اطرق الي قلبك
لعله يحتوي نيران قلبي
برجاء واقفه عند بابك
لاتعود بي الى خيبة
بالكاد تعافيت منها
.....
سديم...
خرجت من تلك الغرفه التي كادت ان تنهي حياتي
تنفست بصعوبه
جسمي الهزيل يرتعش الما
رفعت راسي للسماء
ارجو ربي ان يبعدني عن شرهم
انظر الحقد في عيون من لا يحبني
والعطف في عيون احبتي
ماذا عن نفسي
طرقت الباب بيدي النحيله
كدت اسقط ارضا من شدت حزني
جاء الي صوتها
وكان سمعت صوت امي
اناجيها لتخرجني من قوقعتهم
_شبيج سديم وكفتي كلبي
رميت بنفسي الى حضنها اطلب منها تاخذني بعيدا
_شصار سديم منا جمان ومنا انتي
نطقت الاحرف بصعوبه
محاولة اكتم غصتي في داخلي
_جمان ماجذبت من كلتلي حتنخطيبن
_عزاا منو يخطبج واحنه عبالنه تشاقه
تعالي سولفيلي شصار وياج
بكيت باسى على نفسي
_بشائر ابوي يريد يزوجني
_شيزوجج تخبل ابوي
هزيت راسي باي وخرت من حضنها ورحت للسرير غطيت نفسي وابجي
رفعت الغطا وهيه تكول
_سديم احجي لاتضلين هيج
اجه صوت نرجس واردفت بصوت مليان حسره
_ همزين سديم خلصتي على لحظه كبت اليوم لو كاتل لو مكتول يعني ابوي صدك جذب منا ابنهم مريض والناس مصيبتهم فوك راسهم وحتى قبر امي بعده ماجف وابوي يفكر يخلص من عدنه طبعا جانت امي شايله كل المسؤلية وينه وين المسؤلية هوا
مسحت دموعي واني اسولف البشائر
_يكول صاحبه يريد يزوج وابوي كايله عليه تخيلو لهل درجه واصله بي واكيد صاحبه من نفس الطينه ولج بشائر لو مابيبي وكفت بوجهه جان صدك زوجني
_شلكتله بيبي
خديجه_البت وينها وين الزواج بعدين انت ماتستحي من اخوك ولده ب المستشفى وانت كاعد هنا خابصني خبص اله ازوج سديم خاب كم
_يمة لا تعرضيلي حتى على هاي ندري تميم موته روحج عليه بس هذاك هوا جنه حصان مايطكه عرج
_فال الله ولا فالك يومك كبل يومه على هاي الدعوة الخايسة صدك انت ماعندك احترام امده البطن النكلتك
ميساء_عمه على كيفج لا يصعد صغطج ميخالف خوية يصير تميم زين انوب تفاهمو
صلاح_سديم تزوجين غصبا عليج
سكتت خفت انقتل مره الخ اباوع الجوان الجانت تضحك وهسه اختفت ابتسامتها تكول راح تزوجين اخوي واني اشاقيها عبالي كل التحجي شقه بعدين ابوي كلب الموازين
خديجه_احجي شي يلغمه لاتسكتين ترا يزوجج بلية كشره
_يابه ماريد اتزوج مو وقت هل موضوع هسه
_والقران ياصويلح اذا سديم عتبت هل باب بفستان عرس وانت جابرها تحلم ترجع هنا روح ارجع للشارع اللفاك
ابوي صاح بوجهها وهوا يكلها
_يمةةة هذا العندي
_وهذااا العنددددي انااا يعجبك يعجبك مايعجبك طك راسك بالحايط
سكت وهوا يتوعد الي اله ازوجج
بشائر شسوي ابوي ناوي على نيه كشره
نرجس_خااب طزز انتي شبيج على شنو خايفه خيولي شيسوي مثلا تلكينه مكبسل وجاي يهوبز علينه خلي كم يوم فعلي وضع الطز وهوا ينسى
اباوع بعيون بشائر واني استنجد بيها
جاي احاجي بشائر ودخلن شمس وجمان
شمس_بنات امشو نتعشى
بشائر _ماريد اني روحو انتم
نرجس_كومي بشائر لا اكومج ب الجلاليق
جمان _اوي اوي شعدها صايره ب الجلاليق لج استجني هوا اني امس لويت ايدج ضليتي تصرخين
وانتي سديم يلا كومي راوينه طولج الحلو
