تصويت +تعليق بين الفقرات
......
بقلمي
زينب
.....
سديم
مندمج ب الحاسبه ومملاحظ وجودي تقربت واني احط ايدي على التاتو بكتفه فز مرعوب وايده فوك ايدي عاصرها على كتفه
_شبيج دخلتي بدون صوت
_انت ملتهي تشتغل شنو هاي تميم اول مره اشوفها وشم جديد لو قديم
دنك وجهه للحاسبه كانو يريد يتهرب من سؤال من كال
_الجرح ياذيني
_ليش متراجع دكتور علي
_بسيط فتره ويطيب
_ماكتلي شنو معنى خمسه ميل
_يعني ماتعرفيها
_لا ماعرفها
_منطقه ب البصره اسمها هيج
_غريب
_غريب انو ماسامعه بيها شعجب
_مادري بس ليش حاط وشم باسم المنطقه
جر نفس وهو يسد الحاسبه
كال بتذمر وهو ياشر ع الجرح
_سديم بطني تاذيني
تفاجاة من تصرفه
_اخاف حتى اباوعلها اني اكل العباس يضمدها الك
_لا انا اضمدها كعدي يمي
كعدت كباله عالسرير فتح الشاش ورجع بدله وهو يمسحه ب الكطن حيل ويصعر قبضه ايده متوجع العرك ينزل من كصته رغم الجو بارد
مسحت كصته واني الزم وجهه بثنين ايدي
_تميم وضعك ماعاجبني بيك شي
هز راسه بلا بدون ميجاوب كمل بطنه ولبس تشيرته وهو يجر نفس ويزفره اكثر من مره
ضل صافن علي الي جنت اباوعله واحاول افسر تصرفاته الغريبه والمزاجيه
ابتسم وهو يباوع بتملل
_اشو مكابلتني ست سديم
_مادري خايفه عليك احسك بيك شي
اختفت ابتسامته وهو يلزم ايدي ومنزل راسه
_تميم بيك شي والله جاي اخاف عليك
_احب تفهمج وطيبتج حيل يابعد حيلي تدرين ماريد اضم عليج شي
_ماجبرك تكول شي
_سديم تدرين امي ليش ماعارضت هيه عارضت زواجنه بس مو هواي يعني مالحت مثل ماتوقعنه توقعتها تسوي الاكثر تبقه امي وعزيزه علي حيل بس لازم تتفهم قراري
_اي
جر نفس رافض يحجي امه ليش ماعارضت زواجنه وبداخلي بس اريد اعرف السبب
تقرب علي حيل وميعرف شنو يحجي متوتر
_سديم انا ماخدعج بشي مستحيل
كمت من يمه واني كلبي يرجف ماريد اسمع شي اضافي احس قنبله ورا كلامه وجديته ورجفته
رجع سحب ايدي وهو يكعدني يمه
_ليش خايفه شكلت انا جا شلون احاجيج وانتي هيج خايفه
_ماخايفه
_ماريد اكسر فرحتنه واحنه توا عاقدين حلوات عيونج يلمعن ب الفرح
درت وجهي ابلع غصتي
_لا اكسر فرحتي بس لاتضم شي
باس باطن ايدي وي حركاته يكزبر جسمي
_ماكو شي يروحي شبيج صدكتي
كالها وهو يضحك
_متاكد
_اشش كافي دوختيني شكد تلغين
_تميم والله بعد ماجي يمك بس تنصنف علي
أنت تقرأ
قلوب بليده
Romanceانا عينيك الثالثه انا نفسك الثاني انا قلبك الذي لا يتوقف فكرك الذي لا يهدأ انا حرب لاتنتهي انا عصف حياتك انا كل عثراتك
