💉ديانيرا💉

💉106💉

💉قسوات القلوب💉
قصة... ديانيرا
بقلم... لطيفة اليوسفي
☜106

»»»»» صباح يوم جديد
حل عينيه كيتكسل تقلب على ظهره ما شافهاش حداه ناض كلس مازال شاده الدوخه ديال النعاس بقى مده جالس اوكيتفكر هضره التياغو تنهد وناض لبس  حوايجه وخرج عندهم كيقلب بعينيه عليها سمع شي صوت في الكوزينه وتم غادي جهتها ادخل القاهم كايوجدوا الفطور
روكان.... صباح الخير
دينيز ودارين.... صباح النور
شاف دارين وقال.... اجي محتاجك في شي حاجه
دارين..... خدامه ديال امك انا نجي عندك
دينيز شفت فيها وهزت براسها.... سيري عنده راجلك هذاك
دارين..... راجلي غير في الاوراق لا يسحب لك شي حاجه
روكان غمزها..... فلوراق وصافي زعما امم  شوفي وكان
دايرين.... ديري عقلك وسيري عند راجلك
هو خرج ودارين خنزرات في دينيز وقالت..... واخا عليك وعقلي على هذه الهضره اللي قلتي
دينيز.... سيري سيري شوفي حياتك ما تبقيش مقابلاني انا
خرجات دارين تبعت روكان لقاته في الصالون واقف كيستناها
وقفت عليه كي قبه الرواح..... اش باغي انت تاني
روكان شدها من كتافها وجرها عنده حصرها بينه وبين الطابله..... اش ذيك الهضره قلتي قبيله في الكوزينه قدام اختك
دارين كاتحاول تفك كتافها من بين يديه.... وشنو يسحاب لك زعما داير فيها راسك راجلي
روكان.... راجلك وبزز عليك سواء بغيتي ولا كرهتي انا راجلك تقبليها وديريها في عقلك
دارين.... راه ما بقى والو مده سته اشهر ومطلق منك
روكان..... وشكون هذا اللي عطاك هذه سته شهور وقال لك باللي غادي نطلقوا وعدتك بشي حاجه
دايرين حتطات يديها على صدره بغات تدفعوا وهو يزير على كتافها اكثر
روكان..... بغيت نهضر معك في واحد الموضوع
دارين..... اينا موضوع هضر انا كانسمعك
روكان..... غادي نفطروا وغادي تنوضي توجدي راسك ونخرجوا
دارين.... وشكون قال لك باللي انا بغيت نخرج معك روكان.... المهم انا قلتها لك
اطلق منها وهي مشات عند دينيز تهز معها الفطور يديوه للصالون
حطوا الفطور وجلسوا كايفطروا حتى ندخل عندهم كومار اللي يلاه داخل من برا
كومار جر كرسي وجلس..... صباح الخير
الكل... صباح النور
كومار شاف فدينيز..... كي صبحتي بخير مشى منك لحريق
دينيز هزات راسها  باه وحنات راسها كاتفطر
كملوا الفطور وناضل كل واحد يزيد نشغله
اما هي ناضت مشات لبيتها بدلات عليها حوايج اللي كانت لابسه لبسات عليها سروال جنس مقطع على الركبه وقميجه قصيره قشاتها تحت السروال وهزت مونتو كحل لبساته فوق منها سرحت شعرها وخلاته مطلوق على راحته لبسات سبرديله وهزات صاكها وتليفونها وخرجت
ابقات لتحت شدات تاكسي للاقرب بنك دخلات لداخل هزات شي فلوس ورجعت خرجت شدات الطاكسي لواحد الشركه كبيره ديال الطوموبيلات
وصلات قدام الشركه هبطت وتمات داخله لداخل وقفوها سيكيوريتي اللي حدا الباب من بعد ما فتتوها عاد زادت دخلات مشات جهه الاستقبال هضرت مع سيكريتيره اللي كاتكون تماك
دينيز...... السلام اختي عفاك انا بغيت نشوف المدير ديال هذه الشركه
سكرتيره..... اهلا مدام واخا سيري جلسي لهيها دقيقه راه كاين تماك معه واحد الشخص غادي يخرج وانا ندخلك عنده
هزات في راسها باه ومشات جلسات فوق واحد الكرسي كاتستناها تدخلها
بعد مده ديال الوقت جات عندها سيكريتيره.... وقالت مدام اجي دخلي راه المدير كايستناك
هزات راسها باه ومشات معها دخلت عنده من بعد ما استاذنوا
دخلات لداخل كان راجل كبير في العمر تكون عنده ذيك 45 سنه والشيء تغلغل فشعرو
ابتسمت له وجلسات
الرجل اهلا مدام شنو حب الخاطر
دينيز..... السلام ميسيو جعفر انا جيت بغيت نشري من عندك شي طوموبيل وانا كانثيق في الشركه ديالك
جعفر..... شكرا بزاف على حسن معامله ديالكم مع الشركه ديالنا واحنا من ديما كانحاولوا نعطيو لكم شي حاجه زوينه و يتيقوا فينا الزبناء ديالنا
دينيز.... واخا ممكن تعطيني الكتاب بغيت نختار شي طوموبيل
ابتسم لها ومد ليها واحد المجله فيها جميع انواع الطوموبيلات
كاتشوف ذاك الشيء اللي غايعجبها تاخذه مده وهي كاتشوف وكل مره كاتطرح عليه سؤال وهو كايجاوبها بكل ارتياحيه وواثق من صنع ديال شريكته عدلات واحد الطوموبيله وراتها له..... انا بغيت بحال هذه
جعفر..... واخا مرحبا بك انا غادي نصيفط معك واحد من الرجال ديالي يديوك فين كاينين الطوموبيلات وتختاري اللون اللي بغيتي من هذا النوع وانت ما عليك غير تحطي فلوسك وتمشي معاه
دينيز.... شحال الثمن ديال هذا الطوموبيل
مد لها شي ورق حطهم حداها..... وقعي امدان على هذه الاوراق باللي غادي تعطيني فلوسي وانا غانسلم لك الطوموبيلتك
دينيز هزات دوك الاوراق وبقت تقراهم حتى سالات هزات ستيلو وقعت عليهم ومداتهم له
حتى هو دار نفس الشيء وقع وقف ومد لها يده.... بالصحه والراحه مدام دينيز
دينيز سلمات عليه وقلت.... فلوسك غادي تلقاهم في الكونت ديالك
قاتل لها وزادت خرجت لقيت واحد الرجل كايستناها مشات معه حتى وصلوا لواحد البلاصه كبيره بزاف وفيها بزاف ديال الكراجات دخلت معه في واحد الكراج كبير اللي كان في الباب دياله مرسومه عليها واحد الطوموبيله كبيره من ذاك النوع لي ختارت هي دخلوا لداخل كاتدور في عينيها كانوا بزاف ديال الطوموبيلات من ذاك النوع اللي عجبها بقات كادور بيناتهم وجميع الالوان كاينين ما وقفات حتى وصلت حدا وحده في اللون الزيتي
دينيز.... انا بغيت هذه
الرجل هز لها فاسو باه ومشى لواحد الخزانه كبيره تماك بحال واحد القنيط صغير هز منه السوارد وجاء عندها مدهم لها
الرجل.... هاكي ها السوارت ديال الطوموبيلتك وبصحه وراحه
هزاتهم ومشات حلات الطوموبيلتها ركبت فيها الكسيرات خارجه من تماك