سديم...
النار تاكل داخلي بهدوء
يموت قلبي يوميا
ليحى قلب اخر
اكثر قوة اكثر صلابه اكثر حقدا
لم اكن اعلم ان هذه يومي الاخير
لم اكن اعلم ان نفسي تتعذب بشده
هذه ماكتب لي وهذه ماعشته
ماذا عن عيني ماذا عن قلبي
لا افكر في الحب
فليس لي نصيب به
انا ذات الحظ العاثر
.....
تصويت♡
بقلمي
زينب
.......
سديم...
غافيه وحسيت ايد ضخمه تلزم وجهي وتبعد شعري عن عيوني
فزيت بهلع مرعوبه عبالي ابوي
حطيت ايدي على كلبي واني اجر نفس
غمضت عيوني واحجي بين اسناني
_شبيك تميم هيه هاي سوايه
رفعلي عصارة بيده مالت حروق
همست بصوت ناصي
_لاتكعد بيبي وتشوفك
_ليش منايمه بغرفتكم
جريت نفس واني مقهورة
نزلت راسي العب باظافري واني اكله
_بشائر ضايجه مني
هز راسه واشرلي اكوم ورا
طلعت كعدت ع القنفه ب الهول وهو كال
_كومي لغرفتي
_مو حالة يوميه بغرفتك حتى البنات ملاحظين هذا الشي
_كومي سديم هنا مو مال سوالف
كمت واني اجر بنفسي كوة امشي نمت والشهكه بيه من كد مامقهورة من بشائر
دخلت وهو فتح الكنتور وانطاني تلفونه
_هذا تنطينه البشائر
_بس هذا جهازك
_عندي ثاني ماستخدم هذا وحذفت منه كلشي بس سديم لاتخيبون ثقتي
_احنه مو اطفال
_ادري بيكم لو ماثق بيكم ماجيب التلفون ورا الصار كله تلفونها عندي ماريد ارجعه الها هسه ختاخذ هذا
_ماشي شكرا الك
_وهاي العصاره دهني بيها الحرق
_ماكو داعي هو حرق صغير ماياذي
_وفرفحتج مساع
اخذت من ايده الصعاره
_دهنيها هنا ادري بيج تغلسين عليها ترا هاي العصارة زينه
رفعت عيني احاجي بقهر
_شكد لحت علي بشائر مانجي هنا بس اني لحيت اله هنا نجي ونعوف خالي ماعرف شكد اعتبر تصرفي تهور او طيش
رغم كلشي مامتندمه لان اجينه هنا ليش بشائر تحط اللوم بيه
اشرلي اكعد يمه وحجه
_بشائر كلتلج هيج
هزيت راسي بلا
_هيه من كلامها مبينه
_انتي الجاي تحطين اللوم على نفسج بسبب تفكيرج بس ماعرف شكلج تكولين مامتندمه جا ليش تلومين روحج
رفعت اكتافي بمعنى مادري
_اني عايشه بتناقض فضيع ماحسني انسانه طبيعيه دائما بيه كره للشخص المقابيلي
كال وهو ياشر على نفسه ويضحك
_حتى انا
_اول ماجيت هنا اضوج منك بدون سبب بس هسه عادي تعودت ع الوضع
_لاتتندمين ابد انتي اجيتي لاهلج اي هنا اهلج واصلج الي يصير عليج يصير علينه انتي بمكان امن
_ماكو امان ابد ياتميم الخوف والرعب الي نعيشه فضيع
سحب العصاره مني وفتحه سحب ايدي وهو يمرر ب الدهن على الحرك
_تتذكرين شنو عشتي قبل اربع سنوات ب التفصيل الملل يعني حتى مشاعرج العشتيها قبل هاي السنين
_يعني اتذكر احداث بس ماتذكر كلشي كلشي بس اكو اشياء تنطبع ب البال ماتنسي ابد باحداثها التفصيليه
_عفيه انا لهيج احب تفكيرج صح مرات تتصرفين بكيفج بس انتي بنفس الوقت ذكيه تعرفين شلون تجاوبين بلا متراوغين المهم هذا الجاي تمرين بي بعد سنه كله تنسينه ويصير ذكرى من الماضي فليش نخلي الماضي مليان رعب عيشي مثلج مثل شمس
_شمس امها ميته لو ابوها مدمن ربت من بيت لبيت خسرت دراستها واصدقائها تخاف من ابوها تخاف من اي شي تسوي
كلتها بغصه وعيوني مدمعه
_شكد سهل الحجي ياتميم بس ماكو اصعب من الفعل حط نفسك مكاني ليش تحسنني اني الجايبه الهم الروحي
سحبت ايدي منه ومسحت عيوني حيل ماريد دموعي تطيح
ضل ساكت وعينه على ايدي الثانيه واثر الحرك مال الجاي مشووه ايدي لدرجه اني تلعب نفسي منه صح مو اثر قوي بس ايدي مبينه بيها اثر مبين مو جلد عادي
صافنه عليها وحسيته سحب ايدي وخله شفايفه عليها
تفاجاة من تصرفه بنفس الوقت رعش كل جسمي من القشعريه واني احس شواربه تبزز ايدي
باس مكان الحرك وهو يكول
_شسوي ويروح الهم منج
طفرت من مكاني
حسيت تميم مو طبيعي للحظه حسيته يريد يستغلني بشي بس من باوعت لعيونه المدمعات ايقنت تميم مو مصلحه وياي
نزل راسه من شافني كمت من يمته خايفه
لزم شعره حيل وهو ضاغط على راسه
_شسوي وتنسين وتعيشين مرتاحه مرات اكول انتي مثل شمس من بس من اتذكر فكره ابوج يزوجج اتمنى اموت ولا اشوفج عروس لاي احد من يمته من شوكت ليش اني هيج متعلق بيج مادري بس اشوف الله جابج هنا علمود يجمعنا سوى بيبي اكثر من مره تحاول تحاجيني بهل موضوع تزوج بنت عمك واحتويها وعوضها عن الشافته بس جنت اكلها انتي مثل شمس بداخلي اكول لا جاي اجذب عليها
أنت تقرأ
قلوب بليده
Romanceانا عينيك الثالثه انا نفسك الثاني انا قلبك الذي لا يتوقف فكرك الذي لا يهدأ انا حرب لاتنتهي انا عصف حياتك انا كل عثراتك
