أنت تقرأ

قلوب بليده

Romansa

انا عينيك الثالثه انا نفسك الثاني انا قلبك الذي لا يتوقف فكرك الذي لا يهدأ انا حرب لاتنتهي انا عصف حياتك انا كل عثراتك

#انكسار #تعب

part 46

557 65 43 
                                        

                                                  
الا بالله تخبرهم 
بان الصبح قد بان
وانا للان لم ارهم 
اطال الدرب ام هان
ايبخل من يحب اذا يطمئننا
ايبخل ان ترا اعينه اعيننا
......
بقلمي 
زينب
.....
تصويت +تعليق 
ليش ماكو تفاعل؟
......
غسق...
ضحكت الابوي واني افتح باب الكراج وهو يطلع السياره 
صعدت كدام وهو يسوق وفاتحين اغنيه عود لحبيبك الي ثنينه نحب نسمعها 
نسمات الهوى تداعب بشرتي اضحك بعفويه وانا اغني ويه الاغنيه قطع اغنيتي ابوي وهو يكول 
_ضحكتج تسوا الدنيا 
_انت الدنيا كلها بابا 
جنه رايحين البيت صديقه عازمه واني وياه صديقه الي ابوي نسجن علمود يتحمل قضيته 
_جاي تتعودين ع الوضع 
_احس وضع البيت مخربط يعنيمجاي افهم منهم شي بابا 
_تتعودين 
_اي اتعود انت مو تكول العافيه ب التدريج 
_بس لو تلبسين حجاب تصيرين عافيه 
_احم بابا شوف اني والله مفكره ب الموضوع شوف اختنك حيل من اريد البس حجاب اكول على شنو البس واني مقصره هواي ويه ربي حتى صلاتي متقطعه بابا مرات استحي ارفع ايدي واندعي واطلب من الله شي اني شنو مقدمه الربي حتى اجي اطلب يستجيب دعائي 
_انتي هنا يمي بفضل دعائج غسق لاتخلين تفكيرج سطحي بهيج امور الله يعرف شنو البكلبج ويعرف صدقج ماكو داعي لهاي الافكار تدرين كوة علي متحمل اشوفج هيج تطلعين بدون حجاب بس هذا اختيارج ماكدر اجبرج على شي 
_البسه بس مو هسه 
_خواتج حلوات ب الحجاب تصيرون مميزات من تلبسونه
ماعرف ليش سكتت من جاب سيرتهم وحسيت ب الغيره منهم التفت علي وهو يكول 
_ها غسق بس لاتغارين
_لا ماغار 
_مبينه مو اكلج لاتخلين تفكيرج سطحي حبيبتي محد ياخذ مكانج لاخواتج ولاهم يحزنون مو جاي اقارنج بيهن ولا اريد تصيرين مثلهن الي تحبيه سوي بس كاقتراح 
هزيت راسي واني اكله
_رجعني للبيت البس حجاب انوب نطلع 
ضحك وهو يكول 
_مو بهل سرعه غسق بس احسن اختيار 
_لا بابا خلي اول طلعنه النه واني محجبه 
_العشار قريب ع بيت صاحبي نروحله قبل لانروح لصاحبي 
_ماشي العشار سوك مو 
_اي 
وصلنه للسوك جانت الضحكه ماتفارك وجهه واني مبتسمه على ضحكته وبداخلي اكول يارب لاتخليني احن على من هونت عليه ولا تحرم ابوي من هل ضحكه
كل شويه اردد بلساني بابا احس مثل الطفل التوا يتعلمها 
دخلنه لمحل بس للاحجبه 
كل لون يختاره ابوي اقربه يم ايدي بشرتي السمره ماعرفت شنو يرهم عليها جانت صاحبه المحل بنيه طلعتلي لون شيلات بتدرجات البيجي الفاتح 
هزيت راسي بلا الابوي 
_والله حلوات غسق 
كال البنيه وهيه توكف يمي مبتسمه 
_حبيبتي انتي اول مره تتحجبين
قلوب بليدهحيث تعيش القصص. اكتشف الآن