💉ديانيرا💉

💉96💉

💉قسوات القلوب💉
قصة... ديانيرا
بقلم... لطيفة اليوسفي
☜96

»»»» غاديا فطريق مكسيرية سمعات شي صوت مراها فالطموبيل وقفات بالزربة فواحد القنت وطريق خاوية دورات راسها بزربة تشوف شكون تماك حتى شافتو كالس فوسط الكوسان وكيشوف فيها وداير يديه مورا راسو وكيشوف فيها
بتاسم واحد الابتسامة كبيرة ونطق...... مساء الخير
دارين خرجات عنيها فيه مدات يديها شعلات الضوء فالطموبيل حتى بان ليها قدامها...... نت كفاش حتى وصلتي لهنا
روكان بتاسم وقرب ليها.... اكيد انكون فينما كانت مراتي اولا لا امراتي لعزيزة
دارين..... ياك نت كونتي ناعس ولا لا ونت خليتك تماك وتحرقتي فديك الدار ولكن كفا..
روكان حط صبع يدو على فمها وقرب ليها كتر.... اششش فيك بزاف ديال الهدرة انا منمشي من هاد الدنيا حتى نمشيو منها بجوج ولا نبقاو بجوج ماشي روكان لي كينخادع دغيا  ازوينة
دارين بعدات منو حلات باب اللوطو وخرجات حتى هو خرج تبعها شدها من يديها وزدحها مع اللوطو حتى تأوهات من لحريق لي شدها فضهرها
روكان قرب ليها حاصرها مع اللوطو حتى وصل حدا وجها ونطق.... متنسايش افعالك ادارين حيت غادي. تندمي بزاااف
دارين....بعد مني القتال الحوتاااالة ازاااماااال
روكان شد ليها وجها بيدو. وزير عليها..... ششش براكة من الهدرة صدعتي ليا راسي شش
دارين كتنتر منو.... بعد مني بعد طلق
بعد منها وشاف فيها...... فين انمشيو دبا نباتو فزنقة بسباباك
دارين..... باش تعلم انك دير شي حاجة انا مراضياش بيها وتتزوج بيا بزز وتبغي تلوي ليا دراعي بزواج ولكن ماشي دارين لي كتستسلم نهائيا انبقة فوق راسك حتى نقتلك ونتهنا منك
روكان..... نقدر نقتلك انا متعرفي شنو ايوقع
دارين..... ولكن ديك لوقيتة فاش تجي تقتلني اتلقة راسك اصلا ميت بلامة تفكر بزاااف
دفعاتو عليها وركبات فاللوطو ديالها وكسيرات مخلياه واقف تماك بوحدو ومتبع ليها العين
جبد تليفونو من جيبو فاش سمعو كيصوني
روكان..... الو اه شنو هاني جاي لا لا مكاين حد فالدار الدار كانت خاوية اووك وخا  المهم صيفط ليا شي كارد اجي عندي للعنوان لي نصيفط ليه فمساج

قطع معاه وصيفط ليه العنوان فمساج وبقا يستناه  اجي

»»»» مكسيرة فطريق مكتشوفش قدامها معصبة لاقصة الحدود كفاش خطتها فشلات ومماتش شنو ادير باش تتهنا منو
وقفات قدام واحد البار كبير خرجات من اللوطو كدور عنيها كيتسمع زديح ديال الموسيقى من برة دخلات لداخل شدات واحد الكورسي حدا طريطوار
دارين..... شي فودكا
وقف داك. دري كيكب ليها خطفات ليه ديك القرعة من يدو وبدات كتشرب منها دريكت محيداتها من فمها حتى خواتها شافت فيه بعنين عيانين...... زيد وحدة خرا
الولد... ولكن راه قاصح عليك
دارين.... وحدة خرا
هز راسو بواخا ومد. ليها قرعة خرا شداتها كتشرب منها

»»»» وقف عليه فاللوطو شاف فيه حل عليه الباب
روكان.... هبط
هبط لكارد. كيشوف فيه
روكان...... دور ركب ملهيه انا نصوك
ركب روكان. ولكارد ركب حداه. وكسيرة موقف غير حدا طريق الرئسية وقف اللوطو وشاف قدامو..... غادي تهبط وتشد. طاكسي وترجع لدار تكلفو بالدار
لكارد.... ونت اسيدي.
روكان شاف فيه.... دير لي قولت انا ممساليش لهادشي
لكارد... وخا
هبط. ورجع هو كسيرة غادي كيقلب عليها فين مشات
جبد تليفونو شعل واحد ابليكاسيو كيقلب على الجهاز لي حط ليها فالتليفون فين هي  بقا كيستنا  تبان ليه الاشارة  بقا مدة حتى بانت وكسيرة لديك بلاصة

