قلوب بليده

part 16

ان كان الندم يعيد مافقدت
ساندم لاخر حياتي
لكن ماذهب يجعلني اقوى بكثير

.....
تصويت♡
انزل بارت اطول اذا اكو تفاعل
.......
سديم....
بلعت ريكي بخوف ارتعش كل جسمي
واني اشوف منظر الديوانيه تحترك
الي ركض طفه الكهربا والي ركض يطفي ب الحرك
صوت صياحم مله المكان
دخلت جوا اركض ماريد اشوف هذا الرعب
كزبر جسمي واني اتخيل لو جدو باقي جوا
جدو الراح جابه عباس علمود يلعبون دومنه
معقولة لو ماطلع تميم جا ماراحو صاحوله
نكتب عمر جديد الجدو بهاي اللحظات
طلعت شمس مفزوعه باوعتلي بخوف
كلتها وكل جسمي يرجف
_لاتخافين محد تاذه بس الديوانيه حتركت مدري شنو طك بيها كهربا مدري السبلت
_ولج وجدو وين
_جان طالع يمنه
طلعت تركض اجت وراي نرجس لونها مخطوف
نامت يم البشائر بدون اي صوت
طلعت ب الهول واطكطك باصابيعي
معقولة لان دعيت عليهم بكلبي هيج صار
نزلت شيماء واني اخزر بيها
باوعتلي وضحكت
جريت مرتضى من ايدها وصاحت بيه
_تعال حبيب اختك تعال نام يمي
باوعتلها باستفزاز همست يمها
_انتي مايفيد وياج العيني واغاتي منا  ورايح اعرف شلون امشيج عدل
ابتعدت عنها وعينها علي
كعدو كلهم ب الهول ومبين شكد نهبطو وبيبي كل شوية ورفعت ايدها تشكر الله محد بي شي
كعدت مرتضى يمي
وعباس اردف
_ولك سلطان لو مامطلعك تلعب ويانه دومنه جان رحت بيها
رافت_عباس مو هيج احترم
_جا انا مجذب بشي
كلت التميم الكاعد من جهة مرتضى بصوت ناصي
_ابوي شنو راح تسون اله يعني عادي السوا
_مابيدي حاليا شي بس خل اكشف الرقم المن ويجيج الصافي هسه هو ابو الحق ومحد اله حق يدخل باعتباركم انتو بناته وغلطتو بنظرهم
هزيت راسي ساكته
اردف وهو يشيل مرتضى يحطه بحضنه
_كومي يم خواتج
_ماريد
_كوووومي
باوعتله بطرف عيني ورجعت باوعت الهم كانو ماسمعته
_كومي صعدي فوك هسه اجي
_لابلة
_اذا ماتسويها اكسر ترجيتج
دفرت رجلي ب الكاع بحركه كلب وكمت سألتني بيبي كتلها اصعد مرتضى
رغم كلهم يتناقشون بس ماهمه شي
دخلت الغرفته اني ومرتضى باوعلي وهو يضحك
_شعرج حلوو مثل شعري
لزمت شعره الطويل واني اضحك
_لالا خل اكصه بعد علمود يصير صدك مثل شعرك موافق
هز راسه وهو يضحك اختفت ابتسامتي من تذكرت هو اخوي ابن شيماء
لزمت ايده بلطف
_مرتضى ماما شلونها وياكم
ضل ساكت تحسست ايده بيدي ولزمت مكان بي خشونه
نزلت عيوني علي صاح بوجع مبتعد
_اااخ سديم ايدي احتركت توجعني
اباوع الايده مكان حرك مثل الجكاره
همست بخوف
_منو حاركك
نزل راسه وهو يكول
_ابوي
الي كدامي مو طفل الي كدامي سديم الثانيه يتحمل وجع وهو ساكت
_يمته حركك ماتاذيت
بجه يمسح دموعه وتطيح غيرهن
حضنته ابجي وياه صوت مناشغه يشك كلبي
_بابا مايحبنه حتى من شفته قتلكم احنه هم مثلكم ماما تكول سكتو كم يوم ونطلع منا بس احنه من اجينه هنا صرنه نحب نعيش هنا محد ياذينه اذا نطلع بابا يضل يضربنه وماما وياه وين ميروح وتعوفنه وحدنه
_ومصطفى اخوك الصغير ماياذي لو هم يحركه مثلك
_هم يقتله مرات يحبنه ومرات مايحبنه مدري شبي
_زين حبيبي من شوكت بابا وياكم يعني من صرتو انتم تشوفونه
سكت كانو مافاهم
_شنو يعني
_هيج ماكو شي
اباوع الايده ورفعت تشيرته اباوع الظهره اثار حرك
ضميته على كلبي حيل ابجي بدون صوت
كال بكل برائه
_هسه ماما تعصب علي ماتقبل اجيكم
_اشش كل ماتعصب عليك كلي ماشي
هز راسه بلا
حاضنته نام على جتفي امسح على ظهره واطبطب بهدوء الى ان حسيته غفه
