ارواحنا المتعبه
جزاها قرن اخر من الراحه
سديم...
دخلت بشائر وجمانه دفعنها مني عفت كلشي ولزمت رجلي مفرفحه روحي سحبتها من المسمار
مشتني بشائر واني لازمه رجلي تصب دم بيدي
صوت مناشغ مصطفى ومرتضى اخذ كلبي
كعدتني بشائر وايدها ترجف تمسح ب الدم لزمت ايدها متوجعه حيل
_شوداج الها موجنتي يمي المن صعدتي فوك
بعدت رجلي منها شايغه روحي دموعي تحرك خدودي
احجي بين شهكاتي
_بشائر باعي عفيه ركزي وياي ترا شيماء جاي تخون ابوي شوفي لاتكليلي تجذبين ولاتكليلي تتبلين عليها اكو يوم سألتي روحج ليش متحمله قرف ابوي
باوعتلي مصدومه والبنات يمها واكفات حالهن مو احسن من صدمتها
مسحت دموعي واني امسح بطرف رجلي
الهدوء مله البيت
_سديم مو وكته يربي شهل مصايب راح اتخبل مو جديده الخيانه ابوي مو خان امي وتزوج ب السر
تريد تعقم رجلي وتضمدها ماخليتها
دخل عمو حازم التلفون على اذنه
بس شاف حالتي نزل تلفونه فاتح عيونه على وسعهن
تقرب بتجاهي بلهفه وهو يلزم برجلي
_شبيج عمو شبيها رجلي
جمانه_تعاركت ويه شيماء مرت ابوها وداست ع المسمار
_يييييمةةةةة يمةةةة وينننننج
بعدت ايده من رجلي
_عمو تاذيني
مجرد ماباوع بوجهي وركزت بملامحه بجيت
بجيت انسان مستهضم
طلعت بيبي وهيه تحسب بفلوس بيدها
_هاك حازم همزين اجيت احس..
قطعت كلامها وهيه تشوف رجلي
_دخيلك ياعلي شبيها الفرخه وانا اكول شبيها تصرخ
_يمه يعني لهل درجه واصل الاهمال اذا محد ب البيت لازم هيج تتاذه
_جا شدراني انا هذا شنو طاكها
_مسمار
_جويها الها علمود لاتعمل تصير زينه بسرعه جويها ب الجكاره
_لا عمو دخيلك لا
لزمت ايدي بشائر وهيه تكول
_اي سديم يجويها احسن والله صح تتاذين بس بسرعه تتعافين
_وجعها يحفر بكلبي
باوعت العمو حازم هز راسه باي
كمت على رجل وحده اريد اشرد منهم
كام عمو حازم من الكاع وكعد ع القنفه كعدني على رجله وهو لازم ايدي يريد يسيطر عليهن من الرجفه
_هسه على شنو الرجف هيه جكه ابره
_لا عمو عفيه والله تطيب عوفها
ابتسم ابتسامه اطمئنان وهو يطلع باكيت الجكاير من جيبه والجداحه شغلها كزبر كل جسمي اريد ابتعد عنه بس محوطني بيده الثانيه
_تعالي بشائر بابا لزمي ايديها حضنيها ماريد تتحرك
صرخت اريد ابتعد بشائر حصنتني لازمه ايدي وحاطه وجهي بصدرها
لزم رجلي وجواها شاغت روحي واني اصرخ بعلو صوتي واغلط على شيماء
_طركااااعه عليج شيماااااء الخووووثه الله ياخذج ياعار
مجلبه ب بشائر حيل ماريد اعوفها
أنت تقرأ
قلوب بليده
Romansaانا عينيك الثالثه انا نفسك الثاني انا قلبك الذي لا يتوقف فكرك الذي لا يهدأ انا حرب لاتنتهي انا عصف حياتك انا كل عثراتك