باعن من الاخر بنات عمه حنان هنا واني مالي خلكهن كلش فكومن وياي غيرن نفسيتي الزفت
سديم_رجعت غطيت روحي ونمت بدون ماجاوبهن
روحي وعقلي مو يم اليحجوه ماجانت اكبر امنياتي اكعد عادي مثلهم بدون محد يسمعني حجي بدون خوف اعيش مثل جمان وشمس وسط عائله محتويتهن
صار صوت هلاهل برا وهنه طلعن
ضليت نايمه مكاني مالي حيل اشوف شنو دخلت نرجس وهيه تكول
_تميم طلع من المستشفى خطيه لو تشوفيه شصاير بي كومي طلعي لاتعتكفين على نفسج سديم ترا والله ماكو شي يسوا باعي هاي الملابس مساع جابتهن عمه ميساء كومي لبسي شي منهن
مسحت وجهي وجريت نفس بتعب اخذت الملابس من ايدها ورحت بدلت غسلت وجهي ورحت لغرفه بيبي تمشطلي
لكيتها نايمه ضليت كاعده يمها والمشط بيدي
دخلت جمان وهيه تكول
_كعدي بيبي تميم يريدها
_هزيت بيبي من كتفها اكعدها فزت حيل خلتني افز من مكاني
باوعتلي وهيه تجر نفس
_يمة هوا هيج تكعديني همزين ماسويتي بيه سكر
_بيبي انتي مابيج سكر يعني
_كومي لا بارك الله بيج على هل سؤال
_والله يابيبي اني لو عندي مثل ابنج صلاح يصير بيه كانسر مو بس سكر
ضربتي ب عوجتيها وهيه تكلي
_كومي ام عطوب مامشطلج روحي انتي مشطي
كلت بتمسكن
_بيبي ماتشوفين ايدي شلون امشط
_اوي يحضي هنه شعرايتين مدري وين مطيره شعرج شو تعاي
انطيتها المشط وكعدت كدامها وهيه تمطشلي ضربتني على كيف على راسي وهيه تكلي
_عود خلي شعرج يطول جا غير حلات البت شعرها انتي حتى كصيبة مايصير تسوينه مثل الولد صايره
_بيبي ترا مزقتيني واحد لو حتى حاب شكله تطلعينه من عينه
جرت شعري حيل وهيه تكومني من يمها
كمت اضحك عليها انطيتها ايدي تستند عليها وتكوم
راحت لكنتورها انطتني حجاب من احجبتها
ضحكت عليها واني اشم ريحته
_اوف اوف خديو عطرج اخذ كلبي بس حجابج مال عجايز هسه البس حجابي احلى
_عوفج من سوالفج الماصخه هذا ابيج اذا بعد فتح وياج مووضع العرس بس تعاليلي
حسيتها رجعتني لنقطة الصفر كومه تمالكت نفسي وكدرت اكوم واغسل وارجع سديم الي مايهزها وجع
_بيبي سدي الموضوع ملعب نفسي
طلعت وياها وهيه تتحمد التميم السلامه وتبوس بوجهه
ملامح وجهه مبين عليه الوجع بس يضحك البيبي وهيه تحضنه
_بيبي على هذا حضنج راح يرجعوني للمستشفى مره ثانيه
رافد_تميم سوالفك بطلها مالي خلك يوميه مشاكل
كاعده يم بيبي الي لازمه ايد تميم وكاعده يمه وتلعب بشعره وهوا حاط راسه على رجلها
ضحك تميم وهوا يكل الابو
_يابه هذا دغدغ مو ضربه
كوثر _انت الك يوم موتني يلا ترتاح من تدفني بيدك
يمه عوف ابن عمتك عوف الي يطالبوك من صحبان عمك بس اسمع الحجي
تميم _انا مو طفل اعرف شنو اتصرف يمه الي يدوسلي على طرف لاتتوقعين اسكتله
كمت من يمهم ماريد اسمع مشاكل وعرك كافي البيه كالت بيبي وهيه تجذب انتباه الكل عليه
_ماتحمدتي السلامه الابن عمج
باوعت بعيونه جان مامنتبهلي وملتهي يحجي ويه اهله هسه من بيبي كالت هيج انتبه
كتله بابتسامه مصطنعه
_الحمدالله على السلامه ماتشوف شر
_الله يسلمج
طلعت من يمهم لكيت نرجس كاعده على الكاونتر وهيه تسلس حب وبشائر لازمه مبايلها وصافنه ب الفراغ بنات ثنين ماعرفهن اول مره اشوفهن وشمس تسوي كيك