نزلته نومته على رجلي ضليت صافنه بكل ملامحه
امشي بايدي على حواجبه على حرك ايديه
بجيت واني ابوس حروكه اجاني صوت تميم وهو يسد الباب
_ماخلصت دموعج
نزلت عيني لمرتضى
_بعده صغير ع الحرك والضرب والخوف كلش صغير
_لو كل الناس مثلج حنينه جا صار العالم بخير
مسحت دموعي ورفعت شعري من وجهي شمر علي حجاب وهو يكول
_هذا تحطينه على راسج مفهوم
هزيت راسي ساكته ماريد اتناقش ويه احد ولا اريد اسمع شي من احد
_ليش كتلي اصعد هنا
_علمود تلبسين حجاب
جريت نفس بنفاذ صبر
_وانت عايف الهوسه والصار وعلمود البس حجاب
_مو حلوة كعدتج هيج
_وموحلو تواجدي وياك مثل الغرفه مو
_سديم بيبي حاجتني بموضوع
عقدت حواجبي مستغربه
_يخصني
حط ايده يجيوبه ساكت
ردت اكوم بس حسيت رجلي منمله
_تعال اخذ مرتضى الامه رجلي ماكدر احركها
ضحك وتقدم عبالي ياخذ مرتضى بس حط رجله على رجلي الخدرانه وهو يضحك
_انت خبل وخر رجلي وخر
خرمشت رجله باظافري حيل
بتعد وهو يكعد ع السرير لازم رجله
_من وراج كعد مرتضى باعي شسويتي برجلي
كعد مرتضى كوة مفتح عيونه ورجع نام
فركت رجلي واني اكوم
مرتضى ثكيل كوة شلته فحطانه
_يمه هذا ليش هيج ثكيل
_الحجاب
سمعته وطلعت ركض من الغرفه وبيدي مرتضى نزلت جوا ومحد موجود بس شيماء شافتني اجت بلهفه اخذت مرتضى بدون ماتحجي صعدت عجيب امرها ليش ساكته
ضحكت واني ابااوع للسوار الذهب البيدها
اجت براسي فكره بس من تذكرت كامرات غرفتها نحبطت ماجه بالي غير تميم يساعدني بس اكيد تميم مايقبل بهيج شغلات
دخلت للغرفه انام واني امخمخ شسوي بيها
ريم وشمس ونرجس كلهم نايمين يم بعض وحده لزك ب الثانيه مشيت رجلي بينهم بعدت شمس نمت بين شمس وريم تحركت شمس باوعتلي
_انتي شعندج ويه اخوي
_اهوو شلون اخو هو
_انجبي ترا الكل لاحظكم كلنه كاعدين وانتو تتهامسون
بستها من خدها واني اكلها
_اروح فدوة للحلو جا شبي اخوج الحقنه مو مثلج صدك بشائر ماكعدت
_عود تضيع السالفه لا كعدت ورجعت نامت خطيه شكد متاذيه نفستيها كل شوية تفز مرعوبه صدك انا مجاي افهم هاي المحادثه فبركه لو شنو
كعدت على حيلي متربعه وهيه نايمه تباوعلي بعيونها الناعسات
_ههههه يربي شكد حلوات عيونج انوب مثل لون الشمس
انتي جمالج لا يقاوم
_دخيلك ياعلي شنو صرتي اسح....
_ههههه لا والله لو عندي اخو اله ازوجج اله
كلتها واني اكرص بخدودها
_وعود هاي جمان النذله  غمازاتها حلوات
ابتسمت بحزن وهيه تكول
_جان حسين يكلها لاتضحكين يم احد بس يمي
اختفت ضحكتي ورجعت احجي بجد
_باعي جد ماكو شي بيني وبين اخوج والله بس ماكو عندي احد غيره يساعدني وعلى سالفه بشائر اكيد تميم يكشف كلشي باعي انتي تعرفين غيث مو
_هو اليوم سمعت بي مدري دائما يحجون على اصدقائهم بس ماركز وياهم
_اي المهم غيث وبشائر يدرسون سوا ومره راد يخطبها وماصارت قسمه وافترقو من رجعنه هنا رجع يلح عليها ورا مادمر بشائر برفضه الاول واخر مره محاجيها كايللها اريد اخطب وحاظرته يعني حاليا ماكو شي يجمعهم حتى احنه امس  بالثواب يلا شفناه واخوج الثور عباله اكو شي بيناتنه وبين غيث
_خطيه بشائر شكد مكسورة لا عائلة الي حتوتها ولا حبيب الي قدرها
_هذا نصيبها من الدنيا
_دلكي راسي موجوعه
_لان تنامين هواي وتستعلمين مبايل هواي
دلكت راسها وهيه نايمه
رغم احس التعب ماخذ حيلي بس مانعسانه
اخذت تلفونها وبحثت على حساب زهراء ب الفيس حاجيتها وهيه تقرا برسائلنه  وتضحك لان من اشتاقلها  اضل اغلط عليها يلا يبرد كلبي