💉ديانيرا💉

💉99💉

💉قسوات القلوب💉. قصة..... ديانيرا
بقلم... لطيفة اليوسفي
☜99

»»» ركبات فاللوطو ركب حداها وكسيرة مشافش جيهتها ومهدرش معاها فقط ساكت
هي سقلات كتشوف فطريق مرا مرا تشوف فيه كسر داك الصمت صونيت ديال التليفون جبدو من جيبو جاوب
روكان.... وجدتي كولشي.... اوك

قطع معاه وحط. تليفون وقلب الدورة شد وجها خرا
دارين..... فين. غادي. بيا
روكان كيصوك وساكت شافت فيه لقاتو كيغزز شفايفو بسنانو عرفاتو معصب راه باينة من عنيه والشدة لي داير فلفلون
تنهدات ورجعات راسها على الكوسان غمضات عنيها كتسنط لعضامها تفكرات تليفونها
دارين.... دوز على البار لي حدا سبر ماركت ناخد. تليفوني
روكان ساكت مهدرش معاها
دارين.... مكتسمعش
روكان..... مخدامش عند باك سكتينا
دارين... اوا نطق دوي مالك ساكت
روكان.... حتى نوصل فين غادي ندوي غادي. ندوي ودبا خلني ساكت من الاحسن حيت الى دويت اندوي بيديا وفمي ورجليا
دارين شافت جيهت الشرجم.... داير فيها راجل. زعما
روكان ساط وغوت عليها...... سدي فمك زبل تفو
دارين شافت فيه لقات كشاكشو خرجين..... باز كتتسيف بوحدك

»»»» حل عنيه كيشوف غير ضبابة قدامو سدهم وحاول احلهم تاني دور عنيه فالبيت تفكر شنو وقع تنهد. وناض كيحول اكلس وحاس بلاصة الضربة كتتقطع بلحريق
تياغو.... دي دينيز ديييينيييز
كيعيط عليها والو ناض بشوية عليه شاد فالحيط. وحاس بالدوخة شداه وكيشوف كولشي كيدور قدامو تم غادي حتى وصل حدا الباب حلها وخرج كيقلب عليها ملقة حد داز لصالون دخل وهو اشوفها ناعسة فوق الفوطوي قرب ليها كيشوف فيها كفاش ناعسة شعرها مدلي على جنب الفوطوي ورجل مقنطاها رجل تانية مسرحها قرب ليها بشوية تحنا عندها كيشوف فيها وشاد. على كرشو بتاسم وهو كيشوف ففمها وعويناتها لي مرمشين برموش طوال كتبان بريئة بزااااف وهي ناعسة قاص ليها شعرها هز شي خصلات فيدو وقربهم لنيفو شمهم وغمض عنيه شحال حتى سمع شي صوت موراه
كومار.... اش كدير نت
دار عندو كيشوف فيه وشعرها مزال بين يديه...... كومار راك هنا
كومار..... شنو كادير دخلاتك لدارها باش تتشافة ماشي باش دور بيها
تياغو..... ديها فكرك
دينيز..... اي
تياغو ضار عندها لقاها نايضة مع هو شاد ليها شعرها قصحها
دينيز شافت فشعرها لي فيدو وشافت فيه.... اش كدير نت
تنترات منو وشافت فيه...... اش كدير هنا لاش خرجتي من البيت
تياغو...... بغيت نمشي الحمام
دينيز دورات راسها فالصالون.... هدا صالون ماشي حمام ياك
تياغو..... دينيز
دينيز خارجة.... نعام
تياغو تبعها خارج. مراها..... ستناي بغيت نهدر معاك
دينيز.... سير الحمام وسير بلاصتك انا نوجد لفطور
تنهد حس بلحريق تمجهد عليه تاني وقرر انه امشي اقضي حاجتو ويرجع بلاصتو

كومار تبعها للكوزينة.... دينيز اش هادشي كديري
دينيز..... شنو درت
كومار..... واش غادي. ابقة هدا هنا معاك فالدار
دينيز..... غادي ابرة ويمشي
كومار.... ياك كاين دار صاحبو اوا يمشي عندو ويجيب لي تقابلو واش نتي خدامة عندو
دينيز..... كومار متزيدش فيه ماشي حبا فيه اناني نعونو ولكن اوووف دبا نت مالك معاه خاص اكون انا لي عندي معاه مشكيل
كومار...... وخا دبا نشوفو فين اتوصلي بهاد قصوحية الراس لي فيك
زاد خرج وهي بقات تكمل لفطور حتى سلات وبدات تنقل لصالون حطاتهم تماك وقدات ليه فطور فصينية
هزاتها ومشات عندو للبيت لقاتو متكي ومغمض عنيه
قربات ليه
دينيز..... واش ضراك الجرحة
تياغو..... شوية
دينيز.... خاصك ترجع لسبيطار اديرو ليك دوا حيت البارح تفكات لخياطة وانا لي رجعتها ليك
تياغو..... نتي لي خيطيها
دينيز..... اه انا علاش نوض نوض كول شوية بعدة
ناض باغي اقاد راسو.... شي مخدة
ناضت جابت مخدة خرا قداتها ليه مورة ضهرو وكلس شوية وبقا ينقب من ديك الماكلة
شاف فيها..... دينيز
دينيز... تياغو متبداش ميسحابلكش بالي دخلتك لداري صافي معرفت اشنو راه انفوا نشوفك بخير ومشا منك لحريق اتخرج ترجع عند صاحبك
تياغو..... دينيز شوفي علاش كديري هكا
دينيز ناضت..... فاش تسالي عيط ليا
خرجات وهو تنهد وكحز عليه ديك الصنية ورجع راسو لور

