💉ديانيرا💉

💉108💉

💉قسوات القلوب💉
قصة... ديانيرا
بقلم... لطيفة اليوسفي
☜108

»»» كان غادي رجع للدار حتى اسمع تليفونه كايصوني هزو كان واحد من لكارد دياله جاوب... الو
لكارد.... ميسيو راه لقينا الطبيبه فين هي المصحه ديالها ولقينا حتى عنوان دارها
تياغو.... صيفط لي دابا نيت عنوان دارها وعنوان المصحه
لكارد.... واخا ميسيو
قطع عليه وقف اللوتو في الجنب كايستنى يوصلوا الميساج حتى دخليه في التليفون العنوان فين جاء ورجع قلب الطوموبيل وكسيره بعد مده ماشي بزاف اللي دازت منها 10 دقائق كان واقف قدام واحد الاباغطومو كيشوف فيها كيطلع ويهبط ودارها اللي جات في طبق الرابع تنهد وزاد الباب العماره ادخل داخل كان العساس واقف حداه نطق قال.... فين غادي
تياغو... انا من عائله دكتوره ماريا كالوس
العساس..... شنو كاتجيها
تياغو..... خوها
العساس.... اه واخا مرحبا ادخل اسمح لنا سيدي
دخل تياغو فوق كايقلب على دارها حتى وصل للطبق الرابع شاف رقم في باب دارها وتم غادي جهتها
تقدم له ودق جوج دقات بقى واقف شحال ما سمعت حتى شي صوت لداخل عاود دق وهو يسمع شي خطاوي جايين جهت الباب ابتسموا قال في خاطره..... ها احنا غانشوفو الالة دينيز  اش درتي
تحلت الباب مع الحله وهو يجرها ودخلها لداخل وسد الباب شد لها على فمها وشعل الضوء
نطق وقال.... ما نسمعش حسك
طبيبه ولات كلها كاتفيبري من كثره الخلعه هزت راسها بلا يعني ما نهضرش وحيد يدو   عليها وبعد طبيبه.... شكون انت
تياغو.... ماشي ضروري تعرفيني شكون انا بغيتك بغيت نعطيك جوج اسئله وتجاوبيني عليهم
طبيبه.... اينا اسئله
تياغو..... كنظن باللي راكي عارفه دينيز كيلتون
طبيبه.... اه مالها
تياغو.... في هذه الاواخر جات عندك دوزت عندك وكانت حامله
مد يده سورت الباب وهز معاه الساروت وتم داخل لداخل كايدور في الدار
اما هي تبعث وقالت.... فين غادي اجي وقف هنا فين غادي راه نصوني للبوليس راك انت فتي حدودك
تياغو دخل لواحد البيت كان فيه واحد البيبي صغير تكون عنده ديك ست شهور شفيه وابتسم ورجع شف فيها
تياغو.... عندك حتى الدراري
طبيبه... هيه نت بعد على ولدي
تياغو شاف فيها... جلسي
كلسات على واحد الكرسي وكاتشوف فيه وتبرقق بعينيها وكاتشوف ولدها وخايفه انه يدير له شي حاجه
تياغو..... بغيتك في واحد الموضوع
طبيبه.... اينا موضوع
تياغو... غادي تصوني لدينيز وتقولي لها راه ضروري خاصك ديري تحاليل
طبيبه شفت فيه..... راه اصلا هي خاصها ضروري تدير التحاليل ومن هنا لشهر غادي يجي عندي ندير لها شي تحاليل
صغر عينيه وشفيها.... وعلاش
طبيبه.. شوف  اول حاجه قول لي شكون انت وشنو كاتجي هذ دينيز كيلتون ملي انت جاي كاتسول عليها هذه الاسئله كاملين
تياغو.... بغيت نعرف ذاك الولد واش ولدي وانت اللي غادي تعرفي لي ما كاين من غيرك اللي غيعرف
طبيبه.... ولكن راه ما نقدرش راه هذا الشيء خارج القانون
تياغو شاف ولدها.... ولكن انا ما كيحكمش عليا القانون
شفت فيه فين كايشوف ولات خايفه بزاف وعرفت هذه الهضره كاتهديد جاي لها هزات راسها ونطقت.... عفاك عفاك ما تادينيش في ولدي راه هو اللي عندي في هذه الدنيا
تياغو.... الا عاونتيني ما غاديش ناديه وغادي نمشي من هنا بحال مواقع والو
طبيبه.... اه ولكن شنو بغيتيني ندير انا
تياغو جلس قدامها حيت عارف صافي شدها من يدها اللي كاتضرها.... قولي لي بعدا علاش ضروري خاصها دير تحاليل
طبيبة... حيث صحت لبيبي مريضة
تياغو.... وباش مريض
طبيب.... الاحد الان ما عرفتش ولكن ضروري خاصها دير دوك التحاليل باش نتاكد
تياغو..... المهم غدا الصباح غاتصوني لها وغادي تقولي لها خاص ضروري ديري تحاليل وغدا مع النبوري غادي نجي عندك المصحه ونلقاك حاله وندير تحاليل الحمض النواوي
طبيبه..... ولكن توعدني انك ما تاديش ولدي
تياغو... كنواعدك الا سمعتي  لهضرتي انانساك لا انت لا ولدك
طبيبه.... صافي واخا
ناض وقف وشاف فيها..... مزيان بعدا كاتسمعي الهضره
خرج من عندها خلاها موراه كترعد هبط لتحت ركب اللوطو دياله وكسيرة