💉ديانيرا💉

💉95💉

💉قسوات القلوب💉
قصة.... ديانيرا
بقلم.... لطيفة اليوسفي
☜95

»»»»بقات واقفة وكتشوف فالدار كتتحرق قدامها هزات تليفونها دوزات نمرتو بقا كيصوني شحال عاد جوبها
دارين..... الو كومار فينك
كومار..... راني فروسيا علاش
دارين.... واش راك مع دينيز
كومار.... اه علاش شنو واقع واش محتجاني فشي حاجة
دارين كتعود ليه اش دارت..... هادشي لي وقع
كومار.... واش تسطتي ادارين وشنو ناوية ديري دبا دارين......معرفتش اش ندير
كومار..... اجي لروسيا
دارين.... لا مقداش دبا مبغيتش نورط معايا دينيز تاني
كومار..... الى عرفات هادشي لي درتي اتتخاصم معاك ادارين
دارين...... معرفتش المهم مخليتهاش فهداك الحوتالة المهم بسلامة ومتقول والو لدينيز
كومار.... اوك بسلامة
قطعات معاه وكسيرات مبعدة على لبلاصة فاش شافت البولس مطوق على لبلاصة

»»»» دورو راسهم بجوج جيهت الباب لي تزدحات مع الحيط دخل منو واقف وكيشوف فيهم
تياغو كيشوف فباريش لي هاز سلاحو فدينيز كيقرب ليهم
تياغو كيشوف فيهم..... شنو كدير اباريش
باريش...... متقربش اتياغو متقربش متوقفنيش اناني نقتل هاد القتالة
تياغو كيقرب ليه وكيشوف فيه..... حيد. داك سلاح اباريش حيدو  من يديك
باريش.... متقربش اتياغو متقربش بعد
تياغو كيزيد اقرب ليه..... باريش متغلطش وديرها
باريش كيشوف فيها..... هادي قتلات ليا بابا اتياغو ونت شاهد على شنو وقع ليا من بعد موت الوليد كولشي طاح فوق من راسي تقهرت ضرباتني لبلاصة لي ضرني هادي حيدات عمود عائلتي نهارت الوليدة حتى هي مرضات مرضااات اتياغو حتى هي خاصني نقتلها نهني روح بابا نهنييييه
حس بيديه تلوات دور راسو لقا تياغو شد ليه يدو ورجعها لتحت
تياغو.... دينيز بعدي بعدي
دينيز كتشوف فيهم كيتشابكو وسلاح بيناتهم حتى تسمعات صوت رصاصة
شافو فبعضياتهم بجوج ودينيز حطات يديها على فمها كتشوف فيهم مخرجين عنيهم بجوج هبطات عنيها لسلاح لي طاح فلرظ ونقيطات ديال الدم لي تبعو داك سلاح  رفعات راسها فيهم كتشوف شكون لي تضرب بعد باريش كيشوف فتياغو وكيشوف فيديه لي عامرين بدم ويرجع اشوف فتياغو لي شاد على كرشو  لي مضروبة برصاصة
بدا ارجع بلور حتى تكا على الحيط
دينيز مشات عندو كتجري شدات فيه
دينيز قربات ليه كتشوف فيه بدا كيغيب شوية بشوية حتى سخف بين يديها
ناضت بزربة شنقات على باريش  قجاه..... قتااال هانت قتلتي صاحبك قتلتيه
باريش كيشوف فيه وهز راسو بلا.... ماشي انا ماشي انا نتي سباب نتي نتي
دفعاتو بجهد حتى تزعزع من بلاصتو...... عوني نديوه لسبيطار عاوني سير قرب اللوطو للباب
مشات عند تياغو كتضرب ليه فوجهو بشوية كتحاول تفيقو..... تياغو شوف فيا فيق فيق كتسمعني
دخل عندها باريش قرب ليها..... نوضي نوضي نهزوه نديوه لسبيطار راه كينزف بزاااف
بعدات عليه وناضو تعونو عليه هزوه ركبات اللور وحطات راسو على فخادها اما باريش ركب وكسيرة 
دينيز كتضرب ليه فوجهو..... تياغو فيق فيق
حل عنيه بشوية كيشوف فيها هز يدو لي عامرة بالدم. شد بيها يديها
تياغو.... دي نيز  دييني ز 
دينيز..... شش متهدر نت كتنزف شش
تياغو..... سمعني كح كح دينيز سم معني متمش يش ادين يز  متمش شيش
دينيز.... شش اشش متهدرش شش  انا حداك غير تهدن راه قربنا لسبيطار

