بعد كثير من الالم والمحاولات المستمره اعود منها مبللالا بمدامعي
سديم...
فرحانه على فرحه بشائر الي حتنخطب لشخص تريده وتخلص من كلشي عاشته
كعدت يم بيبي واني لازمه عوجيتها
_بيبي عود شبيج ضايجه
_انطيني العوجيه لا اجسرها عليج ولي من وجهي
_بيبي شبيج مو اني سديم
_روحي مني حلجج اعوج
_صدك بيبي هاج هاي عوجيتج وسولفيلي شبيج احد مضوجج عمه كوثر ضوجتج لان خطبنه اني وتميم لو تميم ضوجج لو ضايجه لان جدو ماموجود لو لان عمو حازم راح غير افهم شبيج
_شو انتي هواي ترطنين ماتدوخين كومي من يمي
_والله ماكوم الا اعرف شبيج
_يمه كومي والله راسي مسطور
كمت لورا ظهرها ولزمت راسها ادلكلها وهيه على كعدتها مغمضه
_بيبي هم فرحانه البشائر
_ماكو خطوبه
_شنو بيبي
كلتها واني ابعد ايدي من راسها واكعد كدامها
_ليش بيبي اكو احسن من غيث
_غويث انا اعلمه حاط عينه ع البت
_لا بيبي هو وين يعرفها بس يجوز لان صديق الولد فحب يصير نسيبكم اكو احلى منها
_لاتمصرنين من كيفج ديمه مو انا الينضم علي هيج موضوع وتجذبين بي
_يا شمصرن
_هاا اشو ماكملتي جذبتج
_مامجذبه
_جا مو غيث يريد بشائر من قبل بس عمن اهلج غمان ماكدر يخطبها
دنكت راسي اجر نفس
_وين تعرفين بيبي
_اعرف عمن انا خديجه
_بيبي ليش تكولين ماكو خطوبه يعني مراح توافقون جدو هم يدري
_شوفي انا ماكلت ماكو خطوبه نهائيا قصدي ماكو خطوبه لحدهسه رسمي جدج يدري ولا مايدري الشور بيد ولده ادري بيهم بس مادامهم يعرفون غويث زين يقبلون
_بيبي خاف ميقبلون لان ببغداد
_جا لا يقبلون يعني تتزوج غصب عن عمامج
_مادري بيبي اكيد ماترهم بدون موافقتهم الله كريم بعد
عينها ع الساعه وهيه تحجي وياي
مجرد رن تلفونها ابتسمت وهيه تلزم العوجيه وتتكي ع الحايط وتكوم
رحت اتبع خطواتها وكفت ب الهول تباوع للكاميرا سياره عمو دخلت الي طلع بيها جدو وعمو وتلفونها بيدها ماجاوبت على مكالمه الاجتها
طلعت برا نزل جدو من السياره وعمو وياه غسق
تفاجات حيل من جيتها وتميم ابد ماكلي راح يرجعون
نزل تميم الجان نايم لان جمعه وماكو دوام مركزه بملامحه القريبه نرسمت ملامح الدهشه عليهن
كال وهو يسلم على جدو
_هاي يمته رجعتو ليش ماكتولي
_بعد صارت بسرعه بسرعه
_خير جدو اشو عمو حازم مو وياكم انت مو كلت مارجع اله حازم وياي
بيبي تجاهلت سؤال تميم عن عمو حازم اخذت غسق بحضنها وهيه ترحب بيها
دخلنه للبيت واني حيل مختنكه مدري ليش ماريد وجودها بيناتنه رغم غسق اختي بس ينقبض صدري من اتذكرها
أنت تقرأ
قلوب بليده
Romanceانا عينيك الثالثه انا نفسك الثاني انا قلبك الذي لا يتوقف فكرك الذي لا يهدأ انا حرب لاتنتهي انا عصف حياتك انا كل عثراتك
