اتخبط غارقه بين وحوش
اكاد انجو بنفسي
لكنني نسيت الحظ العاثر
الذي طالما ورثته من امي
علي تذكر هذا جيدا
......
قلوب بليده
بقلمي
تصويت+تعليق بين الفقرات
♡♡♡♡♡♡♡♡♡♡♡
سديم...
طول ما اني احجي هو مركز وياي عيني بعينه انتظر تعابير وجهه الجامده تعبر عن دهشته
_تميم انت مو كتلي عينج على شيماء واني من قبل كتلك تصرفاتها مدري شلونها يعني من السمعته من مرتضى ومن الاشوفه ف اليوم انتظرتها تطلع علمود ادخل بغرفتها
دورت بيها لكيت صندوك صغير مليان ذهب ولكيت جكاير من غير النوع الي يستخدمه ابوي شكيت بي الها بس هيه حامل شلون تدخن يعني مايصير حسب الاعرفه
ماردت اضيع فرصه علمود اوكعها بمشكله فاخذت تلفون
بشائر وفتحت تسجيل الصوت وضميته بغرفتها اريد اعرف صدك تدخن وهذا الذهب المن
_لحظه لحظه استوعب سديم انتي ليش ماتكعدين هذا كله مسويته بلا لازمتج تزوعج العافيه
باوعتله بطرف عيني وجريت نفس
_على اساس هسه مامزوعتني العافيه المهم تعال قبل لا يجي ابوي علمود اطلع التفلون من الغرفه
_ماكدر تردين طلعي هسه من الغرفه كتلج عندي شغل
_ماشي اني مو طفله اكدر ادير بالي على نفسي راح اروح يم بيبي وماعوفها علمود لايسوي شي ابوي
ابتسم بطرف شفته وهو يكول
_ليش صعبه عليه ياخذج منها
_تميم لا تحيرني
_بس خل الزم عليه شي باقرب فرصه احطه ب السجن
_هسه شلون اروح اجيب التلفون لازم بليل اخذه قبل لا يطفه شحن ويروح التسجيل
_انتي مسويته صامت
حاولت اتذكر اذا هو صامت او لا بس ماسويته
هزيت راسي بلا وضرب على كصته بخطوتين صار مقابليل
_كليلي وين ضامته ي الثوله راح تفضحينه بغبائج
_اني مو ثوله ترا مادري اذا هو صامت او لا يعني ماتذكر
_امشي امشي طلعي لا ننفضح تصير كتلتلج حلال
فتح الباب يشوف منو برا الغرفه
جرني من ايدي ركض لغرفه شيماء حاولت اسحب ايدي منه وهو مجلب بيها
_ايدي اريدها
عفس وجهه وهوا يباوع الايدي
حزت بخاطري حيل
سحبتها منه قوي
هو اني تكش روحي من شكل الحرك مو انوب هو
من لاحظ تصرفي ولاحظ نفسه بلع ريكه وهو يكول بصوت هادئ
_اسف مو قصدي
هزيت راسي باي وكف ب الباب وهوا يسوي بيده حركه بمعنى دوري
نمت يم السرير ومديت ايدي جوا اطلع التلفون بس مالكيته
روحي راحت واني ادور طفرت من مكاني اصيح على تميم
بصوت مرعوب
_تميم عفيه تعال شوف اني هنا ضميته وين وين اختفه والله هنا ضميته
_اهدي لاتخافين هسه الكاه
شغل ضوا تلفونه ويدور جوا السرير مالكه شي
نهبطت ورجلي ضلت ماتحملني وين راح
_تميم عفيه خاف ابوي يعرف والله يذبحني اذا صدك
طلع من الغرفه وطلعت ورا لغرفته
_باعي انا ضروري اطلع ماكدر اضل اكثر و التلفون لاتخافين الكاه وين يروح مثلا باع وجهج شلون نكلب لونه شكد جبانه المن تسوينها اذا مو كدها
_هسه عوفك من هاي السوالف خايفه يكون عند شيماء لان ابوي ماجه هنا
