مابيه حيل ارفع جفن
ذبلان جسمي من الحزن
......
بقلمي
زينب
....
تصويت +تعليق بين الفقرات
تفاعلكم
غسق...
رغم اصرار ابوي انو اعوفه واطلع اهرب بس مستحيل اسويها واعوفه يتحمل خطأ اني نتيجتنه
لزمت ايدين ابوي حيل بين ايدي كال حسين وهو يحضن الضابط الي من شافه ضحك كانو يعرفه
_لكككك هللاااااا بعزيز
_شسوي هنا حسين
_نكدر نحجي على صفحه
انطه امر للشرطه وياه يطلعون بس شرطي ضل وهو يحجي ويه حسين
_حسين لاتكلي عائلتك
_منو البلغ
_مادري اجانه تبليغين واحد منهم من عائلة المقتول
والظاهر واحد من اهل المنطقه
_يعني همه مامتعليمن على اطلاق النار شنو جديده عندهم
ب العراق العظيم تتذكر زميلتي الي كتلك تريد تعرف سجين هيه نفسها غسق
كالها وهو ياشر علي
_اليمها عمو حازم والدها والي تصوب زوج والدتها عزيز تكدر تسد القضية كلش مو وقتها ياريت تحلها
_ماكدر حسين تبليغ اجه من اهل المنطقه وتبليغ من ابن المتصوب يعني اله هم يتنازلون
_بهل سرعه بلغو
_اي اكدر اخذ الحجي وياي فتره واحاول شكد ماكدر يطلع نحاول وياه بلكي يتنازلون بس البنيه خليها يمك حتى اذا طلبوها ب المركز لاتجيبها
كالها وهو يباوعلنه اني وابوي
ضغطت على ايد ابوي واني احاجي
_بس ابوي مادخله بشي
حازم _سيدي وياك وين ماتاخذني بس بداعه احبابك بنتي ماتدخل مركز
باوعتله وعيوني مدمعات صاح الضابط للشرطه وياي ويردون ياخذون ابوي
نهد حيلي وحسيت راح اخسره هل مره للابد ماتحملت فكره يتحمل مره ثانيه مرارة السجن بس علمودي
_زين سيدي رجعلي تلفوني وتلفون والدي اريد اخابر الاهل
_تلفونج اي بس الوالد ماكدر البيت لازم تطلعين منه فتره الصار جريمه مو شوية
التفت على ابوي وروحي منسحنه كال ابوي وهو يبتسم بحزن
_وليدي حسين خابر تميم خل يجي ياخذ غسق
كالها وطلع وعاف ايدي طلع من البيت واني بس صافنه ع الوضع ضميت شفايفي للداخل احبس دموعي واكتم حزني واصير قوية خاطر ميتعذب اكثر
طلعو ورا ابوي وحسين يحجي وياي يريد اطلع واني بس ارمش تطيح دمعتي
_حسين لو يرجع الوقت دقايق ارجع اقتل عل حقير بدم بارد
_غسق انتي متخافين ليسمعج احد
_اخذني اله للمستشفى مامات مو عاار شلون يموت
_بس فهميني شلون نقتل راح اتخبل اني
كعدت ب الكاع وايدي لازمه شعري حيل عاصره راسي بين ايدي
_اني الي لحيت علمود اجي هنا اني نحس وين ماروح المشاكل تركض وراي المفروض مادور ابوي المفروض ماعوف امي واروح للبصره المفروض والمفروض كلها احتمالات اوهم نفسي بيها عسى ولعلى مايصير هيج
معقولة صفاء ضرب نفسه حسين تخيل صفاء يضرب نفسه بس علمود يورطني
أنت تقرأ
قلوب بليده
Romanceانا عينيك الثالثه انا نفسك الثاني انا قلبك الذي لا يتوقف فكرك الذي لا يهدأ انا حرب لاتنتهي انا عصف حياتك انا كل عثراتك
