قلوب بليده

part 13

هناك من يحارب من اجل بقاءه
وهناك من يتحرر من قيود موضوعه له
هناك من يحارب الم
هناك من يقتل نفس
بينهم جميعا انا
.......

تصويت+تعليق
بلقمي
زينب
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
سديم...
ارتاحيت من حجيت ويه بشائر صار ميهمني اذا ضاع التلفون او لا ماطول حاظره غيث يعني محد يتصل غير صديقاتها
سمعت صوت ب الطايق الفوك يم الغرفه
وكفت يم البال حابسه انفاسي اريد اعرف منو وشنو يحجون
اجتي اصواتهن مثل السم
لهل درجه يحبن النفاق وبوجهنه ضحك وسوالف وياناه
بنات من كرايبهم علاقتهم قوية ويه بيت جدو
_انتي ماشفتي نرجس مدري شلونها مبهذله
_اي  بس ترا عاقله مو مثل سديم امي تكول هاي خبله مايهمها شي
رغم جانت اصواتهن ناصيه بس كدرت اسمع بوضوح لان يم الباب واكفه
_بنات هو ابوهن شلونه يعني شتردنهن بعد مو زين والحجيه خديجه كعدتهم هنا
_عيني شبيج انتي هسه يصيرن الكل ب الكل وكولي كلت
_اي ياخوفي منهن انوب بس مبتعدات عبالك راح ناكلهن اشو كلنه عدنه جمال مثلهن
_هسه عوفوكم منهن كليلي يمته تحجزين صالون للعرس

ابتعدت عن الباب
واني محتركه حرك اجه بالي ادك الباب واطلع واسحلهن سحل من شعرهن
ضليت ارجف من القهر والحركه
رفعت التلفون باوعت للساعه ب ٨
شعدهن ضالات مايرحن
خابرت التميم من نفس الرقم الخابرني بي
ماعرف ليش وشنو اريد احاجي بس اريد اطلع اريد اكتلهن لان اختنكت منا
اجاني صوته ويمه هوسه
_الوو سديم
_باع هسه تجي تطلعني منا ترا والقران ادك الباب حيل واطلع افلش روسهن هل خايسات
_شبيججج خااف انااااا ناقصنييييي مخابيللللل بعدددد
_اني خبلةةة موووو ماااااشي ياتميم
_استغفرالله منو وياج تفلشين منو
الغصه وكفت بلعومي سديت التلفون وانا اسب بنفسي
دقايق وسمعت صوت ابوي
يحجي ويه شيماء بصياح
صوته ماهز شعره بداخلي ولو يجي ويطلعني منا راح اوكف بوجهه
اكو غصه بداخلي اريد ابجي واطلع قهرتي
بس ماكدر ابجي من التعب الاحسه
رجعت تمددت
ب الساعات اني هيج كل شوية اباوع لساعه المبايل
افكار تاخذني وتجيبني
الساعه ١١ والاصوات برا مثل ماهيه اباوع من شباك غرفه تميم للجوا كلهم موجودين كاعدين ب الحديقه
دخلت سيارة تميم ونزل منها هوا وعباس
وبعد رجال تلكا ابو وهوا يحضنه
اتبع خطواته خطوة خطوة شلون سلم عليهم واستاذن
طفرت للسرير جريت مخده وغطا ونزلت جوا عود اسوي نفسي انام جوا مو على سريرة
غطيت حتى راسي وضليت كوا اجر النفس لان مغطيه نفسي
صوت الباب ينفتح والمفاتيح صوتهن وهوا يحطهن ع الميز
صوت طكطه وهوا يكعد ع السرير
كال بصوت تعبان
_سديم كاعده
مارديت جواب
شوية واختفى صوته
فتحت الغطا شوية من عيني اريد اشوفه وين وانا حابسه انفاسي عن لا انفضح
رجف كل جسمي واني اشوفه كبالي كاعد ع السرير وجهه لجهتي منزل راسه وحاطه بين ايديه
ملامحه الي مرسومه عليهن الشيخوخه من اثر تعبه
دمعت عيني واني الاحظ دموعه تنزل وهوا مدنك راسه
رفع راسه ورفع عيونه للسقف
