💉ديانيرا💉

💉130💉

💉حب لا يوصف 💉
قصة.....ديانيرا
بقلم .....لطيفة اليوسفي
~130~

✓✓✓✓ وصلو حدا سبيطار هيطو وهبطات حتى هي دخلو لداخل
دخلها نيشان جيهت غرفة الفحص لقا تمام مونة
بهاء سلم عليها.    سلام عليكم
مونة حتى هي سلمات عليه .....سلام غبرتي
بهاء......غير تلاهيت وصافي كنقدم ليك المدام
مونة بتسمات ليها ....مدام حنين ياك
حنين هزات راسها باه ....مشرفين
مونة....الشرف ليا

بهاء.....اش كديري واش كتوجدي لشي مريض
مونة ....لا لقاتني ياله انخرج
بهاء ...اه اوا صافي
خرجات مونة وشاف فحنين....ياله تكاي
حنين تكات فوق لبياص وهو جر كورسي وكلس حداها رفعات حوايجها وبقا كيدوز عليها ديك لعيبة وكيشوف فتلفازة وحنين كتشوف معاه
بهاء ......مبروك امدام نتي حاملة ههههه
حنين ضحكات....اوا مبروك عليك امسيو
بقاو كيضحكو ووريها البيبي فين هو
بهاء.....هاهو ولدنا مزال صغيور
حنين ...متقدش تشوف واش ولد ولا بنت
بهاء ضحك عليها......تسطتي لا وهو مزال صغيور حتى التلفازة مكيباتش بوضوح هو براسو مزال نشوفو جنسية ديالو
حنين ...وغير قولت
بهاء ....اصلا وخا نعرف منقوليكش
حنين .....وعلاش
بهاء....هكاك نخليها ليك مفاجئة
حنين .....امم حتى انا نمشي ندوز عند شي طبيب اخر وقولي
بهاء كيمسح ليها كرشها....اممم اوا جربي
ناضت كتقاد حوايجها.....اوا الى مبغتيش تقولي نت بصيفطك طبيب اكيد اتقولي ممنحقكش تخبي عليا
بهاء.....وكاصفتي اب ديال ولدي منقولكش
حنين....اممم
ناضو خرجو من بعد ما كتب ليها شي فيتامينات ادوزو على الصيداليا اشريهم وخرجو
مونة ......مسيو واش غادي
بهاء ... اه عندي شي شغل ونجي
حنين ....بهاء صافي غير بقا انا انشد طاكسي
بهاء عنقها من خصرها عندو....لا منخليش مراتي تمشي حتى نوصلك ونرجع

خرجو من سبيطار ركب فاللوطو ديالو وكسيرة غادين لدار حتى وصلها ورجع غادي لسبيطار

ياله سالة اجرآت ديال سبيطار كان غادي هو وطبيبة عند دينيز دخلو لقاوها كترضع اسحاق
طبيبة..... مدام دينيز خاصني ندوش لاسحاق
يحيى.... وجيبو دوشي ليه هنا حدانا
طبيبة... اه صافي وخا
شافت فالممرضة لي كانت تماك وصاتها تجيب ليها اش تحتاج خرجات شي شوية رجعات هازة الماء والبانيو وكاع داكشي لي غادي. تحتاك
دينيز..... يحيى اجي مد ليا داك الصاك
مشا عطاه ليها
دينيز هزاتو حطاتو حداها. وبقات كتقلب اش تلبس ليه جبدات ليه داكشي حطاتو حداها. وفوطة وشمبوان ديال دراري صغار وشي مواد. اخرين  حطاتهم حداها
وطبيبة هزات اسحاق حطاتو فالماء وهو بدا كيبكي
يحيى قرب ليه.... مالو
طبيبة.... بلامة تخاف اسيدي هادشي عادي لدراري صغار مزال اي حاجة كتجيهم غريبة وكيعبر مشاعرو غير بلبكة
يحيى شد ليه يدو..... صافي صافي ولدي لحبيب انا معاك
طبيبة بتسمات...... صراحة امدام دينيز سعداتك بهاد الراجل كيبغيك بلا قياس
دينيز ضحكات وشافت فيحيى لي بدورو شاف فيها
يحيى... ومالها راه مراتي ومامات ولدي ضروري منبغيها
طبيبة... الله احفظكم لبعضياتكم والله ادومها بيناتكم محبة
يحيى.... امين
خرجات اسحاق من الماء ويحيى كان هاز فوطة.... هاكي
طبيبة.... هاك شدو
يحيى..... اه وخا
حطاتو ليه فالفوطة لي كانت بين يديه وعنقو عندو مكمشو فديك الفوطة وداه ليها حتى لفوق نانسية لي ناعسة عليها دينيز
طبيبة... ودبا حطو
حطو عليها وبقا واقف غير كيشوف مستغرب من هادشي جاه جديد بزاااف
بقا كيشوف فيها كيف كدير ليه تلبس ليه ليكوش  وكتلبس ليه حوايجو وصلات دخل ليه يدو وهو اقول... بشوية عنداك تهرسيه
طبيبة... لا لا متخافش
يحيى.... اوا هكاك بشوةي عليه
لبسات ليه  سلوبيط فزرق بارد مع شاشية ديالها 
(الصورة)