💉ديانيرا💉

🌹137🌹

حب لا يوصف🌹
قصة.....ديانيرا
بقلم .....لطيفة اليوسفي
~137~

وقف قدام الڤيلا ديال ادهم كيشوف فالباب متردد انه ادق تنهد ودق جوج دقات 
بقا واقف شحال حتى سمع شي خطوات جاين جيهت الباب تنهد وهي تفتح الباب
طلع عنيه كان اصلان
اصلان شاف فيه.... احم نعام
روكان..... شكون نت
اصلان..... كفاش شكون انا انا لي خاصني نسولك
روكان..... كاين ادهم
اصلان..... اه علاش
روكان.... كلمو ليا
اصلان.....ستنا
عيط جوج ديال لمرات على باه وروكان شاف فيه..... واش باباك
اصلان..... وقيلة نت خدام مع الوليد ولا شنو
روكان...... لا لا غير بغيتو فشي حاجة
ادهم خرج غير شافو بتاسم.... روكان دخل اولدي
روكان شاف فيه شحال..... كاينة الوليدة
اصلان شاف فباه..... شكون مو واش الخدامة ولا شكون
ادهم حط يدو على يد اصلان..... زيدو لداخل نفهمكم
اصلان دخل وروكان تبعو عاد. دخل حتى ادهم دخلو لصالون.
ادهم...... كلسو
كلسو بجوج وهو كلس مقابل معاهم
ادهم..... ولدي اصلان هادة راه خوك لي ديما كنعودو ليك عليه
اصلان شاف فروكان وشاف فباه..... خوية لي خطفو فاش تزاد
ادهم شاف فروكان.... اه اولدي هادة خوك
اصلان ناض وقف وروكان حتى هو وقف عند خوه وتعانقو
اصلان عنق خوه بجهد..... شحال كونت نتمنا اخوية اناني نتلاقة معاك الحمد الله تلاقينا الحمد الله
روكان بعد. عليه..... الحمد الله حتى انا لقيت عائلتي
اصلان حط يديو على كتافو وشاف فيه..... انا خوك اخوية لي حتاجتيها مترددش انك تجي عندي وخا صغير المهم خوك
روكان شد ليه راسو..... نت خوية صغير لي تقالت عليك خفافت عليا
سمعو شي صوت فالباب كانت اليف واقفة وكتشوف فيهم شادة على فمها ودموع فعنيها
روكان غير شافها طلق من اصلان ومشا عندها كيجري تلاح عليها عنقها بجهد وبدا كيدور بيها مع هي ضعيفة بقا غير كيدور بيها وهي كيتسمعو شهقاتها وغير كتبكي وكتقول (ولدي) 

حطها فلرض وشدات ليه فوجهو... ولدي الحمد الله ياربي الحمد الله حيت رجعتي ليا ولدي الحمد الله
روكان باس ليها راسها...... الحمد الله الوليدة
هزات يديها كتمسح ليه دميعات لي هبطو من. عنيه وقالت.... متبكيش العمر ديالي متبكيش
روكان باس ليها يديها..... رضي عليا الوليدة
اليف..... راضية عليك اولدي دنيا واخيرة راضية عليكم اوليداتي راضية عليكم

شد فيها حتى وصلها لفوطوي كلسها وكلس حداها.... نتي بخير كي بقتي
اليف.... بخير الحمد الله مزيانة
ادهم كيشوف فيه كاع مشاف جيهتو تنهد. وناض
روكان تبع ليه العين حتى كان غيخرج وهو انطق
روكان.... الوليد مبغتيش تسلم عليا حتى نت باش تكمل فرحتنا
ادهم. وقف مصدوم بقا شحال واقف عاد. دار عندو لقاه واقف كيستناه
ادهم فتح يديه.... اجي اولدي اجي اسبع ديالي
روكان قرب لباه عنقو حتى هو وادهم حتى هو مطلقش منو بقاو شحال معانقين عاد بعدو على بعضياتهم
روكان... اجي كلس بغيت نهدر معاكم
اليف.... خبار الخير
روكان شاف فيهم..... غدا بغيتكم تمشيو معايا نخطب واحد البنت
اليف ضحكات.... شكون هاد البنت
روكان..... خت مرات صاحبي وهدرت معاه غدا ليل انمشيو
اليف..... وعلى لفرحات عليا نمشي مع ولدي صافي نت قول ليهم اولدي كولشي على حسابنا حنا نديو معانا كولشي طايب صافي ندير ليك خطوبة مغربية اولدي
روكان بتاسم.... صافي الوليدة لهلا يخطيك
اصلان شاف فيه..... اوا مبروك الله اكمل بالخير
روكان... امين لعقبة نفرحو بيك
اصلان سكت مقال والو