💉ديانيرا💉

💉107💉

💉قسوات القلوب💉
قصة... ديانيرا
بقلم... لطيفة اليوسفي
☜107

.»»» كيشوف فيها وكايهز راسو بلا وعينيه مالين من خايبات الامل من جهتها كتشوف فيه اريكا وهي تنوض وقفات كتشوف في عينيه اللي فيهم ذيك الخايبه بحال كتشوف خوها اللي من هي صغيره وهو مربيها على يده كاتشوف فيه باللي خانت ثقت وكسرت كلامه مدات يديها له بغات تشد فيه وهو يبعد يده شاف فيها ونطق.... خرجي
اريكا.... عفاك اخويا شوف سمحلي عفاك راه كانبغيه
غمض عينيه وقال.... خرجي اريكا ما بغيتش نشوفك قدامي كيما كسرتي كلامي ما بغيتش نشوفك قدامي سيري عنده ياك اختاريتي هو سيري عنده
اريكا كتشوف فخوها مدمره قدامه قربت له وقالت..... عفاك اخويا عافاك غير اسمعني
تياغو..... قلت لك اخرجي من هنا
خرجات من تماك خلات موراها شاعل وهي هبطها في الدروج كاتبكي
كتمسح فدموعها لي هابطين من عنيها كتشوف الرأية قدامها مضببة من كترت دموع
خرجات على برا وقف عليها واحد لكارد

لكارد..... زيدي امدام
اريكا..... فين هو بهاااء فين دارو نت عارف ياك ديني عندو عافك اخوية ديني عندو
لكارد حل ليها باب لوطو..... زيدي مدام انا نديك عندو
ركبات حداه وكسيرة

»»» اما الفوق
غير خرجات غوت بجهد وضرب يدو مع لمراية لي كانت قدامو حتى تشتتات شاف فواحد الطرفة مزال معلق كيبانو فيه غير عنيه ونطق
تياغو مغزز على سنانو...... سيري عندو مدام ختارتيه سيري
خرج من البيت هبط لتحت ركب اللوطو ديالو وكسيرة

ياله وصلات لدار هبطات من طموبيلتها من بعد ما ستاصيوناتها طلعات الفوق حلات الباب مبانش ليها كومار عرفاتو مزال برا ومداخلش دخلات نيشان لبيتها بدلات عليها بجامة فلكحل بسروال وشوميز خفيف الفوق طلقات شعرها وخرجات جارة بنطوفتها دخلات الكوزينة كتسمع شي صوت تماك دخلات لقاتو واقف كيصاوب قهوة مع الدخلة ضرباتها ديك الريحة شدات على نيفها وقلبات الدورة كتجري للحمام
اما كومار مفهم والو بقا غير كيشوف خرج تبعها سمعها فلحمام قرب الباب كيدق
كومار..... دينيز صافا
دينيز تقيات وشعلات الماء غسلات فمها ووجها شافت فلمراية كتشوف فراسها ولات صفرة وداتها كتترعد شدات فالحيط وخرجات عندو والفوطة فيديها
كومار تخلع فاش شافها فديك الحالة شد فيها
كومار..... دينيز صافا مالكي واش نديك لطبيب
دينيز..... لا انا بخير
بعدات عليه وزادت لبيتها تكات فوق النامسية حاسة بالدنيا كدور بيها تنهدات حسات بيه واقف فالباب نطقات وهي مغمضة عنيها..... بغيت نهدر معاك
كومار..... رتاحي دبا حتى تولي بخير ونهدرو
دينيز...... انلقاك فصالون عندي شي هدرة نقولها ليك
خرج هو مشا اكمل اش كان كيدير اما هي بقات متكية شوية حتى حسات براسها ولات شوية مزيانة وناضت خرجات عندو لقاتو فصالون مشات كلسات فالفوطوي لي انفاص معاه وشافت فيه
دينيز..... بغيت دغيا ندير العقد
كومار بتاسم حتى بانت ليه الضرصة دلعقل.... اه صافي نديروه من غدا
دينيز..... اوك غدا فاش نخرج من الخدمة فليل نضربو العقد
كومار..... وخا
دينيز..... بشرط
كومار.... امري ماشي شرطي شنو
دينيز..... توعدني تكون اب مثالي لولدي
كومار.... كنواعدك ادينيز اناني ندير ما فجهدي
دينيز..... اوك وخا
ناضت وقفات..... انا انمشي نرتاح
كومار.... كاع متعشتي نطلب ليك شي حاجة
دينيز.... مفياش
ناضت رجعات لبيتها خلاتو غيطير بالفرحة