مدة ديال طريق وصلو قدام سبيطار هبطات كتعيط على الممرضين جابو بياص حطوه فوق منو وزادو دخلو بيه وهو مدد يدو باغي اشد فيديها وكيشوف فيها وهي واقفة وكتشوف فيه حتى بعدو عليها وهو مزال كيشوف فيها

جرات رجليها تبعاهم حتى دخلوه لبلوك وقفات قدام الباب وكتشوف فالضوء الحمرة لي تشعلات فوق الباب ديال لبلوك تنهدات وشافت فيديها لي عمرين بدمو بقات تشوف فيهم شحال تفكرات هدرتو لي كان كيقول فاش قال ليها متمشيش  تنهدات ودخلات فواحد الحمام تماك سدات الباب وشعلات الماء كتغسل فيديها وكتشوف فلمراية ووجها  تنهدات وغسلات وجها وبقات كتشوف فلمراية
دينيز..... شنو بغتي ادينيز شنو مصيرك فهادشي كامل شنو مصيرك فالاخير الماضي تابعك حتى لهنا  اتبقاي مجريمة طول حياتك وخا اوقع لي وقع وخا تبغي تخرجي من الاجرام كيرجعوك ليها بزز نخاف عليهم الى رجعت تاني لديك طريق نخاف من البشار عليا حيت انتفنن هاد المرة كتر واول واحد نبدة منو نت اتياغو باش متوقفش ليا فطريقي مرا خرا
غمضات عنيها تنهدات سمعات صوت تليفونها جوبات

دينيز.... الو بسمة
بسمة.... سلام دينيز صافا
دينيز... بخير ونتي
بسمة.... الحمد الله على كل حال كي راك مع الخدمة
دينيز.... بخير ونتي كي بقات بنتك مزيانة
بسمة.... بخير فاقت الحمد الله كيديرو ليها دوا دبا كيف قال ليا طبيب غادية وكتتشافة الحمد الله
دينيز...... مزيان المهم انخليك دبا مشغولة شوية اوك بسلامة
بسمة..... بسلامة وشكرا بزاااف ادينيز انا ممنونة ليك بزاااف والله
دينيز... متقوليش هكاك ضروروي نعاونك فشي محنة
بسمة.... صراحة عمري تلاقيت مع شي بنت حنينة بحالك مالي حطيت رجلي فروسيا 
دينيز..... بنادم توب وحجر ابسمة دبا غير تهلاي فبنتك حتى تجي تلقاي بلاصتك فالخدمة ترجعي تخدمي كيف كونتي
بسمة..... وخا شكرا بزاااف
قطعات معاها وخرجات من الحمام كلسات فوق واحد الكورسي حدا لبلوك كتستناهم اخرجو حتى شافت باريش داخل 
دينيز طلعات عنيها فيه وهو انطق...... انا مدرتهاش بلعاني انا كونت بغيت نهني منك البشار القتالة
دينيز ناضت قربات ليه وشافت فيه وهزات صبعها فيه ونطقات تحت سنانها...... متخلنيش نطر نرجع لديك طريق اباريش حيت هاد المرة مغاديش نرجع نخرج منها وغادي نقتلكم واحد واحد ونزيد نتفنن فجسمكم كيف بغيت وكون متأكد انا اول واحد غادي امشي فيها مالي انرجع لديك طريق هو صاحبك لي لداخل حيت هو لي كيوقف فطريقي بزاااف من بعد تلحقو نت ومنضمنش ليك  انكم منجمعكمش بجوج فنهار واحد من الاحسن تخلني بعيدة عليك حيت نت لي غادي تتأدة فهادشي كامل انا مخاصرا والو ومعندي منخصر
باريش كيشوف فيها وكيف كتهدر بكل تيقة عرفها تقد بهدرتها
شافو طبيب خرج قربو ليه
دينيز..... كي بقا
طبيب.... مزيان راه بخير دبا حيدنا منو رصاصة بخير ووقفنا النزيف شي ساعة وفيق
دينيز هزات راسها باه ومشات كلسات فوق واحد الكورسي مقابلة مع باريش لي واقف قدامها وكيشوف فيها

أرائكم يا بنااات