💉ديانيرا💉

💉127💉

💉حب لا يوصف💉
قصة.... ديانيرا
بقلم... لطيفة اليوسفي
☜127

»»»» كالسة حداه. وحاطة يدها. على وجهو وكتشوف فيه
حنين باستو فجبهتو كتفيق فيه.... حبيبي نوض براكة من نعاس راك نعستي نهار كامل
بهاء  تقلب على ضهرو كيشوف فيها..... اوووف شحال فساعة
حنين..... قربات الربعة  بقا ربع ساعة للعصر
بهاء..... اوووف استغفر الله عيااان
حنين.... نوض خرج على برا اضرب فيك البرد ويمشي منك لعيا
بهاء بتاسم ليها..... امدرة اش درتي فداكشي لي قولت ليك
حنين.... شنو
بهاء.... تيست
حنين.... اه راه قولت الخدامة تجيبو ليا غدا
بهاء..... علاش مجابتوش اليوم
حنين.... نسات
بهاء.... صافي انا نمشي نجيبو ليك ولا عرفتي شنو انووضو نمشيو لكلنيك ندوز ليك
حنين.... ولا صافي خليها تجيبو دبا راه قولتها. ليها اوا تجيبو فاش نعرفو اش تما عاد ندوز
بهاء.... اوك صافي وخا
حنين.... صوبت ليك قهوة نجيبها ليك هنا. ولا تهبط لتحت
بهاء.... لا لا انوض نهبط عند الوليدة شوية نكلس معاها ونشربوها مجموعين
حنين ناضت.... صافي وخا ياله نوض
ناض دخل لدوش غسل وجهو وخرج لبس عليه عاد هبطو لتحت كيقلبو على ملاك
بهاء..... خديجة مشتيش الوليدة
خديجة.... فجردة اولدي
بهاء تم خارج وهي تبعو حنين دار عندها طلع فيها وهبط.... سيري لبسي عليك شي حاجة طويلة كاينين ليكارد
حنين شافت فيه..... وراه ديك جيها مكاين حد
بهاء رجع عندها شد ليها وجها بين يديه.... سير احبيبة لبسي عليك شي حاجة طويلة منبغيش لي اشوفك بهاد لبس ياله كوني تسمعي الهدرة
تحنا باسها فجبهتها
هزات راسها باه وطلعات الفوق تلبس عليها. وهو خرج كيقلب على مو لقاها كالسة فلكليسة لي حدا لبسين
مشا كلس حداها وباس راسها.... سلام
ملاك...... عليكم السلام اولدي الله ارضي عليك
بهاء.... مزيانة
ملاك.... بخير الحمد الله اولدي فين هي مراتك
بهاء.... خليتها فدار هاهي اتجي دبا
ملاك.... اوا مزيان خليها على راحتها
بهاء كيشوف فاقبال كتجري مع واحد المشة صغيرة كتشدها وهي كتجري وتلعب معاها (مشة ديال واحد البستاني) 
ملاك.... كي راها بسمة
بهاء.... بخير شتها البارح راها بخير
ملاك.... اوا مزيان
جات حنين هازة القهوة مدات قهوة لملاك خداتها ومدات قهوة لبهاء حتى هو
حنين كتعيط على اقبال...... اقبال اجي احبيبة راني درت ليك حليب بشكلاط اجي تاكلي

اقبال جات كتجري هازة ديك. المشة..... وحا
حنين..... ياله حطيها.  وسيري غسلي يديك كاينة عائشة (الخدامة صغيرة خدامة كتعون خديجة) تغسل ليك واجي
اقبال.... وحا
ددارت داكشي لي قالت ليها ومشات غسلات عاد رجعات كلساتها حنين حداها ومقابلاها شادة معاها الكاس لطيحو
وملاك كتشوف فيها والمعاملة لي كدير مع اقبال
ملاك ضحكات..... هي خاصك شي ولد صغيور ابنتي
حنين بتسمات حشمانة..... اوا ان شاء الله اخالتي علاش لا
ملاك..... اوا راه داكشي لي خاصك ديري ولدي شي وليدات منها تكبري مع ولادك متخليش حتى دوزو شحال عاد. تولدي ديك الساعة راه بنادم كيكبري ولدي محدك صغيرة وفيك جهد. دلولادة
حنين شافت فبهاء ولاو خدودها حومر من الحشمة..... الى كتاب اخالتي
ملاك ضحكات..... اوا نتوما تعرفو اوليداتي انا غير كنهدر
حنين...... خالتي بغيت نتشاور معاك فواحد الحاجة
ملاك قدات الكلسة كتسمع ليها... اه ابنتي مرحبا
حنين..... بغيت غدا نعرض ماما ومرات خوية الله ارحمو نعرضهم اتغداو معانا وقولت نسولك
ملاك.... الله اودي مرحبا بيهم على الراس والعين
حنين..... صافي نعرضهم
ملاك..... اه ابنتي هي ماماك مرحبا بيها مالي انا نقول ليك لا بالعكس هداك هو نهار لكبير
حنين... صافي وخا غدا نصوني ليهم اجيو اتغداو معانا ان شاء الله
ملاك.... اوا صافي حتى انا انوض بكري نوقف على لغدا بيديا
حنين.... الله احفظك اخالتي شكرا
ملاك.... اوا اش قولت ليك ابنتي انا حسبني بحال ماماك لي تقالت عليك خفافت عليا
بهاء..... اوا شتي تشورات معاك نتي وانا كاع مفخباري
ملاك ضحكات..... اوا نت مالك اش اتقول ليك جات عند ماماها قالتها ليها نت تجي تكلس تاكل وتنوض
بهاء هز راسو وبتاسم... منحقكم
بداو كيضحكو ومجمعين كيشربو القهوة