💉ديانيرا💉

💉100💉

💉قسوات القلوب 💉
قصة... ديانيرا
بقلم..... لطيفة اليوسفي
☜100

»»»»دورات راسها كتشوف راسها فالمطار شافت فيه
دارين.... فين غادين
روكان مشافش جيهتها  هبط وهبطات حتى هي
دار عندها شدها من يديها. وتم داخل للمطار
دارين كتنتر منو..... اييه طلق مني فين غادي. بيا طلق
روكان شاف فيها وغوت.... رصاااي براكة
دارين.... وفين غادي بيا
روكان... حتى توصلي وتعرفي 
سكتات مشاو دارو الاجرأت ديالهم. وركبو فالطائرة كلس وكلسات حداه
جبط تليفونو من جيبو ودوز ابيل لواحد من ليكارد ديالو
روكان...... قبل مانوصل انلقاك مصيفط ليا لكوليزاسيو ديال الدار اوك
قطع معاه ورجع راسو على الكوسان كيتنهد
دارين شافت فيه.... ولكن فين غادين
روكان مجوبهاش بقا غير ساكت حتى حسو بالطيارة كتهز باش تنقالع

»»»» تفكر ختو تنهد تنهيدة خارجة من القلب تفكر تليفونو مجابوهش ليه  ناض من بلاصتو شاد. على كرشو وخرج من البيت دخل عليهم لصالون لقاهم كيفطرو
دينيز دورات راسها شافت فيه ورجعات كتاكل
تياغو...... بغيت نصوني لباريش
دينيز.... هاهو تليفون فوق الطابلة
قرب لطابلة هز تليفون شافو عندو الكود. مدو ليها...... حلي الكود
دينيز..... دير سميتك
كومار شاف فيها  وهي مرفعاتش عنيها
تياغو بتاسم ابتسامة خفيفة وحل الكود تحل وزاد بتاسم كتر
دوز نمرة باريش لي كانت مكتوبة عندها باسم المدير
بقا كيصوني شحال حتى جوبو
باريش..... نتي سباب غادي نقتلك ادينيز غادي نقتلك متبقايش حية غير حظي جنابك
تياغو.... احم باريش
باريش..... ها تياغو
تياغو..... جيب ليا حوايجي لدار دينيز وجيب معاك تليفوني لي عطاو ليك فسبيطار
باريش.... وخا واش مغاديش تجي لدار اجي اتياغو اش كدير مع هاديك القتلة فاي لحضة تقتلك

تياغو..... باريش اسمعني مزيان جيب لي داك الشيء اللي قلت لك انا كانستناك
باريش..... تياغو واش انت بعقلك
تياغو بلغوات.... دير داك الشيء اللي قلت لك انا كانستناك
اقطع عليه التليفون وحطو على الطابله وشاف فدينيز..... انا بغيت نهضر معك اسمعيني ولو اخر مره دينيز حانيه راسها كتاكل..... تياغو اسمعني مزيان انا ماشي دخلتك لهاد الدار حيت حيت كنبغيك ولا بحال داك الشيء اللي داير في بالك انا دخلتك حيث طحتي حدا باب داري داك الشيء علاش دخلتك لداخل اما انا من عندي تموت ولاتحية ماشي شغلي تياغو شاف فيها مطول..... هذي اخر هضره عندك ياك واخا انا غادي نمشي فحالي
دينيز..... ما عندك فين تمشي غادي تبقى هنا حتى  تبرا
كومار طلع فيه عينيه.... انت السباب ديال هذا الشيء اللي وقع كامله اجلس حتى تبرا فاش تبرا سير فحالك وما نشوفكش كادور مازال بها
تياغو..... انت اخر واحد دخل فيا ماشي شغلك فينا دخل في سوق كرك
كومار بلغوات ناض ضرب الطابله بيديه..... زدتي فيه انت ما كاتحشمش هذ اخر هضره عندي فاش غادي تبرى غادي تنوض وتمشي فحالك وما تقربش مازال من دينيز
تياغو قرب ليه واشنق عليه..... ما تدخلش بيناتنا هذا الشيء بيني وبين دينيز انت خليك بعيد من الاحسن
كومار حتى هو شد وشنق عليه..... دينيز كانحسبها واحدة مني حيث انا كانبغيها بزاف سمعتي كانبغيها وهي ديالي جمع راسك وسير فحالك من الاحسن وما تنساش باللي دينيز عمرها غادي تكون ديالك دينيز ديالي
تياغو تعصب هز يدو حتى الفوق ويجمع مع بونيا..... قول انت حاط عليها العين ياك قليل اللحيه زامل انت ما كاتسواش اليوم غادي نقتلك غادي نقتلك ونشرب من دمك اكومار ما تنساش بلي دينيز ديالي وعمري نخليها فهمتي دينيز ديال تياغو وتياغو ديال دينيز

دينيز ناضت وضربت يديها مع الطبله وغوتات...... باركه انت وياه بركه انا ماشي لعبه باش تبقاو تفرقوا فيا ديال من انا ديال راسي وكل واحد غادي يديها في راسو ونوض يجمعوا حوايجكم وسيروا من هنا تياغو  شافها..... انا عمري نخليك وما تحلميش بذاك النهار انني نخليك شي نهار انت ديالي وديريها في فبالك
دينيز قربت لهم بجوج شفت تياغو وهزات فيه صبع يديها وعينيها خارجين..... انت اخر واحد غادي تهضره تياغو وانا مستحيل نكون ديالك ديرها في بالك.... قربت لكومار وشافت فيه.... كومار اش هذه الهضره كاتقول واش انت في الوعي ديالك واش انت عارف اش كاتقول كيفاش كاتبغيني من امتى هذا الشيء من امتى واش هذا الشيء كامل هذا المعامله ديالك كامل حيت كتحبني
كومار طلع فيها عينين ورجع حنا راسو.... انا عمري حسبتك صديقتي ولا حسبتك اختي انا دائما كانحسبك حبيبتي حيت انا كانبغيك بزاف كنبغيك بزاف اكثر من كانبغيك اكثر من راسي كنتمنى انك تفهميني
قال هذه الهضره وزاد خرج ردخ باب موراه
دينيز علات يديها جهه الباب كاشاره خرج برا شافت فيه وقالت بصوت شبه مسموع..... تياغو خرج خليني بوحدي
تياغو جرها عند وشدها من الدراعها ولصقها مع الحيط..... دينيز اسمعيني مدريش هكا  اسمعيني
دينيز غوتات بحر جهدها...... تياغو قلت لك اخرجي برا ما بغيتش نشوف وجهك
اطلق منها وبعد وهو كايشوف فيها..... عمرك تكوني ديال شي وحده انت ديالي ديريها في بالك
جلسات على الكرسي تنهدت بالجهد..... يا ربي اش هذا المصايب اللي كايطيحوا على راسي