💉ديانيرا💉

💉22💉

💉فتيات الجحيم💉
قصة.... ديانيرا
بقلم♚لطيفة اليوسفي
☜22

»»» جراتو من رجليه وقربات لبلكار جبدات منو الكرفطات لي كانو تماك ربطاتهم مع بعضياتهم وصوبات بيهم حبل شافت فسقف كتشوف فين تربطة شافت التورية لكبيرة لي كانت متوصطة البيت قربات ليها كتشوف لقاتها معلقة عند واحد لحديدة خارجة من الحيط جاها شوية عالية تنهدات وبقات كتشوف كيدير انها تعلقو تماك بقات كدور فالبيت شافت واحد الخشبة بحال خشبة طشطابة هزاتها وبقات كتحول دخل بيها داك الخيط حتى دخلات بعد مشقة الانفاس عاد بدات كتجر فيه من بعد ما ربطات ليه رجليه وعلقاتو وربطات داك لحبل مع لحديدة ديال الشرجم باش ميطيحش وهادشي كامل حافضة سواريها ودايرة ليكاتها
هنا جبدات الموس الماضي لي كان عندها خاشياه مع جنبها ومدخلاه مع سليب وبدات فجريمتها نفس الجريمة الحنجرة خارجة وعنين متقوبين حتى سلات عاد بدات كترسم فوشمها الموعود حتى سلات ودارت ليه الصبغة عاد بعدات ومسحات داك الدم لي كان فلرض نقات الحالة مزيان ودخلات لدوش غسلات داك الدم من عليها وغسلات الموس مزيان وغسلات ديك الغسالة فين حيددات عليها الدم وخرجات مع الخرجة وهي تشوف شي وحدة عطياها بضهر وكترسم فكرش الضحية بقات كتشوف عاقدة غوباشها وبقات واقفة وكطلع وتهبط فيها ولخرة مشفتهاش حتى سلات عاد دارت مع دورة ديانيرا خرجات عنيها وسيدرو كتر منها
ديانيرة هازة فيديها الموس..... شكون نتي
كتهدر وكتقرب ليها
سيدرو كتشوف فيها وكطلع وتهبط فيها اش هادشي كتشوف نسخة الاصل عليها..... شكون نتي
تسمع الحس حدا الباب وهي تمشي كتجري سيدرو طلات لقاتو واحد الخدم هي غيير شافتو دخل لواحد البيت خرجات كتجري اما ديانيرا مشات بزربة لبسات عليها وتبعاتها هابطة ولكن غبرات معوداتش شافتها»»»»

هادشي كامل كانت كتفكر فيه وتفكيرها مركز على حاجة وحدة هي شكون ديك البنت وشنو كانت كدير تماك

طفات الطابي غولو وهبطات من عليه كتمسح جبهتها بلفوطة تحنات هزات قرعة فيها عصير الليمون شربات منو وتمات طالعة لبيتها غير شافها بوبي جا كيجري تابعها وكينبح
ديانيرا..... بوبي يرحم باك لما بعد مني عقلي مخربق خليني عليك
بوبي وقف فوسط دروج كيشوف فيها حتى دخلات لبيتها ورجع هابط بشوية بحالة مقلق مشا كلس فوق الفوطوي وبقا كالس حاضي دروج

»»» ارااائكم