سديم...
بين ازدحامات الشوارع
بين ماضينه والحاضر
بين خفايا مايعلم بيها احد
بين الم وفرح
بين تناقض اريد ولا اريد
بين طفولة وشيخوخه
احيا كل يوم لواقع مؤلم
يسرق مني الكثير ويعيدني ب القليل
ربما لن انكسر الى الان
سيأتي الذي يجبر خاطري
سيعوضني الله عما فاتني
لاتقلقي ياروحي
اباوع الصدمت عمو حازم وصدمتي مو اقل من صدمته
باوعلي ومبين شكد يحاول يبين نفسه طبيعي
حجه بابتسامه مصطنعه
_شلونج يابه
_بخير عمو
ماكدرت اجاوبه اكثر من هيج
التفت على بيبي وهو يكلها
_غرفتي القديمه منو بيها
_صلاح وزوجته
عقد حاجبه وهو يكول
_ليش صلاح متزوج
_يمه هسه روح ارتاح مبين شكد تعبان ارتاح بغرفتي واني اكل للولد يسوولك غرفه
كلت الشمس الواكفه يمي
_عمو حازم منين يعرف امي
رفعت اكتفاها بمعنى مادري
باوعت عليه مركزه نظري طاغي الشيب على شعره
الي يشوفه الاول مره يظن هو تميم من كد ماشبه بينهم فضيع مثل الطول والرشاقه مثل حده العيون وكثافه الشعر واللحيه
شكد ماجانت عندي لهفه وحماس اشوفه بكد ماضجت هسه
الاول مره بعد غياب طويل عليهم عمو حازم يكعد وياهم نفس السفرة كعدت بشائر علمود تاكل جانت نفسيتي مسدودة ما اشتهيت فضليت ب الغرفه وحدي افكر واحلل الصار
رن تلفون بشائر باشعارات متتاليه فتحت الجهاز لكيت بي رمز جانت رسائل من غيث مافهمت مغزاهن لان ماعرفت الصار بينهم عجيبه هل بشائر يوم اريدك ويوم احظرك
طرق الباب يدل على قدوم تميم وهو يمد راسه من الباب
وهو يكول بعد ماصفن علي واني لازمه جهاز بشائر
_يحلو ماتجي تاكل
ابتسمت لطريقه كلامه واني اكله
_ما اشتهي انت اكل
دخل للغرفه وهو يسد الباب
_ليش بيج شي
هزيت راسي بلا كعد كدامي لازم ايدي
تعودت على حركاته يوم عن يوم راح الخوف الي بداخلي منه
_مابيه شي والله بس راسي ياذيني احس بثكل من الوجع
_وتكولين مابيج شي تعالي ادلكلج راسج
كالها وهو يسحب بيدي يريد انام على رجله
_لا انت روح اكل اني هسه انام
_هاي طرده لو شنو
_لا ماعاش الي يطردك
ثبت راسي على رجله وهو يدلك براسي غمضت عيوني نعسانه نقطه ضعفي احد يلعب بشعري
_فتحي عيونج دنيتي سودة بدونهن
فتحت عيوني واني اضحك غطيت وجهي بيدي وهو صافن علي
كمت من رجله وهو استغل الفرصه وتمدد على سريري
_اليوم ماروح هنا الزك
_كوم لا اكل البيبي عليك
اشرلي بيده اجي يمه وهو يكول
_اصلا خديو كالت اصبر بس كم شهر واخطبج
تخصرت بعيد عنه واردفت
_لابله بكيفكم تخططون اني اريد ادرس هسه مو وكتها
ختفت ابتسامته وحجه بجد
_سديم انتي ماترديني مو
_شبيك تميم يعني اذا كلت هيج ماريدك اني حتى ماعرفك معرفه تامه
أنت تقرأ
قلوب بليده
Romanceانا عينيك الثالثه انا نفسك الثاني انا قلبك الذي لا يتوقف فكرك الذي لا يهدأ انا حرب لاتنتهي انا عصف حياتك انا كل عثراتك