»»»»»  حسات بشي حد حط يدو على كتفها علات راسها فيه
دارين..... شنو باغي
الرجل..... مدة مشفناك غبرتي
دارين شافت ليه فيدو لي على كتفها...... وشنو سر هاد. المفاجأة زعما
الرجل..... والو شنو ايكون زعما
دارين رجعات هبطات على ديك. القرعة كملات داكشي لي بقا فيها...... لي بناتنا سلا يعني غير بعد. بنتي على حقيقتك  امريو إفيريا
مريو كلس حداها على الكورسي.... كولشي جا على غفلة ادارين تيقي فيا ماشي بيديا راكي عارفة الوليد
دارين شافت فيه وناضت خارجة كتتمايل تبعها كيجري شد. فيها
مريو.... دارين عطني فرصة نشرح ليك
دارين كتحول تبعد منو وراسها تقيل بزاااف..... بعد طلق مني
مريو..... دارين غير سمعني
دارين حسات براسها غادي. ويتقال عليها حتى طاحت بين يديه
مريو خايف عليها كيضرب ليها فوجها..... دارين شوفي فيا دارين عافك شوفي فيا

هزها بزربة وخرج بيها غادي. بيها جيهت اللوطو ديال
حطها اللور ودار بالزربة ركب وكسيرة

»»»» ياله كيستصيوني اللوطو حتى شافو هازها بين يده. ومدخلها لوطو وقف كيشوف حتى شافو كسيرة هبط بزربةوكشوف فديك. اللوطو لي غادية بزربة وقف على لكار لي حدا باب البار
روكان... ديالمن ديك. لوطو لي خرجات دبا
لكارد..... هداك اسيدي مسيو مريو إفيريا
روكان رجع بزربة ركب اللوطو ديالو وكسيرة
تابعو
هز تليفونو دوز نمرة واحد من لكارد ديالو
روكان..... جبد ليا كاع معلومات على مريو إفيريا  ساعة تكون جابد ليا صغيرة قبل لكبيرة
قطع معاه وزاد مكسيري كيقلب بعنيه على طموبيلتو بين طموبيلات لي وقفو فسطوب بقا واقف كيستنا هاد الجوقة دوز حتى شافو خرج مكسيري وهو مزال حاصل تماك
روكان ضرب يدو مع لفلون.... تفو على زهر يخ

»»»» واقفة فالباب كتشوف فيه ناعس على ضهرو فوق بياص ويديه فيهم سيروم نطقات بينها وبين راسها وكتمتم بين شفايفها
دينيز.... زعما الى رجعتي لديك طريق مرا خرا تقدي تقتليه تقدي. تبداي بيه هو لول ادينيز.... قربات ليه بشوية كتشوف فيه.... علاش مقتلتوش نهار لول لي شفتو فيه مع دالك حتى هو منهم حتى هو ضابط ولكن علاش مقتلتوش شنو سبب واش حيت كونت بغيت نتلدد فقتلو ونتفنن فيه بطريقة خرا لي اعجزو عليها كاع الاطيباء والشرطة باش اعرفو واش هو مات مقتول ولا موتة عاديا ولا مات معدوم شنو كان هدفك فاش خليتيه لحد الأن عايش وكيتنفس راه هو لي هددك بالقتل فلول وهو لي حلف حتى اسلمك براسو لشرطة وهو لي اشنقك فوق كورسي الإعدام بيديه شنو لي خلاك ميديرهاش شنو شنو
تنهدات. وشافت فيه شحال ورجعات خطاويها حدا الباب ووقفات متبعاه بعنيها كتستناه افيق

»»» حل عنيه حاس براسو مدكدك وضربة عطياه لحريق بزاااف حل عنيه بشوية كيبان ليه كولشي مضبب جات فبالو ونطق بين شفايفو..... د ين يز
دور راسو بشوية شافها واقفة فلباب وكتشوف فيه مكاين حتى شي تفسير على وجهة ملامح. باردة حتى من نفسها هادء مكيتسمعش رغم انا البيت هادئة مكاين حتى شي صوت اخر
تياغو..... دي نيز
دينيز مهدراتش غير واقفة وكتشوف فيه
تياغو..... دي دينيز اجي قربي
دينيز شافت فيه قدات الوقفة وفتحات الباب شافت فيه ورجعات شافت قدامها خارجة حتى وقفها بصوتها
تياغو.... دينيز اجي مديريش هكا
شافت فيه واحد الشوفة فشكل عمرو شافها فعنيها وخرجات

💣إِنْ كَانَ لاَ شَيْءٌ سَيُنْقِذُنَا مِنَ المَوْت ، فَلْيُنْقِذُنَا الحُبْ مِنَ الحَيَاة عَلَى الأَقَل💣