اني اريدك كيفما كنت معي
حربا وسلما جنتي نيراني
فاريد ان انسى زماني كله
لتكون لي يافرحتي ازماني
وتكون لي دنيا وعمرا دائما
فاليوم فيك توردت اغصاني
سافرت في اعينك يوما واحدا
فوددت لو ابقى لدهرا ثاني
.....
بقلمي
زينب
تصويت+تعليق بين الفقرات
.....
غسق..
الخوف دائما محاوطني من كل الاتجاهات
خوفي الوحيد اخسر ابوي
عشت هاي الايام برعب عجيب من بعد كلام عزيز زاد خوفي على ابوي
رغم هوسه الخطوبه ولمت الناس كلها بس بالي مو وياي
نجنيت واني اخابر ابوي ومايجاوب
كعدت وتجمعت كل الافكار براسي اصرار امي على زواجي بعزيز وطلبها منه عزيز وهو يحذرني من صفاء
خابرت العزيز مره ثانيه واني مستحيه من نفسي بس بهيج مواقف التجا اله واني حتى ما سألته شلونك
_الوو عزيز خابر الابوي بلكي يجاوبك
_خابره كامل كله طالع هسه يرجع
_ليش اني من اخابره ميجاوب وحتى جدو اخابره ميجاوب
جر نفس وهو يكول
_يمهم ناس وهوسه مشغولين
_انت يمهم
_اي توا اجيت
_مو كلت ماحضر هيج مناسبات
كلامه الهادئ احس وراه عاصفه يحجي بدون نفس للحجي
_ماجاي احضر مناسبه جاي اشوفج
_يعني ليش ماكدر اطلع اني
_مجبورة تطلعين
_مامجبورة
_ماكدر اجادلج اكثر بس طلعي احسن
_غير اعرف ليش
_امج تريد تخابرج
رجف كلبي من كلي امج
_بس اني مانعه نفسي من الحجي وياها
_سمعيها وبعدين حكمي
_عندي تلفون اخابرها من تلفوني
_ههههه تغشمين نفسج انتي غسق لحد يضحك ع الثاني اعرف الايام الفاتت شكد بنفسج تحاجيها وتخابريها بس ماتحصليها لان مغيره الرقم بعد ليش الدروب
كلامه حيل نرفزني رغم جنت بداخلي اتمنه احاجيها واطمن عليها بس مابين اله هذا الشي
_مامجبورة احاجيها عزيز سد الموضوع لا دائما لازم تخلي نهايه كلامنه عركه
_هذا السؤال لازم اوجهه الج
_ماشي ماشي سد الموضوع
_غسق احجي عدل انا مو اخر اطفالج وتحاجيني بهل طريقه مو صوجج صوجي اني جاي اتودد الج ولا انتي مو مال هيج سوالف متعوده ع التكفخ مووو
ماعرف ليش الدمعه وكفت بعيني من صيح بهل طريقه
سديت التلفون بوجهه لان ماكدرت اجمع كلمات مناسبه واجاوبه على طريقه كلامه الحقيره
دز رسالة"اي شي بعدين يصير على امج لاتلوميني ماكتلج لان اصرت تخابرج واني هنا علمودها"
كتبت رساله
"اكص ايدي اذا صدك انت هنا علمود احاجي امي بس"
"كصيها وذبيها للكلاب هم اني شكو ماعلى الرسول الا البلاغ"
أنت تقرأ
قلوب بليده
Romanceانا عينيك الثالثه انا نفسك الثاني انا قلبك الذي لا يتوقف فكرك الذي لا يهدأ انا حرب لاتنتهي انا عصف حياتك انا كل عثراتك
