💉ديانيرا💉

💉112💉

💉قسوات القلوب💉
قصة.... ديانيرا
بقلم... لطيفة اليوسفي
☜112

»»»»  هزات تليفونها دوزات نمرة حنين تليفونها كيصوني ولكن مكتجوبش تنهدات وبقات كالسة حدا باب العمارة كتستنا اجي شي حد غير احل ليها الباب تطلع والو

»»» شخشخ كاع البيت حتى وصل قدات لمرية رفع راسو شاف فوجعو لي ولا حمر وعنيه كي جمر وعروقو بارزين غمض عنيه بجهد مزير عليهم كيتفكر هدرتها فاش قالت ليها بالي مخنوقة بزواج تنهد وهز يدو حتى لفوق وضربها مع لمراية حتى تشتتات ويدو طوشات بالدم
روكان غوت.... علاش علاااااش ادارين كلما بغيت نصلح شي حاجة كتخربيه بيديك علااااااش
سمع تليفونو كيصوني شاف فيه كان تياغو جوب
روكان.... اش كاين
تياغو.... فينك
روكان.... فدار
تياغو.... انا جاي عندك
روكان.... بلاش باغي نبقة بوحدي
قال هاد الهدرة وقطع عليه وكلس فوق النامسية كيتنهد وكيحاول اكالمي راسو بقا مدة كالس والو العافية شاعلة فصدرو خرج من البيت دخل الكوزينة حل التلاجة جبد منها قرعة ديال الوسكي وبقا كيشرب منها

»»» غادي جيهت السانسور مد يدو احل الباب حتى تحطات يديها شاف فيها لقاها واقفة باغية تهبط
رفع فيها حاجب
تياغو.... فين غادية
دينيز..... فحالي كنضن وقت الخدمة تسلات ودبا 7 دلعشية
تياغو..... مكالوش ليك بالي هاد السانسور ديال المدير وها منين كيهبطو الموضفين
اشار ليها جيهت دروج
دينيز شافت جيهت دروج عرفات بالي دروج بزاف الى هبطات منهم ومع الحمل اتعية
دينيز..... اه وخا
تمات غادية وهو اجرها عندو حتى لصقات معاه
دينيز حطات يديها على صدرو باش شدات توازنها رفعات راسها فيه كان قريب ليها بزاف
تياغو.... على قبل ولدي انخليك تهبطي فالسانسور
دينيز كتحول تبعد.... لا انهبط فدروج
تياغو شاف سانسور تحل دخل وجرها معاه وضغط على الزر تسد الباب..... على قبل ولدي ماشي على قبلك
دينيز بعدات عليه وبقات ساكتة وهو كيشوف فيها وهاز حاجب تحل السانسور وخرجات عاد خرج هو حس بيها بحالة توترات فاش قاصها شي حاجة فشكل نفض افكارو وزاد ركب اللوطو ديالو وكسيرة

اما هي كسيرات غادية لدار كتفكر فهدرتو تنهدات وقفات اللوطو ديالها قدام واحد الريستو دخلات ضمنضات لعشا وخرجات ركبات اللوطو ديالها عاد زادت كملات طريقها لدار
وقفات قدام العمارة هابطة وشتا  مجهدة رفعات راسها وهي تشوف دارين كالسة حدا باب العمارة مكمشة فواحد القنت وكولها فازكة مشات عندها كتجري
دينيز تحنات عندها.... دارين مالكي لاش كالسة هنا اش واقع ليك
شافت الباليزة ديالها عرفات شي حاجة واقعة حلات الباب ودخلو نوضاتها غير بزز كرمات تماك بالبرد وكولها كترعد
طلعو لفوق ودخلو لدار
دخلاتها لبيتها نشان لدوش وقفاتها تحت الرشاشة وطلقات عليها ماء سخون كتحول دفيها وتعونها كتحيد ليها حوايجها حتى خلاتها بدوبياس والماء كيتكب عليها وهي كترعد وتخطف من بلاصتها
دينيز كدوز ليها يديها على وجها... حبيبة اش واقع ليك مالكي
دارين غير كتشوف فنقطة وحدة خرجاتها جبدات ليها حوايج من البليزة حمدات الله انها مكدخلش الماء اما لوكان كولشي فزك عوناتها فلباس تكاتها فوق النامسية وغطاتها كلسات حداها كتحول تفهم اش واقع مقالت ليها والو تنهدات. وناضت خلاتها على راحتها بدلات عليها حتى هي ومشات قدات داك لعشا فالكوزينة تنهدات. سمعات تليفونها كيصونيي جوبات كانت حنين
حنين.... الو ختي دينيز فينك
دينيز... راني فالدار
حنين... راه غير صونيت ليك بيت نقولك بلامة تستنينا لعشا انباتو برا اليوم
دينيز.... اه صافي وخا اختي بسلامة
قطعات معاها مشات لبيتها طلات على دارين لقاتها نعسات كلسات حداها كتشوف فيها شافت شي دميعات هابطين ليها مع جناب عنيها تنهدات ومدات يديها مسحاتهم ليها بقات كتشوف فيها شحال
دينيز.... معرفتش واش ايجي شي نهار ونتهناو فحياتنا بحالنا بحال كاع الناس لا انا لا نتي عايشين هاد الدنيا كي بغينا ديما المشكيل وديما دم ديما لقتيلة ديما الانتقام انا عيت من هادشي بغيت نعيش حتى انا غير شي نهار مرتاحة تنهدات تنهيدة حارة وناضت مشات الكوزينة سخنات لعشة تعشات وشربات دواها وخرجات سمعات صوت الماء فالدوش عرفاتها فاقت دخلات لبيتها توضات وصلات وتخشات بلاصتها حتى شافتها داخلة
دينيز..... دارين مالكي
دارين شافت فيها..... لا والو
دينيز..... شنو. وقع بينك وبين روكان
دارين.... والو طلقنا
دينيز..... شنو طلقتو
دارين.... اه تفارقنا هكا حسن كل واحد اشد طريقو
دينيز...... اشنو هادشي شكون طلب طلاق
دارين.... انا
دينيز.... دارين واش نتي تسطيتي واش نتي مريضة فعقلك قولت ليك نساي عليك الماضي وعيشي حياتك علاش مكتسمعيش لهدرتي على الاقل شي وحدة فينا تعيش حياتها مزيانة علاش ضمرتي حياتك بيديك
دارين..... دينيز عافك مضغطيش عليا كتر انا عارفة مصلاحتي فالاول والاخير هاد زواج تبنة غير على لعبة والانتقام وشكون ضمن ليا انه مزال مباغيش انتقم مني
دينيز..... وباش عرفتيه انه مزال باغي انتقم ومباغيش حتى هو ابدة حيات جديدة معاك.
دارين... مستحيل هادشي لي كتقولي ومن الاحسن اتسد هاد المضوع هنا
خرجات البالكون واقفة كتشوف لبعيد اما دينيز تكات بلاصتها حاضياها حتى نعسات