامة.... صافي صافي انا نشري ليك من عندي غدا وتعطيني فلوسب دبا مزروبة قبل ميفوتني طوبيس
حنين ضحكات ليها... صافي وخا
مشات الخدامة وهي دخلات لداخل لقات الخدامة لخرا كتوجد على الطابلة
أنت تقرأ
💉ديانيرا💉
Mystery / Thriller~~~~حصـــــريــــا~~~~ قصة جديييييييدة 💉فتيات الجحيم💉 💉تعذيب الجسد💉 💉قسوات القلوب 💉 💉حب لا يوصف💉 بقلمي ✿لطيفة اليوسفي ♞الحبان هاني جيت وجبت الجديد معايا قصة جديدة قصة جد جد مميزة قصة مختلفة تابع معايا وغادي تعرفو علياش كندوي ♞ قالت: سأضل...