مسح عيونه بخشونه واتوجه للكنتور
طلع سلاح ويمه اوارق هواي
طلع دفتر وضل يكتب بي
كل حركه مراقبتها واني نايمه بداخلي اكول يارب يكعدني علمود  اطلع من الغرفه
عاف البيده وهوا يباوع لجهتي
غمضت عيوني بهدوء بس داخلي يرجف
ثكلت نفسي على اساس اني نايمه
رفع اللحاف من وجهي بهدوء
ماعرف شيسوي وليش ماكعدني
بس حسيت بايده الخشنه وهوا ينزعني ترجيتي منها بهدوء تام علمود لا اكعد
كوة سيطرت على نفسي علمود لا ارجف وافضح جذبتي عود نايمه
رجع اللحاف لاحظته ضم الترجيه ب الدفتر وضم الغراض كلهن ب الكنتور
لابسه ترجيه وحده اني مو مالتي مالت امي من تركنه البيت ورا وفاتها لكيت بس وحده جانت حيل تحبهن وماتنزعهن ومن ضاعت الثانيه شسوت بينه خلتنه بس ندور عليها
الشي الوحيد الي اخذته منها هوا هاي الترجيه ولابستها بس هيه وهيه هوا اخذها
حركت نفسي بانزعاج ورفعت الغطا لوجهي ورا ما شفته اتجه ليمي وكعد مركز بوجهي
حيل اخاف من هل عيون الكحليه مثل عيوني ابوي وجدو عيون ابوي الي يسولي رعب مجرد اباوعلهن
ضل ب الدقايق كاعد
اجاه اتصال ورفع تلفونه يحجي
استغليت الفرصه وكعدت واني افرك بعوني بانزعاج انتبهلي ورا ماخلص اتصاله
_اسف كعدتج
_لا لا اكيد تريد ترتاح واضح عليك التعب اني نازله يم البنات انام
_سديم
_صاير شي
_باعي التلفون مال بشائر مختفي وحتى شيماء تكول مادري وينه حاجيتها ونكرت انا اشتريلها غيره ولا يهمها بس ماريد تسوين اي تصرف بدون علمي رجاءا
_لا ماكو حاجه تشتريلها ادوره بلكي الكاه
_ماريد تسولفين الاختج ع الصار انو حاولتي تسجلين بغرفه شيماء راح تدخلين بقال وقيل
_ماشي وابوي
_خابرني اكثر من مره واني رايح للنجف عرضت عليه يروح وياي علمود تطلعين منا بس ماقبل لان ابوج براسه شي متاكد يريد يستغل هوسة الناس ويسحبج الجانبه
_ماعرف جاي تخوفني اكثر
_هاا نسيت منو الي تردين تفلشين راسهن
_عوفني ساكته هل لئيمات حركن كلبي والله لو الزمهن بسيطه
_سدددديممم لا تصيرين رعنه عوفيهن مهما يسون
_ايبااا يعني اخليهن يحجن علي وعلى بشائر واسكت
_الظاهر انتي مامتعوده على مجتمع الكرايب بابا هنه البنات من يجتمعن كلشي يحجن فانتي مادخلج بيهن اعتبريهن هنه والماكو سوا وانا سبق وكايل لشمس هل حجي
_ماشي تميم انت اخذ راحتك اني راح اروح يم خواتي واقفل الباب علينه شكرا على كلشي
_اي نامي لتطلعين برا لان الشباب كلهم كاعدين واذا احد سألج عن شي تجاهلي
_زين بيبي والبيت كاعدين يعني ب الهول
_لا مو كلهم يجوز كلمن بغرفته حاولي شكد ماتكدرين تحبسين نفسج لان الصراحه الوضع مو تمام
جريت نفس بحسره
_اليمته تميم تمر ايام هيج مثل المر باع جد شكرا على كلشي وماريد اتعبك اكثر تصبح على خير وتحلم احلام سعيده
اردف  وهو مبتسم
_وانتي بخير
طلعت واني اجر بذيال الخيبه
الخنكه الي بيه تهدني
الحيره الماخذتني العالم ثاني
نزلت كبل للغرفه تذكرت الترجيه وصعدت فوك اركض
دكيت الباب اجاني صوته الناصي
_تفضل
