💉ديانيرا💉

💉88💉

💉تعذيب الجسد💉
قصة..... ديانيرا
بقلم..... لطيفة اليوسفي

☜88

»»» دارت عندها  كتمسح فعنيها
دينيز..... بسمة مالكي
بسمة.... ها لا والو
دينيز كلسات قدامها.... بسمة مالكي شنو واقع علاش كونتي كتبكي
بسمة حنات راسها وبدات كتبكي.... بنتي مريضة بزاف راها فسبيطار معرفتش كفاش غادي تكون حالتها انا مشوشة عليها بزاف
دينيز.... وسيري عندها
بسمة..... مغاديش اخلني مسيو باريش باش نمشي
دينيز..... كفاش ميخليكش مالها سيبة
بسمة..... مقديتش نقولها ليها
دينيز وقفات... انا نهدر معاه
تمات خارجة تبعاتها بسمة..... دينيز ستناي عافك
دينيز وصلات حدا باب بيرو ديال بريش شافت فيها.... ستناي متخافيش معندو ميدير نتي خاصك تمشي تشوفي بنتك
دخلات عندو بلا دقان بلا والو
كان حاني راسو على بيسي ديالو حتى سمع الباب تحلات ودخلات منها كي لعجاجة
ناض وقف
باريش..... دينيز اش هاد قلت لحية
دينيز شافت فيه..... مسيو بريش بغيت نهدر معاك
باريش....وعلاش داخلة مدرمة سيبة هنا 
دينيز..... المهم سمعني نهدر معاك بعدة
باريش رجع كلس كيشوف فيها وكيشوف فبسمة غير كتشوف فيها
باريش.... هدري كنسمع
دينيز.... بسمة خاصها تمشي تشوف بنتها راها مريضة وهي كا ام خاصها تكون حدا بنتها في هاد الحالة
باريش ناض وقف كيشوف من الشرجم وعاطيهم بضهر.... معندها فين تمشي محتاجينها هنا هاد ليمات وخصوصا فاش غادي تتحل شاريكة جديدة ضروري تكون حضورها مهم بيناتنا
دينيز خرجات عنيها.... وبنتها لي مريضة
باريش..... قولت لا معندها فين تمشي الى الى ضبرات على شي سكريتيرة تنوب بلاصتها
بسمة..... صافي ختي دينيز انا نبقة
دينيز... واش نتي مريضة خاصك تشوفي بنتك
باريش.... ياله دبا خرجو عندي ميدار
دينيز شافت فبسمة عاطياها بضهر وعنيها مدمعين دارت عند باريش وشافت فيه... انا نوب عليها ونشد ليها بلاصتها حتى تبرة بنتها وترجع
بسمة دارت عندها مبتاسما.... بصح
باريش شاف فيها.... واش تقدي على جوج خدامي
دينيز.... اه قادة عليهم
باريش... اوك صافي سيري ابسمة محدها. راها هنا وشادة بلاصتك سيري شوفي بنتك
بسمة رجعات  عنقات دينيز.... شكرا شكرا بزاف اختي دينيز الله احفظك ما عزيز عليك
دينيز عنقاتها حتى هي.... هانيا ياله سيري شوفي بنتك دبا حتى تبرة ورجعي لخدمتك 
بسمة خرجات فرحانة ودينيز تمات خارجة حتى وقفها بهدرتو
باريش.... ستناي
دينيز داتر عندو... نعام
باريش هز واحد الملف ومدو ليها..... هاد الملف وجديه واليم مع 22:30 ديال ليل تكوني فبلاصة لي غادي تلقايها تماك بالملف خاصني نلقاك فالشريكة جديدة قبل ميحضرو الناس خاص كولشي تقاديه
دينيز هزات الملف... اوك وخا
هزاتو وخرجات مشات تكمل شغالها
اما هو رجع تكا على الكورسي ونطق...... غادي دفعي ثمن غادي الالهم دينيز كيلتون....

»»» حلات عنيها كتتكسل شافت حداها ملقاتوش ناضت كلسات كتدوز يديها على وجها هزات تليفونها شاف فالساعة لقاتها 10 ديال صباح تنهادت
اريكا..... بهاء
سمعات صوت الساروت فالباب عرفات هو طلات عليها لقاتو اخل وهاز شي ميكات فيديه
اريكا..... صباح الخير
بهاء.... صباح النور فقتي كي صبحتي مزيانة
اريكا..... مزيانة بخير ونت فين كونتي
بهاء.... غير مشيت جبت لفطور باش نفطرو
هز واحد الفوطة مسح الطابلة وحط عليها لفطور لي كان مغربي 100٪
بيض مقلي مع زيتون وزيت البلدية وكشير واتاي بالنعناع
اريكا كلسات فوق الكورسي كتشوف فديك الماكلة جاتها غريبة ولكن كتشهي
اريكا..... فطور مغربي ياك
بهاء.... اه

اريكا بدات كتاكل سبقاتو وكتتبنن.... زوين بزاف
بهاء.... عرفت ايعجبك كولي دبا باش نوضو نقادو الدار شوية ولا نجيب لي اجمعها شي حد
اريكا.... لا لا بلاش نتعونو عليها انا وياك ونقادوها ياك هادي دبا انبقاو فيها انا وياك دوك لفلوس لي اتعطي لخدامة لي تجي تجمعها نشريو بيها شي حاجة لدار نقادوها بيها
بهاء.... اوا صافي نتعونو انا وياك 

فطرو وناض هو خرج جاب داكشي لي غادي احتاجو لتسياق ورجع عندها بداو فتسياق الدار

♥♥♥♥ أرائكم في تعليقات حبيباتي واش نكمل ولا نحبس القصة كل وحدة تعطيني رأيها فتعليقات