ضعف يغطي جسدي
وجمود يرهقني
اشبه بقلب قد مات
من شدت احتراق جسدي
تعصف بي الذكريات
التي كل مره احاول التخلص منها
اجدها امامي
......
كانت امنيه كبيرة لدي ان اتعايش من الواقع
اتقبل ذهاب فقديتي
كل يوم وكل ساعه تخطر في ذاكرتي
كل لحظه اقول سياتي اليوم الذي اتعايش فيه مع ماحصل لي
انتظر كل يوم ينتهي لياتي بعده يوم اخر
الى ان تمضي ايامي
لعل يمضي معها حريقي
لعل يمحو من ذاكرتي تلك الفتاه المحطمه
اخطو خطوات برفق امامه
ارتعش جسدي من شدة تخيل الموقف
قاتل امي امامي
شدني ذلك الحديث
حجيه خديجه_شلون صارت ايدج بنيتي
لا ازال عالقه بين عيونه
انظر الى اليدين الملطختان ب الدماء
مابها هذا القلب لايشعر بما فعل
بشائر_سديم امشي ارتاحي
وخرت ايدي منها بقوة
عيون ابوي تباوعلي بتركيز
للحظه تخيلت قتل امي
كلشي تبخر من عندي
جنت اكول من اشوفه اطلع كل الضيم العشناه بي
جنت اكول من اشوفه
راح اضوكه مثل المر العيشناه
بس تلاشت كل افكاري من شفته
حسيت شيطان واكف كدامي
حسيت بهاي اللحظه راح انقتل مثل امي
ركضت للغرفه وقفلت الباب حيل ايدي ترجف وعيوني مامصدكه الشفته ابوي ب السجن شلون صار هنا معقولة اجه يقتلنه كل هاي الافكار بهاي الكم ثانيه ابجي بصوت مسموع ومن صدمتي ماحسيت بوجع ايدي
حسيت بوجع يحفر بكلبي الوجع العيشناه ابوي
دكات الباب وصوت بشائر صوت بيبي الخايفه صوت جدو المليان حنيه
بشائر_فتحي الباب سديم الله يخليج والله مايذينه ابوي
اهز راسي بلا
صرخت بوجع كلب وحطيت ايدي على وجهي ابجي
بلحظه هاي اجت امي كدام عيني
اجت اللحظه الشلت امي ميته
اللحظه الي نايمه بحظني وكلي امل عايشه
اصرخ بصوت موجوع بكلمه يمة
للاسف جانت اخر مره اكول بيها يمه
بشائر كسرت الباب وهيه تدك بي
اريد اكوم وافتح الباب ماكدر رجليه تخدرن
زحفت على رجليه ودموعي تجري
سندت نفسي ع الباب وفتحت القفل دخلت والخوف ماليها
اخذتني بحضنها ونبجي سوا تسمح على راسي وهيه تردد
_ولج سديم جاي تكطعين بكلبي والقران ولج رحمي حالي جاي اموت من اشوفجن هيج وين سديم القوية وين لسانج باعيلي لاتسوين هيج
همست بصوت خافت باذنها
_راح يقتلنه بشائر
هزت راسها بلا وبيبي وجدو يباعولنه بقلق
شفته واكف ب الباب لو تخبلت لبدت ورا بشائر واصرخ
_راااااحح يقتللنننه بشااااائرررر طللللعييي هسسسه يموووتنه
حضنتني حيل وهوا طلع حسيت مثل الجني او الشيطان الي يطلع بكل مكان ويختفي اخذتني للسرير نومتني
جابتلي علاجي وانطتني كلاص ماي
هزيت راسي بلا
_بشائر تعبانه
عافتهن ولزمت ايدي
_باعي سديم ادري تعبانه شربي بس اليوم علمود تنامين مرتاحه بس هلمره بعد مانطيج منه
_اتاذه من اخذ هذا المهدء بشائر شوفي رجفتي اذا اخذت بعد ماتركه
_بس هلمره علمودج والله وبعد مانطيجياه
اخذت العلاج ونمت غطتني وهيه تمسح على راسي دموعي تنزل على المخده وشهكاتي متواصله نمت بين هل دموع والشهكات
بشائر ...
كانت اللحظات الاولى التي طغى الخوف بين اضلعي
بين الخوف والحيقية والكذب والخذلان والظلم
اتمشى بين اشخاص اكاد التعرف عليهم
يقال عليها الجده والخ يقال عنه الجد والعم والعمه والاب
غريبه وسط هذه العائلة احاول ايجاد مهرب من المجامله والتعرف عليهم
احاول اخذ سياط الحزن مهرب لي
اجلد نفسي به كل يوم وكل ساعه
كل ذلك لاني لا اريد النسيان
اريد مواجهت واقعي المفترض
بين شرود ياخذني بعيدا
فززني صوت التلفون
رفعته
غيث
اخذت نفس طويل وزفرته التفت على سديم نايمه
اضعف اذا اسمع صوته ابجي
ترددت افتح اتصال
رجع رن مره الخ
فتحت وايدي ترجف حطيت التلفون على اذني وبس صوت انفاسي مسموعه
_بشائر
_بشورة ردي الله يخليج
_بشائر والله متندم
دمعت عيوني جنت هيج اتوسل بي
غيث لاتعوفني اني مالي دخل بواقع اهلي
مو اني الكلت الهم يصيرون بهذا الحال
قويت نفسي وجاوبه بصوت جامد
_اهلا غيث شخبارك
_اااخ ياربي هسه صرت زين وداعتج
غمضت عيوني بتعت شي يشدني اله
ومن ارجع افكر اريد انهي هل مهزلة
ماريد اعيش الخيبه العشتها قبل
_رايد شي ليش متصل؟
_مشتاقلج وعلي شلونج
_بخير
_انتي وين سئلت عليج الطلاب مايعرفون شي عنج ورحت لمنطقتج كالو امها متوفيه البقية بحياتج
_حياتك الباقيه غيث اريد اروح يصيحولي
سديت الاتصال والغصه بلعومي
من راحت امي لليوم حسيتني بلا سند رغم ولا مره حسيت عندي سند ب الحياة بس هلمره احساسي يختلف حستني مثل الضايعه واريد شي يدليني طريقي
صعبه ارجع لشخص فضل نفسه علي
شخص ماسمع مني شخص تهمه المظاهر
كلبي يوجعني مجرد التكفير انفصل عن غيث نهائيا
نفضت كل الافكار من راسي
اذا ابقى بهل حالة ادمر لازم اكمل دوامي وسديم ترجع تدرس
سديم..