»»»» داخلين فواحد المسجد شاد ليها فيديها وغادي بيها حتى وقفو على واحد لفقيه كيقرة فالقرآن شافت فيه وهو حط يدو على فمو بمعنة سكتي وتسنطي كلس وكلسها حداه وبقاو اتسنطو ليه كيقرة حتى سالة وسد القرآن شاف فيهم
لفقيه كيشوف فيهم بحالة عرف لاش جاو
لفقيه..... السلام عليكم
بهاء..... عليكم السلام
لفقيه شاف فاريكا..... ردي السلام
بهاء شاف فيها.... ديري لي قال ليك
اريكا.... السلام عليكم
لفقيه..... مراتك
بهاء.... باقي مديرينش العقد
لفقيه..... كحز لهيه بعد. عليها
بهاء بتاسم.... وخا
بعد. عليه واريكا غير كتشوف فيه بغات تكحز عندو وقفها لفقيه.... بقاي تماك
بهاء شاف فلفقيه لي كان راجل شوية كبير... غير بقاي راه مكتفهمكش مزيان
لفقيه.... امريكية ياك
بهاء... اه
لفقيه.... وخا انا ندوي معاها بلغتها لي كتفهم
(بحكم كيعرف لونكلي )
لفقيه..... نتي امريكية ابنتي
اريكا... اه
لفقيه..... وعلاش جيتي لهنا
اريكا..... بغيت بغيت نولي بحال بهاء
لفقيه..... بغتي تولي مسلمة
اريكا.... اه بغيت نولي بحالو عاد عرفت بالي دين الاسلام هو دين الحق
لفقيه..... ونتي مقتنعة بيه معندك حتى شي شك
اريكا هزات راسها بلا.... لا
لفقيه..... وخا ستناي
ناض خرج شي 10 دقايق رجع عندهم هاز واحد الميكة فيدو ومعاه واحد البنت ورجع كلس مدها ليها
لفقيه.... سيري جيهت الحمامات ديال لعيلات لبسي هادشي واجي سيري معاها ابنتي وري ليها تتوضة
اريكا.... وخا
ناضت مشات جيهت الحمامات دخلات لداخل هي وديك البنت ورات ليها كفاش تتوضة وخرجات اما اريكا سدات الباب حلات الميكة كتشوف اش فيه لقات فيها واحد الخيمار طويل حتى لتحت فلكحل لبساتو لقات معاه شال حتى هو كحل قداتو وخا معوج كامل المهم حطاتو على راسها وخرجات عندهم
بهاء غير شافها جاية بقا غير كيشوف فيها
لفقيه شاف فيه بتاسم كانت حداه واحد لعصا رقيوقة ضربو لفخادو بيها.... هبط عنيك
بهاء حك لحيتو وبتاسم.... هاني
لفقيه.... كلسي ابنتي
كلسات وشافت فيه..... هاني هكا ياك
لفقيه..... اه. هكاك اوا دبا رفعي صبعك لمنيى
رفعاتها كيوري ليها
لفقيه..... قولي لا اله الا الله
اريكا.... لا اله الا الله
لفقيه..... وحده لا شريكة له
اريكا.... وحده لا شريكة له
لفقيه.... وأشهد انا محمد عبده ورسوله
اريكا..... واشهد انا محمد عبده ورسوله
لفقيه.... واشهد انا عيسى عبده ورسوله
اريكا..... وأشهد انا عيسى عبده. ورسوله
نهارت بدموع كتبكي وكتشهق حاسة براسها بحالة عاد. تزادت بحالة ياله حطات رجليها فهاد. الدنيا حسات بقلبها بحالة تفتحات فيه شي باب كانت مسدودة
قرب ليها بهاء عنقها وهي تخشات فيه كتبكي
بهاء حتى هو حابس دموعو كيشوف فيها تنهد وشد ليها وجها بين يديه كيمسح ليها عنيها.... ششش صافي عافك. سكتي
اريكا...... صافي صافي وليت مسلمة ابهاء ايدخلني الله لجنة
بهاء هز راسو باه... اه. اه صافي وليتي مسلمة اريكا وليتي مسلمة الحمد الله الحمد الله
لفقيه قاصو بديك لعصاية... بعد. نت
شاف فيه.... وخا ستنا
رجع كلسها بلاصتها وكلس حتى هو بلاصتو
لفقيه..... قولتي مزال متزوجتوش
بهاء.... اه ولكن. راه قربنا نديرو لكاغيط
لفقيه..... من الاحسن دير الكاغيط. بزربة باش مطيحوش فشي معصية متبقاش معاها بلا كاغيط
بهاء ناض وقف..... اه. عارف. شكرا بزاااف
سلم عليه. وزادو خرجو هي اطير من الفرحة شافت فبهاء
اريكا..... بهاء
بهاء... نعام
اريكا..... بغيت نصلي هنا
بهاء بتاسم..... اجي معايا
دور عنيه فالمسجد. لقاه. خاوي مشا لواحد القنت قاد صليات وحدة ليه وحدة ليها
بهاء.... لي درت دريها صافي
اريكا.... وخا
تقدم هو وهي موراه كيصلي بيها وهي متبعاه وكتصلي وتدعي الله انه. اغفر ليها