_احم اسفه اسفه كل شوية ازعجك بس باع ترجيتي يجوز هنا لان مالكيتها باذني
_بس وحده
_اي
_جا وين الثانيه
_هيه بس وحده الثانيه ضايعه اساسا وماريد اضيع هاي لان احبها
_اخذتها الترجيه
رغم ادري بي اخذها بس سويت نفسي مصدومه عود مادري
ماتوقعت يصير صريح ويكلي اخذتها وماعرف ليش اصلا اخذها بدون سابق انذار توجه الذاني واخذها تصرفه استغربته
_لااا تميم ترجيه امي الشي الوحيد البقالي منها
_اني مو ساعدتج اعتبريني احتاج مساعده وقبلي
_بس انت سرقتها تراا من يعني مو طلبتها مني مثلا الترجيه شلون راح تساعدك
_هيج تحبيها اعتبرني محتاج فلوس واريدها ابيعها
تقدمت كدامه بسرعه من خوفي من موقفه
_لا تميم عليك الله اله الترجيه انت مامحتاج فلوس ادري بيك
رفع حاجبه
_ترا هيه ترجيه
_اريدها
_ارجعها ب الوقت المناسب
_باع ماطول وعدتني فراح امن بس مو تخلف هز راسه بلا وهوا مغمض وايده جوا خده
واضح شكد نعسام طلعت من يمه
شفت بشائر كاعده  بالمطبخ
رغم حذرني تميم وكتله اروح كبل للغرفه
استغربت منظرها
عيونها حمر مليانات دموع وجهها محتقن احمر
الصبح شفتها بهل منظر وهسه هم تبجي
_بشورة
فزت من مكانها مرعوبه
حطت ايدهت على كلبها وهيه مغمضه
_مو هيج سديم مو هيج فززتيني
_شبيج ليش هنا وحدج وين نرجس والبيت
رجعت تباوع من الشباك ونزلت دموعها تمسح بيهن وينزلن
ردت اطلع اشوف شنو
حسيتها فاصله عن العالم محد برا ب الطرمه كلهم ب الحديقه ليش تباوع للطرمه وتبجي
_بشورة شبيج ترا خوفتيني مناقصني هبطات
عافتني وراحت هيه تبجي رحت وراها
واني اسئلها
ضغطت على زندي حيل وتنتر بيه
_سديم وخري منا لا اقتل نفسي وارتاح تعبت اني تعبت
بلعت ريكي بخوف حسيتها متحطمه
_بشائر على الاقل سولفيلي شبيج 
وخرت ايدها مني كعدت وحطت ايدها على وجهه تبجي باسى
كل ظني عرفت بسالفه تلفونها بس ماكو داعي تنهار لهل درجه ومن منو تعرف بس تميم يعرف
شكد احاول اخليها تحجيلي الصار
بس جانت ساكته وتبجي
نرجس كعدت من نومها وتفاجاة بمنظر بشائر
نامت بين شهكاتها ودموعها
حاطه ايدي على خدي وصافنه عليها
ساعات مرت واني التفكير كتلني
ساعات واني بس صافنه عليهن
النوم نسرق من عيوني 
بين صفنتي غفيت واني كاعده
فزيت على صوت الباب يندك
طفرت يم نرجس ضميت نفسي
باوعت للساعه ب ١ منو يريدنه بهل وقت غير ابوي
اكيد هو
كعدت نرجس على  اثر صوت الباب
غطيت حلكها بيدي حيل مانعتها تسأل منو ب الباب
التفتت عليه وهيه تسأل
_احنه كل مره مانقفل الباب ليش قافلته
قربت حلكي لذانها واني اشاورها
_اشش نرجس لاتكولين منو
اجاني صوته وهو يردد
_وينكم يمعودات معقولة نمتو
رجعتلي عافيتي من سمعت الصوت مو صوت ابوي هذا صوت تميم
عفت نرجس وكعدت مهدود حيلي من اثر الهبطه
لبست حجابي وفتحت الباب
_اسف جاي بهيج وقت بس الولد كلهم برا واريد جاي ادري بيج مانايمه فاجيت رحت الشمس نايمه
هزيت راسي باي بدون ماحجي شي
ليش يجي بهل وقت على جاي خلي يسوي هو معقولة مايعرف