بين النايمة والكاعده
ايدين ناعمه تلامس وجهي
فتحت عيوني اشوفه طفل صغير
ابتسمتله وكعدت تربعت رفعت شعري من وجهي
اخذت الطفل من ايده وهوا يضحك
كعدته بحضني وابوس بخدوده
حيل احب الاطفال واحب العابهم احس برائتهم مثلي داخلهم نظيف ومايذون احد
انفتح الباب ودخلت نرجس مخطوف لونها
باوعت للطفل واخذته مني وطردته بطريقه مو حلوة كمت متفاجاه من تصرفها
سدت الباب وهيه تباعولي بقلق
_شبيج نرجس تخبلتي طردين الطفل
_خيولي هذا مثل امه الحيه وابو
_شبيج هو منو امه وتحجين عليها
قوست حلكها متحضره للبجيه
دمعت عيونها وهيه تكول
_اكلج شي بس ماتضوجين
_شنو يضوجني اكثر من الصار نرجس قبل لا تكولين اريد براسيتول راسي راح ينفجر والدوخه موتتني
_هاي لان نمتي هواي
_ليش هسه بيش الساعه
_ب ٨ الصبح
جريت حسره وباوعتلها بشك
_مامرتاحتلج وراج سالفه
_اجيبلج براسيتول واكلج
راحت جابتلي واجت وبشائر ماشفتها ولا اسمع صوت احد البيت هدوء لان صبح وكلها نايمة
_ماكلتيلي شبيج ويه الطفل خطيه صغير
_سديم انتي تعرفين ابوي هنا
_تعالي سولفيلي كلشي عفيه راح اطك شلون اجه هنا مجرد رحت للمستشفى اجه
نرجس_شوفي من اخذج عمو للمستشفى بيبي تعاركت ويه هاي الضلت تحجي عليج سليمه تطمها وجها ب الطول ورادت تطردها بيبي هيه هاي مرت عمو رافد اولادها تميم وشمس وبعد بنيه ريم المهم مدري شبيها من رحتي بس تخوزر بينه
بهاي الرطينه كلها دخل سيد الوالد يهز بطوله الهيبه دخل وهو رافع راسه للسمه ولج كلنه نصدمنه ابد ابد ماتوقعنه بحيث جدو طرده كله ماتشرف بواحد مثلك
صلاح_يابه شمسوي حتى هيج تكول معقولة صدكت انا تاجر مخدرات لو صدك مثل مامفكر جا خست ب السجن بس هذا السربوت الي مشتكي علي سحب الشكوى وسين وجيم يلا طلعت هيج ترحبون بيه
رافد_صلاح كلنه نعرف سوالفك
صلاح_انت ضل الحقد تارسك ترس
حجي سلطان_اطللللع براااا صلاااح لاتشووفني وجهككك الييي يووووم منجلط وميتت من وراااك اطلللع
صلاح_ماطلع اذا مو بناتي وياي
حجي سلطان_هسه عرفت بناتك ولك هسه من قتلت امهن ماكلت بناتي
لو شايفه ابوي شلون رتبك وماعرف يرتب جمله كله
صلاح_شهل حجي يابه الله يرحمها اسراء مالي ايد بموتتها
حجي سلطان_ولك صويلح تعلمني بيك خلينه ضامين ومتسترين عليك وروح اطلع لا انا اروح برجليه واشتكي عليك
بيبي ام دميعه ضلت تبجي وهيه تتوسل يضل يمنه علمود لاياخذنه وعمو رافد ضل يقنع بجدو انو يضل ابوي هنا علمود يضل كدام عينهم ومايكدر يلعب بذيله وخلصت الحتوته
سديم_هذا ابوي داهيه كلش مامرتاحه للوضع هنا
ابوي ناوي على نيه كشره وكولي سديم ماكالت
_اي طبعا جا جاي يراوينه طوله اوكفي نسيت اكلج ماخلصت الحتوته ازيدج من الشعر بيت لو لا
_زيدي عاد هو شلون شعر معفن راح تصخمينه ب البيت
_باعي سديم والله حيل مقهورة اني كل هاي السنين احنه وياه والبارحه من انتي نايمه يلا عرفنه ابوي متزوج على امي صار سبع سنوات وعنده اطفال وهذا الطردته طفل ابوج يعني اخونه
أنت تقرأ
قلوب بليده
Romanceانا عينيك الثالثه انا نفسك الثاني انا قلبك الذي لا يتوقف فكرك الذي لا يهدأ انا حرب لاتنتهي انا عصف حياتك انا كل عثراتك