_لاتخافين الكاه شيماء عوفيها عليه شوفي هذا التلفون خلي يمج لا تفتحينه ابد لو اي واحد يتصل بس من اتصل اني جاوبي لا تخلين بالي ماشي واي احد يدك الباب لاتطليعن صوت بس خل اشوفلي حل ويه مصيبه ابوج
اخذت منه التلفون وهوا طلع وقفل الباب ورا
التفكير اخذني اخذ
دمعت عيوني وبداخلي اكول خلاص ضيعت نفسي وضيعت اختي
اذا اتصل غيث على بشائر راح تتورط واذا التلفون عند شيماء مراح تعوفني ابد شيماء
نمت على سرير بين افكاري وبين حيلي المهدود بين صدمتي بين ضياعي وسطهم
رغم برودة الغرفه بس احسني محتركه حرارة تلسع بيه
وين وصلت نفسي اذا عرفت بيبي شتسوي
غمضت عيوني عسى انام واشرد من التفكير الحطمني
حسيت بنعاس وطاقتي الخلصت
فزيت على صوت التلفون يمي
مافتحت خط وصلت رسالة
_جاوبي انا تميم
رجع اتصل وفتحت خط
حجيت بصوت مبحوح
_الو تميم
_ها سديم جوعانه مو نسيت ماجبت الج اكل شبي صوتج باجيه
_لا ماباجيه ماريد اكل يمته تجي
_هسه انا طالع للنجف ماتوقع اكدر اجي هسه لنص الليل يلا
_ليش هسه بيش الساعه
_انتي وينج ماغير المغرب
_ها مادري نمت تميم مالكيت شي وين ابوي
_ابوج ب البيت بيبي خابرتني تكول خبص البيت وهوا يدور عليج اخر شي كايلتله يطلع برا لان البيت كله نسوان
جريت نفسي احسني مختنكه
_خليني اطلع شيريد يسوي مثلا مختنكه حيل بس ب الغرفه
_هذا رايج يعني انا ابو ابوي مسموط بس اريد الزم شي على ابوج وحابسج بس علمود احميج منه انتي وخواتج تالي بكل دم بارد هيج تكولين
يحجي بحركت كلب
لحظات صفنت بيني وبين نفسي
ليش الشخص الي ماعرفته غير من شهر هيج يسوي ليش مو عمامي عينهم علينه مثله
معقولة تميم هيج انسانيته لو عنده دافع انو يتخلص من ابوي او اكو شي بينه وبين ابوي غل او حقد قديم
الغصه وكفت بلعومي مثل الموس نطقت بكلمات متردده
_محتاره بكلشي تميم
_هسه انا شكتلج وراح تبجين
_اشكرك هواي على كلشي
_ديري بالج على نفسج اتمنى قبل لاتسوين شي تحطين هذا تعبي بين عيونج علمود لاتضيعينه بحركه غبيه منج
_اني مو غبيه فاهم
ضحك وهوا يكول
_يلا خوش روحي ي الذكيه
سد التلفون واني صافنه على الشاشه
صورته هو واخو حسين شايفه صور حسين عند البنات
ضاحكين ثنيهم وكاعدين ع الشط
ابتسمت بحزن على صورتهم
معقولة هسه رايح يشوف اخو جوا تراب النجف
شكد تاذي الفكره
بين ابتسامتي
كلت بيني وبين نفسي
_يجي يوم واصير مثل امي وحسين جوا التراب
منو حيضوج يجوز بس بشائر ونرجس
يضوجون فتره وبعدين يرجع كلشي طبيعي
ليش عايشه اني ليش ماموت اليوم قبل باجر
اي مكان ادخل بي لازم مشكله يصير
أنت تقرأ
قلوب بليده
Romanceانا عينيك الثالثه انا نفسك الثاني انا قلبك الذي لا يتوقف فكرك الذي لا يهدأ انا حرب لاتنتهي انا عصف حياتك انا كل عثراتك
