واعود من حرب الدموع مبللا
لارى انتصاراتي بدونك خاسرا
متكاسل عن كل حلما فاتني
متجرد من كل ذكرى عاقرا
امضي الى الاشيء اجهل غايتي
ومشتت مثل الوجوه العابره
في كل مشنقه تكون قصائدي
وكانها في نزهة ومسافره
كم كنت احتضن الضياع وانحني
متوسلا بالعفو عند المقدره
.....
بقلمي
زينب
.....
غسق...
امي الكاعده وسط البيت وهيه منحنيه تتوسل لشخص
اول مره بحياتي اشوفه
هذا الشفته ورا مافتحت الباب
باوعلي بنظراته الخبيثه ابتسم ياشر علي وهو يكول
_هاي بنتج تردين احرك كلبج عليها مثل ماحركتي كلب امي وحركتي كلبي على ابوي
امي لزمت ايده حيل وهيه تصيح مثل المجنونه وكعت علاكه الاكل الجنت جايبتها من ايدي رجعت خطوتين للورا ورا ماعرفت الموجود ابن صفاء
امي الصرخت وهيه تلطم على وجهه
_روحي منا غسق روحي منا ياذونج هسه
روحي راحت واني اشوف دموعها وحركت كلبها الي مبينه بصوتها اليرجف
بحركه سريعه تقدم ناحيتي ركضت ليورا اريد اشرد منهم
لزمني من شعري الي صاير جوا الكبوس
صحت متوجعه منه وهو يجر بشعري ويحجي بفحيح
_اجيتيلي برجلج عبالج اخليج تطلعين
لزمت ايده واني نظراتي بعيونه
_متفقين انت وابوك مو متفقين علي بساعه الحادث رحت بلغت وين تعرف انت وين تعرفني اصلا
دفعني حيل وهو يوكعني للكاع
_راح تنحبسين هنا عود خلي ذاك الضابط الاخذج يجي هسه ياخذج
بصقت عليه واني اباوعله بشمئزاز واضحك باستهزاء
_هيه هاي كل قدرتك لو انت مثل الوالد الله يحفظه الك ماكتلي شلون صار عبالي مات حرامات الطلقه ماجتي بكلبه
احجي بقوة عكس خوفي ورجفت داخلي
امي الحاطه ايدها على حلكها ودموعها تنزل وكانو تعرف اخرتي شنو
دفرني بخاصرتي بقوة
_انتي عينج طالعه الظاهر ابوي ماعرف شلون يربيج
_مبين من تربيتك الحلوة صدك يمته عرفت بسيد الوالد متزوج على الوالده بممم صدمه موو
كومني من شعري واني ويه كل حركه اصيح متوجعه بس اريد اشفي كلبي بيهم
سحبني من شعري للغرفه يريد يقفلها علي عضيت ايده حيل واني اصرخ اريد استنجد بواحد من الجيران
رجع ضربني واني منتهي حيلي
عصر فكي بيده وهو يضحك
_انتي صعبه بس حلوة
كالها وهو يباوعلي من فوك ليجوا صرخت بعلو صوتي وهو يقفل الباب امي الي تدك ب الباب وتصرخ شويه شويه
اختفه دك الباب وابتعد صوتها
حطيت ايدي كدامي مانعته يوصلي
_اطلع منا خسيس هيه هاي قدرتك بس علي
ستند ع الحايط وهو يكول
_مستسبعه ب الضابط عزيز مو يجي يهددني علمود اتنازل عن القضيه على اي اساس بس هسه يحقلي اتنازل عن القضيه مقابل شي بسيط
أنت تقرأ
قلوب بليده
Romanceانا عينيك الثالثه انا نفسك الثاني انا قلبك الذي لا يتوقف فكرك الذي لا يهدأ انا حرب لاتنتهي انا عصف حياتك انا كل عثراتك