باعلي البنات وهنه يكولن
_هاي اختكم سديم
نرجس_اي هيه سديم هاي بنات عمه حنان
_اهلا وسهلا بيكم
تبارك_يا شبيها عينك زركه من جوا وفكج متاذي
ارتبكت واني احاول اخفي ملامح وجهي الي تشوه من الضرب
شمس_مو من صار الحادث الي رمو على البيت سديم جانت فوك يمي ومن نزلت من الدرج نزلت تركض وطاحت خطيه من الخوف شصار بيها
كلت واني ايد كلامها وابتسملها لان مانطت بيه
_اي تاذه وجهي من طحت من الدرج
شمس_سديم تلكين علبه كاكاو بغرفتي جيبي خنحطه على الكيك
طلعت من يمهم جريت نفس احسني جنت مختنكه صعدت فوك الي بي غرفه شمس وريم سوا وغرفه عباس واخو وغرفه تميم وغرفه ابوي الي صايره يم الدرج كلش
اجاني صوت شيماء مرت ابوي واضح وهيه تكل الابوي
_اي مو كتلك على جهاد هذا وين تلكه منه سديم والله رجال معدل انت هم قنع امك بس توكف وياك امك بعد محد يكدر يمنعك تزوجها وترا سديم صلفه زين من يتحملها رجال
كلامها هز كلبي
واني اكول سنين ابوي مامفكر بهيج فكره طلعت من ورا شيماء الحيه تريد تخلص من عدنه
صلاح_طبعا تقبل وراسها فوك رجليها مستعد اخذها بيدي واسلمها اله لو حتى بدون ماتدري امي
بلعت ريكي بخوف صار صوت ناصي وصوت خطوات قريبه على الباب
ركضت من يم غرفته دخلت بوحده من الغرف كوه اجر النفس
كلامها ضرب راسي
شتعرف عني وتريد تخلص مني شمسويتلها اني ليش ماتزوج بشائر ليش اني
سمعت صوت من وراي فززني
_انتي متعودة تدخلين هيج بدون ماتدكين الباب وانا مو كايلج ماكو صعده فوك
التفت على مصدر الصوت اشوفه تميم يضمد بجرحه من الاحراج طلعت وركعت الباب وراي بدون ماحجي شي
حاولت اجمع نفسي حاولت مانهار وماخلي دموعي تنزل بس لكيت نفسي ابجي مسحت دموعي وفتت لغرفه ابوي واشوف شيماء كاعده على السرير وتمشط بشعرها المبلل
حجيت من قهرتي كاتمه غصتي بكلبي ومامبينه شي على ملامح وجهي
_شوفي شيماء لا انتي امي ولا حاسبتج انتي مرت ابوي ولا اني اعرفج ولا انتي تعرفيني فمن الاخير لا تدخلين بيه لاتزنين براس ابوي لان اذا حطيت بالي وياج صدكي اشردج منا بليله ظلمه فديري بالج والله ثم والله ياشيماء ازوعج حليب امج اذا مافكيتي مني
فتحت عيونها بصدمه وشمرت المشط بعصبيه
_وانتي منو عيني لا ناوية تعنسين على كلب ابوج
_خلي كلامي بالج ماطول طخيتيني تحميلي نتايج اعمالج هذا شعرج الحلو الجاي تمشطين بي اخليج تتمنين بس طوله
طلعت من يمها واني افور من القهر احجي حجي ماعرف معناه اكدر انفذ شنو اكول لو بس اريد اخوفها مني
صار بوجهي تميم عاقد حواجبه باستغراب وعيونه الكحليه مركزه عليه شكد اضوج من هيج عيون كحليه لان تشبه عيون ابوي ب الضبط حتى عمامي هيج عيونهم يجوز المقابل يشوفهن حلوات بس اني اشوفهن فد ميزه تخليني اكره الشخص
كال وهو يريد اوكف ماكمل طريقي
_شصاير شسوين هنا
حاجيته بنفاذ صبر
_اتوقع اني جاي امشي بيت حالي حال الناس العايشين بي ليش كل ماسوي اي حركه تنحسب عليه كل مابيبي تشوفني بفد مكان تكلي شتسوين هنا وانت همين شسالفتكم
_الظاهر انتي لسانج ماتكصري حتى ويه اليحترمج