طلعت القوري ومليته ماي وهو كاعد ع الكرسي وحاط ايديه ع الطاولة وراسه فوك ايديه ضحكت على منظره واردفت واني احط القوري ع النار
_هههه تميم شكلك مثلي من جنت انام ب الصف والمدرسه ترزلني هيج احط ايديه ع الرحله وانام
رفع راسه وابتسم ابتسامه جانبيه ب الغصب
حسيت فشلني لان ماجاوبني
_ليش كاعد انت
_هذول مايخلوني انام كل شوية وخابرو انزل
سمعت صوت حركه من برا
جانن الاضوية مفتوحات
والي برا يبين واضح
التفتت ونصدمت بغيث وعباس وهمه يشاقون ب الطرمه وصوتهم عالي وعباس يفتح الماطور
ضليت مصدومه بمكاني
عفت الاستكاين البيدي حيل ع السنك
_شبيجج كسرتيهن
حجيت واني اطلع من المطبخ
_انت صب جاي تميم نعست
الف سؤال براسي
معقولة بشائر كلتله وين احنه
بس ليش يضحك ويه عباس
شكلهم مو مال يجي هيج
اكيد من اصدقائهم بحيث باقي يمهم وجاي من بغداد
تذكرت شي من تميم كال صديقي جاي من غير محافظه معقولة هو غيث مثله
رجعت للمطبخ دخلت بدون ماشوف منو
لكيت عباس يصب جاي ويمه غيث وتميم واكفين بدون مايحجون من طبيت صرت بوجهم خزرني تميم كزبر جسمي من خزرته اتسعت عيون غيث وهو يشوفني
طلعت ركض من المطبخ لزمت ايدي بايدي الثانيه احاول اخفي رجفتي
وكفني صوت تميم وهو يكول
_مو وليتي تنامين المن رجعتي
_الي اجه يمك قبل فتره كلت صديقي من غير محافظه تريك يمك مثله هذا الواكف يمكم
عقد حواجبه ستغراب
كال من بين اسنانه واضح شكد يحاول يخفي عصبيته
_سديم شعنددددج
_باع اعرف جاي تشك بيه بس شلون افهمك ياخي لاتشك بيه بكلشي اكولة ترا اني مو عدوتك
لزم ايدي وهو يغضط على اصابيعي حيل حسيتهن نمردن
_تردين ثقه مووو سديمممممم يعني هاي تصرفاتج على شنو تدل ليش رجعتي وانتي تعرفين يمي صديقي وليش جاي تسألين عليه
اذا اكله اعرفه يجوز هنا يدفني
كلت بدون تردد واني واثقه من جوابي
_ماعرفه ومادري يمك لان جان المطبخ هدوء وخر تميم ايدي دمرتها
سحبت ايدي حيل ورحت للغرفه بدون مالتفت اله قفلت الباب وحطيت ايدي على كلبي الي يدك حيل
كعدت بشائر من نومها فتحت عيونها بعدت ايدي عنها ورجعت نامت
من حركت كلبي دفرتها ورحت للكنتور طلعت كل غراضها اريد اشوف وين المهدء التاخذه
اكيد هسه ماخذه منه بحيث نامت وكلشي يصير ماحست
لكيت شريطين من نفس المهدء القوي
واحد مخلص واحد باقي بي بس ثنين طلعتهن واني ابجي شربتهن ثنينهن اريد انام مثلهت بدون ماحس على شي
حطيت راسي يم راسها واني امسح على شعرها وابجي

بشائر ...
تلقيت تلك الصدمه
حاولت اتجنب مايحدث
لكن القدر في كل مره يوقف حاجزا بيني وبين رغبتي
اخذت تلك اليدين الناعمه بين يدي
وانا اتكلم بتهور عم فعلته ليلة البارحه
_مرتضى البارحه سديم هم شفتها
_لا بشائر هسه تجي ماما
ابتعدت عنه واني ادور سديم
ظهر وكلهم كاعدين مجتمعين اله هيه
راسي مصدع من كد مانمت
نزلت من فوك شيماء تمشي تتبخطر وسديم يمها عاصر ايديها بيدها الثانيه حيل
استغربت من منظرهن سديم شعدها فوك يم شيماء
اباوعلها وعينها على تميم اليخزر بيها
معقولة اكو شي بينهم ماعرفه

.....
يتبع