_واني مامقللة من احترامك
صاح بيه بصوت بعد ماجان هادئ
_انتيييي شلوووون بيججج
خلست بمكاني هذا شبي نكلب بسرعه
سحبني من ايدي ودفني بغرفته
حسيت ب الاهانه من تصرفاته كانو يستصغرني
_وخرر عنيي شبيييك انته
نفسه يصعد وينزل بصعوبه وكتفه دم من القميص مبين
_ماريد اشوف خلقتج ب البيت كله
_ليش شمسويتلك اني
_صلفه مثل ابوج
مردتني حجايته معقولة يشوفني مثل ابوي
يجوز كل البيت هيج يشوفونه مو بس هوا
بهتت ملامحي والدموع تركزت بعيوني ورا ماجنت لازمه نفسي
_لاتخاف يجي يوم ماتشوفني ابد
_اتمنى هذا الشي فعلمود هيج لاتصعدين هنا فااااهمه
_رغم اني مامسويتلك شي وشكد نقهرت عليك الصبح من شفتك متاذي بس فعلا انته حتى دموعي الخسرتها عليك من القهر على ضربتك ماتستاهل
فرك وجهه بعصبيه ودار مني
اجيت اطلع وسمعت صوت نرجس وجمان
اريدهن يخلصن حجي علمود اطلع ماكو نرجس تسأل جمان عليه
كلت خلص خل اطلع واشوف اي عذر واكلهن يم تميم لان احتاج ماي او فد شي
تقدمت على الباب
_لاتطلعين يرحن يلا
ماجاوبته دك تلفونه وسده وهوا يتافأف
لزم الدم على القميص من جوا الضماد واردف
_بدليلي الضماد
_ايدي محتركه ماكدر
نزع قميصه وصاحلي
_تعالي سحبيلي القميص هم ايدج محتركه
سحبت القميص من ايده وعيوني مغوشات من الدموع ماريدهن يطيحن
ذبيت القميص بحركه كلب يمه
باوعلي وهوا يخزرني
_تردين تنكسر ايدج الصاحيه مو
طلعت من يمه وهوا يصيح وراي يرحن البنات وطلعي بس ماتحملت وجوده ونظرته الي واستفزازه
معقولة الانسان الي ماعنده سند ماله احترام بينهم
مالكيت جمانه ونرجس همزين
طلعت واني افكر بكلشي بتميم وكلامه وياي بشيماء وكلامها بكلام ابوي
كلشي يكدر يسوي ابوي يكدر حتى يبيعني متاكده لان هوا مو بوعيه اصلا من كد الحبوب الياحذها تخلي انسان ثاني وهذا الشي مبين على وجهه وعيونه انو ابوي يتعاطى او تاجر مثل ماكال جدو
_وين صافن الحلوو
صوت عباس يمي على اخر الدرج معقولة مانتبهت اله اردفت واني اباوع لغرفه تميم اذا طلع ماضمن شنو يصير بيه
_اهلا عباس
_شنو وين ماخذتلج صفنه ياسعيد الحظ الي بالج
_اوو عباس شهل تفكير بذمتك حالي حال سعيد الحظ خو كول تعيس الحظ الي افكر بي
وكف يمي صار بمستواي رفع كذلتي من على عيوني
نصدمت بجرأة وبعدت عنه
حبست انفاسي واني اسمع صوت تميم يصيح بي
_عبااس تعااال سووويلي الضمااااد يعني من يمته كتلك
نزلت اركض بدون ماباوعله
بس شافتني بيبي كالت
_شبي تميم فوك يصيح
_مادري يجوز على عباس لان تاخر وماسواله الضماد
بشائر ...
بين الاصوات العاليه
تتصارخ النساء كما لو ان هنالك قتيل فعلا
الدمعات تهدر بحرارة والقلوب تحرق
كما لو ان هنالك مصيبه قد حلت
ادرك تماما في هذه اللحظه يصعب على العقل تصديقها لكنه فعلا قد رحل
صوت والدة الشهيد وهيه تنعى باقسى الكلمات
صوت الشهادة تتعالي في الخارج
وضعو التابوت في المنزل فسقطت والدته عليه حارقه نفسها
......
تصويت
أنت تقرأ
قلوب بليده
Любовные романыانا عينيك الثالثه انا نفسك الثاني انا قلبك الذي لا يتوقف فكرك الذي لا يهدأ انا حرب لاتنتهي انا عصف حياتك انا كل عثراتك
